ດາວເຮືອງຢືນຢັນ ກັນຊາ 1.5 ໂຕນກວ່າ ບໍ່ແມ່ນຂອງຕົນ

ພາຍຫລັງເຈົ້າຫນ້າທີ່ຕໍາຫລວດກໍາປູເຈຍກວດພົບສິນຄ້າຂອງບໍລິສັດດາວເຮືອງທີ່ຊຸກເຊື່ອງ ແລະ ປະປົນມາພອ້ມກັບກັນຊາຈໍານວນ 1 ພັນກວ່າ ກິໂລກລາມ ໃນວັນທີ 25 ສິງຫາ 2015 ທີ່ຜ່ານມາຫລ້າສຸດກຸ່ມບໍລິສັດດາວເຮືອງອອກມາຢືນຢັນໃນວັນທີ 11 ກັນຍາ 2015 ນີ້ວ່າ ບໍລິສັດຂອງຕົນບໍລິສຸດ ແລະ ໂປ່ງໃສ.ເລື່ອງທີ່ເກີດຂຶ້ນບໍ່ໄດ້ກ່ຽວຂອ້ງກັບບໍລິສັດຕົນ, ທາງບໍລິສັດໄດ້ຈັດ ງານຖະແຫລງຂ່າວ, ແລະ ໄດ້ເຊີນເອົາບັນດານັກຂ່າວຈໍານວນຫນຶ່ງເທົ່ານັ້ນໄດ້ເຂົ້າຮ່ວມ. ສ່ວນສໍານັກຂ່າວໃຫຍ່ໆພາຍໃນປະເທດກໍບໍ່ໄດ້ຮັບເຊີນເຂົ້າຮ່ວມຢ່າງພອ້ມພຽງຮຽງຫນ້າ. ແລະ ກໍ່ຍັງບໍ່ທັນມີເນື້ອໃນລະອຽດຂອງການຖະແຫຼ່ງຂ່າວນັ້ນວ່າມີແນວໃດແດ່.ຕ້ອງໄດ້ຕິດຕາມຕໍ່ໄປວ່າ ຄະດີກັນຊາ 1 ໂຕນນີ້ຈະມີການສະຫຼຸບແບບໃດ.