ປະທານກ່າວໃນພິທີວ່າ: ກອງປະຊຸມສຳມະນາຄັ້ງນີ້ ແມ່ນແນໃສ່ເພື່ອສ້າງຄວາມເຂົ້າໃຈກ່ຽວກັບຂັ້ນຕອນພິເສດດ້ານສິດ ທິມະນຸດຂອງ ສປຊ ເພື່ອກະ ກຽມຄວາມພ້ອມຂອງ ສປປ ລາວ ໃນການພິຈາລະນາເຊື້ອເຊີນຜູ້ລາຍງານພິເສດ ສປຊ ມາຢ້ຽມຢາມ ສປປ ລາວ ຕາມຄວາມເໝາະສົມ ເພື່ອປະຕິບັດຕາມຂໍ້ສະເໜີແນະພາຍໃຕ້ກົນໄກທົບທວນປະຈຳໄລຍະຂອງສະ ພາສິດທິມະນຸດ ສປຊ ຮອບວຽນທີໜຶ່ງທີ່ ສປປ ລາວ ໄດ້ຜ່ານການທົບທວນໃນປີ 2010 ຜ່ານມາ ແລະ ກະກຽມໃຫ້ແກ່ການທົບທວນໃນຮອບວຽນທີສອງໃນຕົ້ນປີ 2015. ສປປ ລາວ ຍາມໃດກໍມີນະໂຍບາຍການຕ່າງປະເທດອັນສະເໝີຕົ້ນສະເໝີປາຍໃນການຮ່ວມມືກັບກົນໄກສິດທິມະ ນຸດຂອງ ສປຊ. ສປປ ລາວ ເປັນພາຄີສົນທິສັນຍາຫລັກດ້ານສິດ ທິມະນຸດ 7 ສະບັບ ແລະ ໄດ້ມີການຮ່ວມມືກັບກົນໄກຜູ້ລາຍງານພິເສດໃນການປົກປ້ອງ ແລະ ສົ່ງເສີມສິດທິມະນຸດຂອງສະພາສິດທິມະນຸດ ສປຊ ໃນໄລ ຍະຜ່ານມາ ລວມທັງການຕ້ອນ ຮັບການຢ້ຽມຢາມຂອງຜູ້ລາຍງານພິເສດ ສປຊ ກ່ຽວກັບເສລີ ພາບດ້ານສາສະໜາໃນປີ 2008.
ປະທານ ໃຫ້ຮູ້ວ່າ: ການຢ້ຽມ ຢາມຂອງຜູ້ລາຍງານພິເສດຈະຕ້ອງບົນພື້ນຖານການເຊື້ອເຊີນຂອງປະເທດ ກ່ຽວຂ້ອງ ແລະ ການເຄື່ອນໄຫວເຮັດວຽກ, ລວມ ທັງການຕີລາຄາການປະຕິບັດສິດທິມະນຸດຂອງຜູ້ລາຍງານພິເສດຈະຕ້ອງ ຢູ່ໃນຂອບຂອງຫລັກການຂອງກົດບັດ ສປຊ, ໂດຍສະເພາະແມ່ນຫລັກການແຫ່ງການເຄົາລົບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ ແລະ ບໍ່ແຊກແຊງເຂົ້າວຽກງານພາຍໃນຂອງກັນ. ພ້ອມດຽວກັນນີ້, ຜູ້ລາຍງານພິເສດຈະສາມາດປະກອບສ່ວນຢ່າງແທ້ຈິງໃນການສົ່ງເສີມ ແລະ ປົກປ້ອງສິດທິມະນຸດໃນລະດັບສາ ກົນຕາມພາລະບົດບາດຂອງ ຕົນ, ແຕ່ຈະຕ້ອງໄດ້ຄຳນຶງເຖິງຫລັກ ການພາວະວິໄສ, ບໍ່ເລືອກປະຕິບັດ, ບໍ່ມີການຈຳແນກ, ບໍ່ໃຊ້ມາດຕະຖານສອງໜ້າ ແລະ ບໍ່ນຳໃຊ້ເພື່ອຈຸດປະສົງທາງການເມືອງ. ໃນກອງປະຊຸມສຳມະນາດັ່ງກ່າວ ຜູ້ເຂົ້າຮ່ວມໄດ້ແລກ ປ່ຽນຂໍ້ມູນຂ່າວສານກັບຜູ້ຊ່ຽວ ຊານກ່ຽວກັບຫລັກການ ແລະ ພາກປະຕິບັດຕົວຈິງຂອງກົນໄກຜູ້ລາຍງານພິເສດຂອງ ສປຊ ອັນໄດ້ເຮັດໃຫ້ຜູ້ເຂົ້າຮ່ວມ້ມີຄວາມຮັບຮູ້ ແລະ ຄວາມເຂົ້າໃຈຕື່ມກ່ຽວກັບການເຮັດວຽກຂອງກົນໄກຜູ້ລາຍງານພິເສດ ສປຊ ກໍຄືລະບົບສິດທິມະນຸດຂອງອົງ ການສະຫະປະຊາຊາດ.
