ລາວໂຮມລາວ ເພື່ອປະຊາທິປະໄຕ

ທ່ານນາຍົກລັດຖະມົນຕີ ທອງສິງ ທຳມະວົງ ໄດ້ກ່າວໃນກອງປະຊຸມລັດຖະ ບານສະໄໝສາມັນປະຈຳເດືອນຕຸລາທີ່ສຳ ເລັດລົງເມື່ອທ້າຍອາທິດ ຜ່ານມານີ້ວ່າ: ຂໍໃຫ້ທຸກພາກສ່ວນສືບຕໍ່ ເອົາໃຈໃສ່ເຮັດວຽກງານປ້ອງ ກັນຊາດ-ປ້ອງກັນ ຄວາມສະຫງົບ (ປກຊ-ປກສ) ໃຫ້ແຂງແຮງກວ່າເກົ່າ, ຫລັງຈາກເຫັນ ວ່າ, ປັດຈຸບັນພວກອິດທິກຳລັງ ປໍລະປັກ ແລະ ພວກຄົນບໍ່ດີໄດ້ ນຳໃຊ້ເຄື່ອງມືສື່ສານ ສັງຄົມ ອອນລາຍ ເຊັ່ນ: ອີນເຕີເນັດ, ເຟສບຸກ ແລະ ການສື່ສານອື່ນໆ ໂຄສະ ນາໃສ່ຮ້າຍປ້າຍສີ, ທັບຖົມໂຈມຕີ ແລະ ແບ່ງແຍກພາຍ ໃນການນຳ, ລະຫວ່າງຂັ້ນລຸ່ມ ກັບຂັ້ນເທິງ ແລະ ລະຫວ່າງການ ນຳກັບປະຊາຊົນ. ໂດຍ ສະເພາະແມ່ນຍົກສູງສະຕິລະວັງຕົວ ແລະ ຕື່ນຕົວໃນການປະກອບສ່ວນແກ້ໄຂປາ ກົດການຫຍໍ້ທໍ້ ຕ່າງໆທີ່ມີ ລັກສະນະເພີ່ມຂຶ້ນ ເຊັ່ນ: ບັນຫາຢາເສບຕິດ, ອຸປະຕິເຫດບົນທ້ອງຖະໜົນ, ກຸ່ມແກ້ງນັກເລງອັນຕະພານ, ສະພາບຂີ້ລັກງັດ ແງະ, ການລັກລອບ ຕັດໄມ້ ແລະ ຊື້-ຂາຍໄມ້ຜິດກົດໝາຍ, ການລັກລອບຂຸດຄົ້ນແຮ່ທາດແບບ ຊະຊາຍຢູ່ໃນບາງແຂວງ, ບາງ ທ້ອງຖິ່ນ ແລະ ບັນຫາອື່ນໆ ເຊິ່ງ ພາກສ່ວນກ່ຽວຂ້ອງຕ້ອງໄດ້ ເພີ່ມທະວີເອົາໃຈໃສ່ແກ້ ໄຂຢ່າງຈິງຈັງ ແລະ ເດັດຂາດເຂັ້ມງວດ ເພື່ອສາ ມາດຕ້ານ ແລະ ສະກັດ ກັ້ນສິ່ງຫຍໍ້ທໍ້ດັ່ງກ່າວໃຫ້ມີຜົນດີກວ່າເກົ່າ.

--------------------------------------------------------------------------

ແກ້ໂຕໄປເລື້ອຍ, ໂຍນຂີ້ໃຫ້ຄົນອື່ນຕະຫຼອດ ພະນັກງານພາກລັດນັ້ນແຫລະຄືກຸ່ມຄົນບໍ່ດີ ສໍ້ໂກງຊັບສົມບັດຂອງຊາດ ຖ້າບໍ່ເຊື່ອທ່ານລອງເບິ່ງພະນັກງານຂັ້ນການນຳຈົນເຖິງພະນັກງານວິຊາການແດ່ ມີລົດຫລູຫລາຂີ່ ຄັນລະ 2-3ແສນໂດລາ, ພວກທ່ານເອົາເງິນຢູ່ໃສມາຊື້ ລຳພັງເງິນເດືອນຫຼືເງິນເບ້ຍລ້ຽງທີ່ພວກທ່ານໄປຕ່າງປະເທດມາ ມັນພຽງພໍທີ່ຈະຊື້ລົດລາຄາຄັນລະ2-3ແສນໂດລາເລີຍຫວາ, ການສໍ້ລາດບັງຫຼວງ ມັນລະບາດຢູ່ສັງຄົມລາວຕັ້ງແຕ່ເຫນືອຮອດໄຕ້ ເປັນຫຍັງລັດຖະບານບໍ່ເວົ້າ ນີ້ແມ່ນຄວາມຈິງທີ່ມັນເກີດຂື້ນຢູ່ໃນປະຈຸບັນ, ສັດຕູພາຍນອກມັນບໍ່ເທົ່າໃດດອກ ການກຳຈັດສັດຕູພາຍນອກມັນເປັນເລື່ອງງ່າຍ, ທີ່ສຳຄັນທີ່ສຸດມັນແມ່ນສັດຕູພາຍໃນນີ້ແຫລະ, ຫລືວ່າໃຜຈະມາຖຽງຂ້ອຍວ່າຢູ່ລາວບໍ່ມີການສໍ້ລາດບັງຫລວງ,,,,, ໂຈນໃນຄາບຜູ້ດີ ກໍ່ຄືກະໂຕຂອງພະນັກງານລັດຫັນແຫລະ, ພວກທ່ານໄປເບິ່ງພະນັກງານ ພາສີ-ອາກອນແດ່ແມ, ມີເຮືອນຫຼັງໃຫຍ່ໆ ລົດຂີ່ລາຄາແພງໆ, ຖ້າບໍ່ໄດ້ໂກງຊັບສົມບັດຂອງຊາດມາ ພວກເຂົາຈະເອົາເງິນມາແຕ່ໃສ