ລາວໂຮມລາວ ເພື່ອປະຊາທິປະໄຕ

ທາງຫລວງແຫ່ງຊາດເລກທີ 13 ຖ້າການສ້ອມແປງຊັກຊ້າຈະເຮັດໃຫ້ການສັນຈອນຫຍຸ້ງຍາກຫລາຍຂຶ້ນ

ທາງຫລວງແຫ່ງຊາດເລກທີ 13 ແຕ່ເໜືອຮອດໃຕ້, ຊຶ່ງເປັນສາຍທາງຫລັກ ຂອງປະເທດ, ປັດຈຸບັນເຫັນວ່າບາງຍ່ານຂອງເສັ້ນທາງສຳຄັນດັ່ງກ່າວຕົກຢູ່ ໃນສະ ພາບເປ່ເພເປັນບວກຂຸມ ເປັນຈຳນວນບໍ່ໜ້ອຍ, ເນື່ອງຈາກໄດ້ຮັບຜົນກະທົບຢ່າງ ໜັກຈາກລະດູຝົນຜ່ານມາ, ບາງຍ່ານຖືກນ້ຳຖ້ວມໄຫລເຊາະເຮັດ ໃຫ້ເສັ້ນທາງເກີດ ເປັນບວກຂຸມ ແລະ ອີກບາງສ່ວນຍ້ອນຂາດ ການຄຸ້ມຄອງການສ້ອມແປງ ຈຶ່ງເຮັດ ໃຫ້ສະພາບເສັ້ນທາງມີການເປ່ເພຮ້າຍແຮງ, ຖ້າພາກສ່ວນກ່ຽວຂ້ອງຍັງຖືເບົາແກ່ ຍາວ ການສ້ອມແປງຍິ່ງຈະເພີ່ມຄວາມຫຍຸ້ງຍາກລຳບາກ ແລະ ຈະເຮັດໃຫ້ການສັນ ຈອນໄປມາພົບກັບຄວາມຫຍຸ້ງຍາກ.

ກຸ້ມດົນປານໃດເມື່ອຝົນຕົກລົງມາຈະເຮັດໃຫ້ເສັ້ນທາງກາຍເປັນຕົມ, ປັດຈຸບັນໃນແຕ່ລະວັນຈະມີລົດຕິດຄາບວກຂຸມຕິດ ຕໍ່ກັນ ເປັນແຖວຍາວຢຽດ, ໂດຍລົດທຸກ ຄັນທີ່ຜ່ານທາງສາຍນີ້ຈຳຕ້ອງ ໄດ້ແກ່-ລາກອອກຈາກຕົມໃຫ້ ພົ້ນຈາກເຂດອັນຕະ ລາຍ. ດັ່ງ ນັ້ນ, ຈຶ່ງເຮັດໃຫ້ການເດີນທາງ ມີຄວາມຊັກຊ້າ, ແຕ່ຫລວງພະ ບາງມາເຖິງນະຄອນຫລວງ ວຽງຈັນເມື່ອກ່ອນທາງ ເປ່ເພບໍ່ຮ້າຍແຮງໃຊ້ເວລາໃນການເດີນທາງພຽງ 5 ຊົ່ວໂມງ ແຕ່ມາ ຮອດດຽວນີ້ ຕ້ອງໃຊ້ເວລາ ຫລາຍເຖິງ 9-10 ຊົ່ວໂມງຈຶ່ງ ມາຮອດ, ເຊັ່ນດຽວກັບເສັ້ນທາງສາຍໃຕ້ຍ່ານທາງນັບແຕ່ປາກກະດິງຫານ້ຳທ່ອນ, ກໍນັບວ່າມີສະພາບເປ່ເພໜັກພໍສົມຄວນ ກໍໃຫ້ເກີດມີ ຫາງສຽງຈາຜູ້ໃຊ້ລົດໃຊ້ຖະໜົນນັບເປັນຈຳ ນວນບໍ່ໜ້ອຍ, ເຊິ່ງຕໍ່ກັບບັນຫານີ້ ຖ້າພາກສ່ວນກ່ຽວຂ້ອງບໍ່ຊອກ ວິທີການແກ້ໄຂ ແລະ ແກ່ຍາວການສ້ອມແປງແນ່ນອນໃນລະດູແລ້ງປີນີ້ຍ່ານທາງດັ່ງກ່າວຈະກາຍເປັນທາງອຳມະພາດກໍ ເປັນໄດ້.