ຈັບໄມ້ຄະຍຸງເຖື່ອນ!

ເຈົ້າຫນ້າທີ່ພາສີພະແນກຕ້ານ ແລະ ສະກັດກັ້ນການລັກລອບຫນີພາສີ ກົມພາສີ ກະຊວງການເງິນ
ສາມາດກວດຍຶດໄມ້ຂະຫຍຸງເຊິ່ງເປັນໄມ້ຫວງຫ້າມຈຳນວນປະມານ 200 ກວ່າແມັດກ້ອນ, ພາຍຫລັງ
ທີ່ໄດ້ຮັບການແຈ້ງຂ່າວຈາກພົນລະເມືອງດີກ່ຽວກັບໂດຍນຳໃຊ້ລົດບັນທຸກ 12 ລໍ້ຈຳນວນ 6 ຄັນເຂົ້າ
ໃນການຂົນສົ່ງ, ມາຈາກພາກໃຕ້ຂອງລາວ, ໂດຍຫົວຫນ້າພະແນກຕ້ານກວ່າວ່າເປັນການກວດຢືດໄມ້
ຫວງຫ້າມຂະຫນາດໃຫຍ່ທີ່ສຸດໃນນະຄອນຫລວງວຽງຈັນໃນໄລຍະ 5 ປີຜ່ານມາ.ຕາມຫານລາຍງານຂອງທ່ານ ຄໍາມິດ ໄຊອາສາ ຫົວຫນ້າພະແນກຕ້ານ ແລະ ສະກັດກັ້ນການລັກລອບ
ຫນີພາສີ, ກົມພາສີ, ກະຊວງການເງິນ, ໄດ້ແຈ້ງໃຫ້ຊາບວ່າ: ການລົງຕິດຕາມເປົ້າຫມາຍດັ່ງກ່າວໄດ້ມີ
ຂຶ້ນໃນວັນທີ 4-6 ມັງກອນ 2014 ຂອງເຈົ້າຫນ້າທີ່ຂອງພະແນກຕ້ານ ແລະ ສະກັດກັ້ນການລັກລອບ
ຫນີພາສີພາຍຫລັງທີ່ຮັບຂ່າວຈາກພົນລະເມືອງດີວ່າຈະມີການຂົນສົ່ງເຄື່ອນຍ້າຍໄມ້ຈຳນວນດັ່ງກ່າວຈາກພາກໃຕ້ຜ່ານນະຄອນຫລວງວຽງຈັນ, ໂດຍມີການຊຸດເຊື່ອງໄມ້ຫວງຫ້າມໃນຂະ ບວນລົດຂົນສົ່ງຈໍານວນ
6 ຄັນຕາມພື້ນຖານລາຍງານ, ສະນັ້ນ, ທາງຫົວຫນ້າພະແນກ ກໍ່ໄດ້ຈັດຕັ້ງເຈົ້າຫນ້າທີ່ສາຍກວດຈຳນວນ
10 ກວ່າທ່ານລົງຕິດຕາມເປົ້າຫມາຍເປັນເວລາ 2 ວັນ, ເລີ່ມແຕ່ແຂວງ ບໍລິຄຳໄຊ ຈົນເຖິງເມືອງໄຊທານີ ດ້ວຍຄວາມໃກ້ຊິດ ແລະ ສາມາດເຫັນລົດເປົ້າຫມາຍລົດຈຳນວນ ດັ່ງກ່າວ ຫລັງຈາກນັ້ນກໍ່ໄດ້ກວດກາເອ
ກະສານ ທີ່ຈຸດກວດກາ ດອນຫນູນ, ເຊິ່ງຂົນສົ່ງເປັນລົດບັນທຸກ 12 ລໍ້ ຈຳນວນ 6 ຄັນທີ່ບັນທຸກໄມ້ຕາມ
ການຖືເອກະສານອ້າງອີງເປັນປະເພດໄມ້ດູ່ ແລະ ໄມ້ເຊື້ອກ ເມື່ອເຈົ້າຫນ້າທີ່ພາສີເຂົ້າກວດເບິ່ງຕາມສະພາບ
ຄວາມເປັນຈີງປະກົດວ່າ ບັນດາໄມ້ທີ່ແຈ້ງຕາມເອກະ ສານອ້າງອີງ ແມ່ນໄດ້ໃຊ້ສຳຫລັບຫຸ້ມຫໍ່ປິດບັງອຳພາງແຕ່ພາຍໃນໄດ້ພົບເຫັນການບັນຈຸໄມ້ຂະຍຸງເປັນທ່ອນລຽນກັນຕີເປັນຕັບທີ່ມີ ຂະຫນາດ ຫນ້າຕັດແຕ່ 20-60
ກວ່າຊັງຕິແມັດ, ຍາວແຕ່ 180-250 ຊັງຕີແມັດ, ປະມານ 150-210 ແມັດກ້ອນ, ເຊິ່ງບໍ່ມີເອກະສານ
ອ້າງອີງເຖິງແຫລ່ງທີ່ມາ ແລະ ຜູ້ເປັນເຈົ້າຂອງແຕ່ຢ່າງໃດ, ເຊິງການເຄື່ອນຍ້າຍອາດຈະແມ່ນລັກສະນະ
ແອບອ້າງ, ດັ່ງນັ້ນ, ຈິ່ງໄດ້ນໍາມາກວດກາຕົວຈິງ ແລະ ໄດ້ຂົນລົງເກັບຮັກສາ ໄວ້ຢູ່ທີ່ສ້າງຂອງພະແນກ
ຕ້ານ ແລະ ສະກັດກັ້ນການລັກລອບຫນີພາສີ, ສ່ວນລົດບັນທຸກທັງ 6 ຄັນແມ່ນໄດ້ນຳໄປຮັກສາໄວທີ່ຈຸດ
ກວດ ດອນຫນູນ.ສຳລັບໄມ້ຈຳນວນດັ່ງກ່າວ ທ່ານ ຫົວຫນ້າພະແນກຕ້ານ ແລະ ສະກັດກັ້ນການລັກລອບຫນີພາສີໄດ້ແຈ້ງ
ໃຫ້ຊາບຕື່ມອີກວ່າ: ທາງເຈົ້າຫນ້າທີ່ພາສີພວກຍັງຈະໄດ້ສືບຕໍ່ສົມທົບກັບພາກສ່ວນກ່ຽວຂ້ອງ ເພື່ອ ກວດ
ກາປະເພດໄມ້ ແລະ ວັດແທກຄືນໃຫມ່ເພື່ອກ້າວເຂົ້າສູ່ການດຳເນີນຄະດີ ພ້ອມທັງລາຍງານ ຂັ້ນເທິ່ງໃນ
ຂັ້ນຕອນຕໍ່ໄປ, ຕາມປະລິມາດັ່ງກ່າວມານັ້ນ ໃນໄລຍະຜ່ານມາທາງເຈົ້າຫນ້າທີພວກເຮົາ ກໍ່ເຄີຍຢືດໄມ້ຫວງ
ຫ້າມປະເພດດຽວກັນນີ້ໄດ້ຢູ່ພາສີເຂດ 4 ໃນທ້າຍເດືອນ ທັນວາ ທີ່ຜ່ານມານີ້ ເຊິ່ງກໍ່ມີລັກສະນະຄ້າຍຄືກັນ“ການກວດພົບດັ່ງກ່າວຖືວ່າເປັນຄະດີລາຍໃຫຍ່ເປັນຄັ້ງທີ່ສອງເຊິ່ງມີມູນຄ່າສູງ, ບໍລິມາດກໍ່ຫລາຍສຳລັບ
ມູນຄ່າຂອງໄມ້ ແມ່ນຍັງຈະໄດ້ທຳການຄິດໄລຕີລາຄ່າໃນຂັ້ນຕໍ່ໄປ ແລະ ສ່ວນເຈົ້າຂອງໄມ້ ຈຳນວນດັ່ງກ່າວ ແມ່ນຍັງຈະໄດ້ສືບສວນສອບສວນໃນຂັ້ນຕອນຕໍ່ໄປ”ທ່ານ ຄຳມິດ ໄຊອາສາ ກ່າວ.ທ່ານຍັງໄດ້ກ່າວຕື່ມອີກວ່າ:

ຈາກຜົນງານການກວດຍຶດໄມ້ໄດ້ໃນຄັ້ງນີ້ແມ່ນຍ້ອນການຊີ້ນຳ-ນຳພາ
ຢ່າງໃກ້ຊິດຂອງຄະນະພັກຄະນະນຳກະຊວງການເງິນເວົ້າລວມ, ເວົ້າສະເພາະແມ່ນຄະນະພັກ,
ຄະນະ ຫນ່ວຍພັກກົມພາສີຍາມໄດ້ກໍ່ໄດ້ໃຫ້ຄວາມໃກ້ຊິດຕິດແທດກັບຄະນະນຳພະແນກ ກໍ່ຄືບັນ
ດາເຈົ້າຫນ້າທີ່ ປະຈຳພະແນກຕ້ານ ແລະ ສະກັດກັ້ນການລັກລອບຫນີພາສີອັນເຮັດໃຫ້ເຈົ້າຫນ້າທີ່ພວກຂ້າພະເຈົ້າສາ ມາດລົງໄກ້ຊິດຕິດແທດກັບປະຊາຊົນໃນເຂດຕ່າງໆໃຫ້ເຂົ້າໃຈຕໍ່ແນວທາງນະ
ໂຍບາຍຂອງພັກ-ລັດ, ກໍ່ຄືພະນັກງານເຈົ້າຫນ້າພະແນກຕ້ານ ແລະ ສະກັດກັ້ນການລັກລອບຫນີພາ
ສີ ເພື່ອເປັນຫູເປັນຕາ ຊ່ວຍເຈົ້າຫນ້າທີ່ພວກຂ້າພະເຈົ້າຈົນສາມາດເຮັດໄດ້ຜົນສຳລັດໃນຄັ້ງນີ້, ແລະ
ການກວດພົບໃນຄັ້ງນີ້ ເຊິ່ງເປັນຄະດີລາຍໃຫຍ່ໃນຮອບ 5 ປີທີ່ສາມາດກວດພົບ ແລະ ຢຶດໄມ້ຈຳ
ນວນດັ່ງກ່າວໄດ້ໃນຂັ້ນສູນກາງ.

---------------------------------------------------------------------------------

ປ່າສະຫງວນແຫ່ງຊາດ ເຂົາພາກັນເຂົ້າໄປລັກຕັດເອົາໄມ້ ຄະຍຸງ ສົ່ງຂາຍໃຫ້ຈີນ/ຫວຽດນາມ

ຈົນກຽ້ງ -- ພັກລັດຫາກໍຕື້ນໂຕ