ລາວໂຮມລາວ ເພື່ອປະຊາທິປະໄຕ

ມື້ນີ້ໄດ້ຕິດຕາມຂ່າວສະພາບການ ການເມືອງຂອງໄທ ພາຍຫຼັງທີ່ບໍ່ໄດ້ເບິ່ງເປັນເວລາປະມານໜຶ່ງອາທິດແລ້ວ ເພາະຄາພາລະກິດທີ່ສໍາຄັນ

ຜູ້ນໍາຄົນນຶ່ງ (ຜູ້ນໍາຄອບຄົວ). ພາໃຫ້ນຶກພໍ້ຄວາມເວົ້າຜູ້ເຖົ້າແກ່ເພິ່ນເວົ້າກ່ຽວກັບຂໍ້ຕົວບົດໝາຍວ່າ : ຖີ່ຂີ້ຊ້າງລອດ ຫ່າງຂີ້ມອດຄ້າງ

ຊຶ່ງເພິ່ນອະທິບາຍຄວາມໝາຍວ່າ ສໍາລັບຜູ້ມີສິດອໍານາດບາດໃຫຍ່ນັ້ນ ເຂົາຈະບໍ່ຄາເງື່ອນໄຂທາງຂໍ້ບັງຄັບຂອງກົດໝາຍ ມີແຕ່ຜູ້ດ້ອຍອໍານາດ

ວາດສະນາແລະທຸກຍາກທໍ່ນັ້ນທີ່ຕ້ອງຮັບໂທດຕາມທີ່ຕາໄວ້ໃນກົດໝາຍ.

ອີກເລື່ອງນຶ່ງແມ່ນເລື່ອງເປັນກາງ. ໃນລະບອບເກົ່າ ເຈົ້າສຸວັນນະພູມາ ອະດີດນາຍົກລາວໃນລະບອບເກົ່າ ໄດ້ນໍາເອົາປະເທດລາວເປັນກາງທາງການ ໂດຍບໍ່ຝັກໄຝ່ຝ່າຍໃດ (ບໍ່ວ່າຂວາຫຼືຊ້າຍ) ເພິ່ນເລີຍໄດ້ສະມັນຍານາມວ່າ ບິດາແຫ່ງຄວາມເປັນກາງ. ມີຄົນຈໍາພວກນຶ່ງເວົ້າວ່າ ທີຈິງແລ້ວ ມັນເປັນກາງບໍ່ໄດ້ດອກ - ຄວາມເປັນກາງທີ່ແທ້ຈິງແມ່ນບໍ່ມີ.  ຖ້າບໍ່ອ່ຽງຊ້າຍ ກໍຕ້ອງອ່ຽງຂວາ- ເປັນກາງແທ້ ມີແຕ່ ມີແຕ່  "ໜໍ່ແຕດ " ຫັ້ນແລ້ວ. (ຂໍໂທດ ເວົ້າຕາມທີ່ເຂົາເວົ້າກັນໃນລະບອບເກົ່າເດີ).

ດຽວນີ້ໄທ ກໍຄິດຈະມີ ນາຍົກຄົນກາງ - ເລີຍຢາກຄິດຢາກຖາວມວ່າ ມັນຈະກາງໄດ້ແທ້ບໍ? ຈະເອົາມາແຕ່ໃສ? ຈະເປັນວິຣະບຸຣຸດຂີ່ມ້າຂ່າວແຕ່

ທາງໃດ ມາເປັນນາຍົກຄົນກາງ ແລ້ວຈະຊ່ວຍໃຫ້ປະເທດຮຽບຮ້ອຍດີ, ສະຫງົບສຸກ ຍຸດຕິທໍາ ແລະມີປະຊາທິປະໄຕເຕັມຮູບແບບດ້ວຍ?.

ເຫັນຂ່າວວ່າ ກຸ່ມສຸເທບ+ ອໍາມາດ ກຽມສະເໜີຊື່ສາມຄົນ ເພື່ອຂຶ້ນໄປຂໍທູນເກົ້າອະນຸມັດແຕ່ງຕັ້ງ (ອະນັນ ປັນຍາຣະຊຸນ , .... ແລະ ປະຢຸດ ຈັນໂອຊາ) ວ່າຊັ້ນ. ຄັນຊັ້ນ ພວກເຮົາລໍຖ້າເບິ່ງນໍາກັນເນາະ ນາຍົກໄທ - ນາຍົກໜໍ່ແຕດ ຈະມາແລ້ວ. ເບິ່ງວ່າ ມັນຊິບໍ່ອ່ຽງຮິມຊ້າຍ ຫຼື ຮິມຂວາບໍ?