ລາວໂຮມລາວ ເພື່ອປະຊາທິປະໄຕ

ແຂ່ງຂັນ​ກ໋ອຟສົມທົບ​ທຶນ​ລົບ​ລ້າງ​ຄວາມທຸກ​ຍາກ

ການແຂ່ງຂັນກ໋ອຟຊິງຂັນທ່ານນາຍົກລັດຖະມົນຕີ ເພື່ອຫາລາຍໄດ້ສົມທົບທຶນພັດທະນາຊົນນະບົດຈັດໂດຍຄະນະຊີ້ນໍາພັດ
ທະນາຊົນນະບົດແລະລົບລ້າງຄວາມທຸກຍາກແຫ່ງຊາດ (ຫລບ) ໄດ້ຈັດຂຶ້ນໃນວັນທີ 29 ຕຸລາ2011 ທີ່ສະຫນາມກ໋ອຟບູຢອງ
(ຫລັກ 18) ໂດຍມີທ່ານ ທອງສິງທໍາມະວົງນາຍົກລັດຖະມົນຕີ, ທ່ານບຸນຍັງ ວໍລະຈິດຮອງປະທານປະເທດ, ທ່ານພົນໂທ
ດວງໃຈພິຈິດຮອງນາຍົກລັດຖະມົນຕີ, ລັດຖະມົນຕີວ່າການກະຊວງປ້ອງກັນປະເທດ ພ້ອມດ້ວຍບັນດາການນໍາພັກ-ລັດແລະ
ນັກກິລາຈາກພາກສ່ວນຕ່າງໆເຂົ້າຮ່ວມ.

ການຈັດແຂ່ງຂັນກິລາກ໋ອຟເທື່ອນີ້ ທ່ານບຸນເຮືອງດວງພະຈັນລັດຖະມົນຕີປະຈໍາຫ້ອງວ່າການລັດຖະບານປະທານຄະນະຊີ້ນໍາ
ພັດທະນາຊົນນະບົດແລະລົບລ້າງຄວາມທຸກຍາກແຫ່ງຊາດໄດ້ກ່າວວ່າ: ເປັນກິດຈະກໍາຫນຶ່ງເພື່ອການກຸສົນປະກອບສ່ວນສົມທົບ
ທຶນເຂົ້າກອງທຶນລົບລ້າງຄວາມທຸກຍາກ ເນື່ອງໃນໂອກາດສະເຫລີມສະຫລອງວັນສາກົນ ເພື່ອລົບລ້າງຄວາມທຸກຍາກແລະສັບ
ປະດາແຫ່ງຊາດ ເພື່ອລົບລ້າງຄວາມທຸກຍາກຂອງຄະນະ ຫລບ ໂດຍມີການຈັດຕັ້ງທັງພາກລັດ, ບໍລິສັດຫ້າງຮ້ານຕ່າງໆແລະ
ບຸກຄົນເຂົ້າຮ່ວມປະກອບສ່ວນໄດ້ທັງຫມົດ 500 ລ້ານກວ່າກີບ ຊຶ່ງເງິນຈໍານວນດັ່ງກ່າວແມ່ນຈະໄດ້ນໍາໃຊ້ເຂົ້າໃນວຽກງານເພື່ອແກ້
ໄຂຄວາມທຸກຍາກໃນຂັ້ນຕໍ່ໄປ.