ລາວໂຮມລາວ ເພື່ອປະຊາທິປະໄຕ

ຄະດີ ຜູ້ບໍລິຫານ ທະນາຄານການຄ້າ ແຂວງສະຫວັນນະເຂດ ຫາຍຕົວໄປ ທີ່ມຸກດາຫານ ໃນວັນທີ 27 ເມສາ 2015

 ທ້າວ ອະທິວາ                                                                                                                    ຜູ້ຕິດຕາມ

 ພີ່ນ້ອງຂອງຜູ້ຫາຍຕົວໄປ ໄດ້ ໃຫ້ຂໍ້ມູນເພີ່ມເຕີມວ່າ, ເຫດການຫາຍຕົວໄປ ແມ່ນອາດມີເງື່ອນງຳ. ສ່ວນການ ທີ່ວ່າຜູ້ກ່ຽວໄປຢາມພີ່ນ້ອງນັ້ນ ອາດບໍ່ແມ່ນຄວາມຈິງ.

ເພາະຈາກຂໍ້ມູນຈາກພີ່ນ້ອງຄົນໃນຄອບຄົວ ຂອງຜູ້ຫາຍຕົວໄປ ແມ່ນບອກວ່າ ທ້າວ ອະທິວາ ໄດ້ຂ້າມໄປ ເອົາເງິນ ກ່ຽວກັບທຸລະກິດ (ເຊິ່ງພີ່ນ້ອງບໍ່ໄດ້ເປີດເຜີຍວ່າ ໄປເອົາເງິນກ່ຽວກັບຫຍັງ?)

ທາງພີ່ນ້ອງຍັງບອກວ່າ, ທ້າວ ອະທິວາ ໄປກັບຄົນຕິດຕາມໜຶ່ງຄົນ (ພີນ້ອງບໍ່ໄດ້ເປີດເຜີຍຊື່) ເຊິ່ງຫຼ້າສຸດ ແມ່ນເຈົ້າໜ້າທີ່ໄດ້ພົບເຫັນສົບຜູ້ຕິດຕາມ ໄປນຳ ຖືກແຂວນຄໍ ຢູ່ຕົ້ນໄມ້. ສ່ວນວ່າ ສະຕາກຳຂອງ ທ້າວ ອະທິວາ ແມ່ນຍັງບໍ່ຮູ້.

ພີ່ນ້ອງຂອງ ທ້າວ ອະທິວາ ຍັງໃຫ້ຂໍ້ມູນບອກວ່າ, ຜູ້ກ່ຽວ ຫາກໍ່ຖືກເລື່ອນຕຳແໜ່ງ ມາເປັນຜູ້ບໍລິຫານ ຂອງທະນາຄານການຄ້າ ແຂວງສະຫວັນນະເຂດ ໄດ້ ສອງເດືອນ ເທົ່ານັ້ນ.

ເຫດຈູງໃຈ ແລະ ຄວາມຈິງ ຂອງການລັກພາຕົວ ໃນຄັ້ງນີ້ ຕ້ອງໄດ້ຮັບການກວດສອບຕໍ່ໄປ ແລະ ພາວະນາ ໃຫ້ ຜູ້ກ່ຽວປອດໄພ. ແລະ ຮຽກຮ້ອງໃຫ້ທາງເຈົ້າໜ້າທີ່ໄດ້ຊ່ວຍຢ່າງເຕັມທີ່ ໃນການຕິດຕາມຫາ ຜູ້ກ່ຽວດ້ວຍ.