ຈາກແຫຼ່ງຂ່າວຕ່າງຂອງໜັງສືພິມ ບໍ່ວ່າ ຂປລ ກໍ່ຄື ວຽງຈັນໄໝ່ ແລະ ທີ່ເຄີຍໄດ້ຍິນໄດ້ຟັງຈາກພໍ່ແມ່
ກໍ່ຄືຜູ້ເກີດກ່ອນເລົ່າໃຫ້ຟັງເຫັນວ່າບໍ່ກົງກັນຈັກຢ່າງ.ຍ້ອນເຫດຜົນຢາກຊອຍຫອມໃສ່ປາກຕົນເອງ ຫຼື
ຢາກປ່ຽນປີ້ນປະຫວັດສາດປິດຫູບັງຕາຄົນລຸ້ນຫຼັງແນວນັ້ນບໍ?
ສ່ວນຕົວແລ້ວຄຶດວ່າລຸ້ນພໍ່ແມ່,ປ້າລຸງ,ອາວອາ ແລະ ປະຊາຊົນລາວບັນດາເຜົາທົ່ວປະເທດເວລານັ້ນ
ຄົງມີຄວາມປຼາຖນາຢາກໃຫ້ປະເທດລາວເປັນເອກຣາດເຈົ້າຕົນເອງ,ແລະ ພ້ອມກັນຢູ່ຮ່ວມກັນສ້າງ
ຜືນແຜ່ນດິນນີ້ພາຍໄຕ້ກົດໝາຍທີ່ມີປະຊາທິປະໄຕໂດຽປະຊາຊົນເປັນຜູ້ເລືອກຜູ້ສ້າງໂດຽຜ່ານຕົວແທນ
ທີ່ຕົນເລືອກດ້ວຍສິດປະຊາທິປະໄຕທີ່ສາກົນຍ່ອມຮັບ.ແຕ່ກໍ່ຮູ້ສຶກແປກໃຈເມື່ອໄດ້ອ່ານໜັງສືພິມ
ຂປລ ໃນຫົວຂໍ້ "ສະຫລອງວັນການທູດລາວຄົບຮອບ 70 ປີ ແລະ ວຽຈັນໄໝ່ ໃນຫົວຂໍ້
"12 ຕຸລາ ມູນເຊື້ອແຫ່ງການຕໍ່ສູ້ມີໄຊຂອງຄົນລາວຜູ້ຮັກຊາດ"
ຂປລ ໄດ້ກ່າວເຖິງບຸຄຄົນສຳຄັນລະດັບສູງທີ່ກຳອຳນາດໃນລາວປະຈຸບັນທີ່ເຂົ້າຮ່ວມໃນງານນີ້
ເຊັ່ນ ທ່ານຈູມມະລີ ໄຊຍະສອນ
ທ່ານ ທອງລຸນ ສີສຸລິດ ແລະ ອື່ນໆ
ໃນເນື້ອຄວາມທີ່ມີໃນໜັງສືພິມ ຂປລ ທີ່ອ່ານພໍ້ ມີການເຊື່ອມຍົງ ວັນປະກາດເອກຣາດ
12 ຕຸລາ 1945 ກັບ 2 ທັນວາ 1975 ໂດຽຊີ້ວ່າ ວັນທີ12 ຕຸລາ ກໍ່ຄື 2ທັນວາ ແມ່ນພາຍ
ໄຕ້ການຊີ້ນຳຂອງທ່ານ ໄກສອນ ພົມວິຫານ ແລະ ທ່ານ ສຸພານຸວົງ.ແຕ່ສ່ວນຕົວບໍ່ເຫັນ
ພ້ອມວ່າວັນທີ 12 ຕຸລາ 1945 ແມ່ນສອງຄົນນີ້ເປັນຜູ້ຊີ້ນຳເພາະເວລາວັນປະກາດເອກຣາດ
ບໍ່ມີປະຊາຊົນລາວບັນດາເຜົ່າໄດ້ຖືກຂ້າ,ຖືກໄປທໍລະມານຕາມສູນສຳມະນາ ແລະ ແຕກໜີໄປ
ເພື່ອຄວາມປອດໄພແກ່ຊີວິດຂອງເຂົາທີ່ຕ່າງປະເທດທົ່ວໂລກເໜືອນວັນທີ່ 2 ທັນວາ 1975.
ຕໍ່ເລື້ອງນີ້ເພື່ອນຮ່ວມຊາດມີຄວາມເຫັນແນວໃດກໍ່ອອກມາຂຽນເວົ້າສູ່ກັນຟັງເພື່ອສຶກສາ
ຄວາມຈິງຮ່ວມກັນ.
