ລາວໂຮມລາວ ເພື່ອປະຊາທິປະໄຕ

ລັດຖະມົນຕີໂຍທາທິການຊີ້ແຈງການກໍ່ສ້າງເສັ້ນທາງຮ່ອມ ແລະ ບາງໂຄງການຖືກໂຈະ

ບັນຫາ​ໂຄງການ​ກໍ່ສ້າງ​ເສັ້ນທາງ​ຮ່ອມ​ຢູ່​ນະຄອນຫລວງ​ວຽງ​ຈັນ ທີ່​ມີ​ຄວາມ​ຄືບ​ໜ້າ​ມາ​ຫລາຍ​ສົມຄວນ​ໃນ​ໄລຍະ​ຕົ້ນ ແລະ ໃນເວລາ​ຕໍ່​ມາ​ກໍ່​ໄດ້​ຖືກ​ໂຈະຄື​ກັບ​​ໂຄງການ​ກໍ່ສ້າງ​ເສັ້ນທາງ​ 3 ໂຄງການ​ຢູ່​ແຂວງ​ໄຊ​ຍະ​ບູລີ ທີ່​ໄດ້​ຈັດ​ຕັ້ງ​ປະຕິບັດ​ມາ​ສຳ​ເລັດ​ເປັນ​ສ່ວນ​ໃຫຍ່ ແລະ ໄດ້​ຖືກ​ໂຈະ ​ເຊັ່ນ​ດຽວ​ກັນອັນ​ໄດ້​ສ້າງ​ຄວາມ​ສົນ​ໃຈ ໃຫ້​ກັບ​ປະຊາຊົນໂດຍ​ສະມາຊິກ​ສະພາ​ແຫ່ງ​ຊາດ​ແຕ່ ລະ​ເຂດ​ໄດ້​ນຳ​ເອົາ​ຂໍ້​ຂ້ອງ​ໃຈ​ດັ່ງກ່າວ​ສະ​ເໜີ​ຜ່ານ​ກອງ​ປະຊຸມ​ສະ​ໄໝ​ສາມັນສະພາ​ແຫ່ງ​ຊາດ​ເທື່ອ​ທີ 7 ແລະ ​ໃນ​ອາທິດ​ທີ່​ຜ່າ​ນມາ ທ່ານ ດຣ. ບຸນ​ຈັນ ສິນ​ທະ​ວົງ ລັດຖະມົນຕີ​ວ່າການ​ກະຊວງ​​ໂຍທາ​ທິການ ແລະ ຂົນ​ສົ່ງ ​ໄດ້​ໃຫ້​ຄຳ​ຊີ້​ແຈງ​ເຖິງ​ສະພາບ​ຄວາມ​ເປັນ​ຈິງຂອງ​ການ​ກໍ່ສ້າງ​ເສັ້ນທາງ​ດັ່ງກ່າວ​ຢ່າງ​ກົງ​ໄປ​ກົງ​ມາ.

ລັດຖະບານ 28% ​ແລະ ADB 62% ​ແລະ ​ໄດ້​ກຳນົດ​​ເຖິງວິທີ​ການຈັດ​ຕັ້ງ​ປະຕິບັດ​ແມ່ນໄດ້​ມີ​ການ​ສຳ​ຫລວດ​ອອກ​ແບບ ​ແລະ ປະ​ເມີນ​ມູນ​ຄ່າ​ການ​ກໍ່ສ້າງ, ​ກຳນົດ​ເອົາ​ແບບ ແລະ ມູນ​ຄ່າ​ການ​ກໍ່ສ້າງ​ນຳ​ໄປ​ປຶກສາ​ກັບ​ປະຊາຊົນ ຜູ້​ທີ່​ມີ​ສ່ວນ​ຮ່ວມ​ໃນ​ເຂດ​ໂຄງການ​ຕັ້ງ​ຢູ່ເພື່ອ​ເປັນ​ເອກະ​ພາບຕໍ່​ຈຳ​ນວນ ​ເງິນ​ທີ່​ຈະ​ຊຳລະ​ສະ​ສາງ ​ແລະ ​ວ່າ​ຈ້າງ​ການ​ກໍ່ສ້າງ​ຜູ້​ທີ່​ຊະນະ​ການ​ປະມູນ​ເພື່ອ​ລົງມື​ຈັດ​ຕັ້ງ​ ປະຕິບັດ. ມາຮອດ​ປີ 2009 ໂຄ​ງການ​ດັ່ງກ່າວ​ໄດ້​ກາຍ​ເປັນ​ຕົວ​ແບບ​ທີ່​ດີ​ຂອງ​ ADB ແລະ ສອດຄ່ອງ​ກັບ​ນະ​ໂຍ ບາຍ​ຂອງ​ພັກ-ລັດຖະບານ​ທີ່​ວ່າ: “ລັດ​ກັບ​ປະຊາຊົນ​ພ້ອມ​ກັນ​ເຮັດ”, ຊຶ່ງ​ໂຄງການ​ກໍ່ສ້າງ​​ເບື້ອງ​ຕົ້ນ​ມີ​ຄວາມ​ຍາວ 165 ກິ​ໂລ​ແມັດ ກວມ​ເອົາ 5 ເມືອງ, ​ຕົກ​ມາ​ຮອດ​ປີ 2011 ໂຄງການ​ເສັ້ນທາງ​ຊອຍ​​ໄດ້​ຮັບ​ການ​ຂະຫຍາຍ​ຈັດ​ຕັ້ງ​ປະຕິບັດ​ຢ່າງ​ເປັນ​ຂະ​ ບວນໂດຍ​ໄດ້​ເພີ່ມ​ການ​ປະກອບສ່ວນ​ຂອງ​ປະຊາຊົນ​ຈາກ 10% ມາ​ເປັນ 30%, ຊຶ່ງ​ເປັນ​ນະ​ໂຍບາຍ​ຂອງນະຄອນຫລວງ​ວຽງ​ຈັນ​ມອບ​ໃຫ້​ເມືອງ​ເປັນ​ເຈົ້າ​ຂອງ​ ໂຄງການ​. ໃນ​ເວລາ​ຕໍ່​ມາສະພາບ​ການ​ກໍ່ ສ້າງ​ໄດ້​ມີ​ການ​ປ່ຽນ​ແປງ​ຍ້ອນ​ປະຊາຊົນ​ບໍ່​ມີ​ທຶນ​ປະກອບສ່ວນ ເພາະ​ເປັນເງິນ​ຈຳນວນ​ຫລາຍ ລາຍ​ຈ່າຍ​ຕໍ່​ຄອບຄົວ​ບໍ່​ສາມາດ​ຈ່າຍ​ໃຫ້​ຜູ້​ເໝົາ​ໄດ້, ນະຄອນຫລວງ​ເອງ​ກໍ່​ບໍ່​ມີ​ງົບປະມານ​ຊຳລະ​ໃຫ້​ຜູ້​ຮັບ​ເໝົາ ​ແລະ ເສັ້ນທາງ​ຈຳນວນ​ໜຶ່ງ​ກໍ່ສ້າງ​ບໍ່​ໄດ້​ມາດ​ຕະຖານປະຊາຊົນ​ບໍ່​ຍອມ​ຈ່າຍ​ເງິນ, ຈຶ່ງ​ເຮັດ​ໃຫ້​ຫລາຍ​​ໂຄງການ​ຖືກ​ຢຸດ​ສະ​ງັດ.