ລາວໂຮມລາວ ເພື່ອປະຊາທິປະໄຕ

Members Login
Username 
 
Password 
    Remember Me  
Post Info TOPIC: EU ຖາມເຖິງທ່ານສົມບັດ
Anonymous

Date:
EU ຖາມເຖິງທ່ານສົມບັດ
Permalink   
 


EU ຖາມເຖິງທ່ານສົມບັດ

laos-europe.jpg

ທີ່ ນະຄອນຫຼວງ ວຽງຈັນ ເມື່ອ ວັນສຸກ ຜ່ານມາ, ໃນ ກອງປະຊຸມ ປຶກສາ ຫາລື ຣະຫວ່າງ ສະຫະພາບ ຢູໂຣບ ແລະ ທາງການ ລາວ ກ່ຽວກັບ ບັນຫາ ການ ປະຕິບັດ ສິດທິ ມະນຸດ ໃນ ສປປລາວ, ສະຫະພາບ ຢູໂຣບ ສະແດງ ຄວາມກັງວົນ ຕໍ່ ທາງການ ລາວ ກ່ຽວກັບ ກໍຣະນີ ການ ຫາຍສາບສູນ ຂອງ ທ່ານ ສົມບັດ ສົມພອນ ນັກ ພັທນາ ຊຸມຊົນ ຂອງລາວ. ອີງຕາມ ການເປີດເຜີຍ ຂອງ ເຈ້າຫນ້າທີ່ ສະຫະພາບ ຢູໂຣບ ປະຈຳ ລາວ:

“ເປັນຫ່ວງ ເປັນຫ່ວງ ທ່ານທູຕ ເພິ່ນກະ ພົບປະກັບ ເມັຽ ທ່ານ ສົມບັດ ສົມພອນ ຢູ່ ຕລອດ. ເຣື້ອງ ເປັນຫ່ວງ ກໍເປັນຫ່ວງ ເນາະ ແຕ່ວ່າເຮົາ ໃນ ຖານະ ທາງ ການທູຕ ຈະ ໄປ ເຮັດແຮງ ຫຼາຍ ກໍບໍ່ໄດ້. ຖ້າ ເຮົາເຮັດແຮງ ຫຼາຍ ກໍເຮັດໃຫ້ ພວກເຮົາ ເຮັດວຽກ ລຳບາກ ຄືກັນ ເຮົາກໍຕ້ອງ ເຮັດໄປ ຕາມຂັ້ນຕອນ ທາງ ການທູຕ”.

ໃນ ກອງປະຊຸມ ປະຈຳປີ 2015 ນີ້, ຄນະ ຜູ້ຕາງຫນ້າ ສະຫະພາບ ຢູໂຣບ ປະຈຳ ພາກພື້ນ ເອເຊັຽ ຕາເວັນອອກ ສ່ຽງໃຕ້ ແລະ ຄນະຜູ້ ແທນ ສປປລາວ ນຳໂດຍ ທ່ານ ພູຂົງ ສີສຸລິດ ຫົວຫນ້າ ກົມ ສົນທິສັນຍາ ແລະ ກົດຫມາຍ ກະຊວງ ການຕ່າງ ປະເທດ ໄດ້ ປຶກສາ ຫາລື ກັນ ກ່ຽວກັບ ບັນຫາ ສິດທິ ມະນຸດ, ສິດ, ເສຣີພາບ ແລະ ປະຊາ ທິປະໄຕ, ການປົກຄອງ ແລະ ການຄຸ້ມຄອງ ຣັຖ ດ້ວຍ ກົດໝາຍ ແລະ ການມີ ສ່ວນຮ່ວມ ຂອງ ປະຊາຊົນ ໃນ ວຽກບ້ານ ການເມືອງ.

ໃນ ຕອນທ້າຍ ຂອງ ກອງປະຊຸມ ນັ້ນ ໄດ້ມີການ ອອກ ຖແລງການ ຮ່ວມ ຊຶ່ງ ໃນນັ້ນ ສະຫະພາບ ຢູໂຣບ ມີຄວາມ ກັງວົນ ຕໍ່ ກໍຣະນີ ການ ຣະເມີດ ສິດທິ ມະນຸດ ຢູ່ ສປປ ລາວ ເຊັ່ນການ ບັງຄັບ ໃຫ້ ປະຊາຊົນ ລາວ ໃຫ້ ຫາຍສາບສູນ. ແຕ່ ສະຫະພາບ ຢູໂຣບ ກໍ ຊົມເຊີຍ ຣັຖບານ ລາວ ທີ່ ພຍາຍາມ ຮ່ວມມື ກັບ ສາກົນ ຫຼາຍຂຶ້ນ ຂນະທີ່ ເນັ້ນວ່າ ສປປ ລາວ ຄວນຈະ ປະຕິບັດ ຕາມ ສັນຍາ ທີ່ ໄດ້ເຊັນ ລົງນາມ ໄວ້ ແລະ ໃຫ້ ອົງການ ຈັດຕັ້ງ ທາງສັງຄົມ ໃນລາວ ໄດ້ ປະຕິບັດ ງານດ້ານ ສິດທິ ມະນຸດ ໃຫ້ ປະສົບ ຜົນສຳເຣັດ.

 



__________________
Anonymous

Date:
Permalink   
 

ພັນທະມິດຈະປະທ້ວງ 2 ທັນວາ

f430e523-9802-4ad9-89c1-89c2fa55c3de.jpeg

 

ໃນ ວັນ ສ້າງຕັ້ງ ສປປລາວ ທີ 2 ທັນວາ ພັນທະມິດ ເພື່ອ ປະຊາ ທິປະໄຕ ໃນລາວ ທີ່ ມີ ສູນກາງ ຢູ່ ປະເທດ ເຢັຽຣະມັນ ຈະ ຈັດ ກອງປະຊຸມ ແລະ ການ ປະທ້ວງ ຢູ່ ຕໍ່ໜ້າ ສໍານັກງານ ສະຫະ ປະຊາຊາດ ທີ່ ນະຄອນ ເຈນີວາ ປະເທດ ສວິຊແລັນ, ໃນ ວັນທີ 2 ແລະ 3 ທັນວາ 2015 ນີ້.

ກອງປະຊຸມ ຈະຈັດຂຶ້ນ ທັງ ສໍາລັບ ຊາວລາວ ແລະ ຣະດັບ ສາກົລ. ຕາມ ຄໍາເວົ້າ ຂອງ ດຣ.ບຸນທອນ ຈັນທາລາວົງ ວີເຊີ ປະທານ ພັນທະມິດ ເພື່ອ ປະຊາ ທິປະຕັຍ ໃນລາວ ຕໍ່ ເອເຊັຽ ເສຣີ ໃນ ວັນທີ 9 ພຶສຈິກາ 2015:

"ການເຄື່ອນໄຫວ ຫລື ວ່າ ການປະຊຸມ ນັບທັງ ການປະທ້ວງ ຫັ້ນ ແມ່ນ ປະທ້ວງ ວັນທີ 2 ທັນວາ ຄົບຮອບ 40 ປີ ລະກະ ການຈັດ ກອງປະຊຸມ ກໍ ແມ່ນວ່າ ຝ່າຍ ລາວເຮົາ ກໍເພື່ອໃຫ້ ພໍ່ແມ່ ພີ່ນ້ອງ ປະຊາຊົນ ລາວ ໄດ້ ມີໂອກາດ ມາ ປະກອບ ຄໍາຄິດເຫັນ ທັງ ປະທ້ວງ ທັງສເນີ ວິທີ ແກ້ໄຂ ບັນຫາ ຂອງລາວ ເຮັດແນວໃດ ຊິເກີດ ການປ່ຽນແປງ ໃນລາວ".

ດຣ.ບຸນທອນ ກ່າວວ່າ ສໍາລັບ ກອງປະຊຸມ ຣະດັບ ສາກົລ ນັ້ນ ຈະມີ ອົງການ ພັນທະມິດ ເພື່ອ ປະຊາ ທິປະໄຕ ໃນລາວ ແລະ ອົງການ ທີ່ບໍ່ຂຶ້ນ ກັບ ຣັຖບານ ທີ່ ສໍາຄັນ ຕ່າງໆ ແລະ ໄດ້ເຊີນ ຄນະ ກັມມະການ ສິດທິ ມະນຸດ ສະຫະ ປະຊາຊາດ ຄົນ ສໍາຄັນ ເຂົ້າຮ່ວມນໍາ ດ້ວຍ, ເພື່ອ ຊ່ວຍ ຊຸກຍູ້ ໃຫ້ ທາງການ ລາວ ນັບຖື ແລະ ປະຕິບັດ ສິດທິ ມະນຸດ ເພື່ອ ເຮັດໃຫ້ ປະເທສ ລາວ ມີ ປະຊາທິປະໄຕ:

"ສໍາຄັນ ພວກເຮົາ ຢາກເອົາ ບັນຫາ ຂອງລາວ ຍົກໃຫ້ ພວກເພິ່ນ ເຫັນ, ລາວເຮົານີ້ ມີ ບັນຫາ ໃຫຽ່ ເປັນ ປະເທດ ນ້ອຍ ກໍຈິງຢູ່ ແຕ່ວ່າມີ ຄວາມ ຈໍາເປັນ ທີ່ ຈະຕ້ອງ ແກ້ໄຂ, ປະຊາຊົນ ລາວ ຖືກ ຢຽບຍໍ່າ ປະເທດ ລາວ ບໍ່ມີ ເອກຣາດ. ນີ້ແມ່ນ ຂໍ້ ສໍາຄັນ ໃຫ້ ພວກເພິ່ນ ເຫັນອົກ ເຫັນໃຈ ຊ່ວຍ ຜັກດັນ ຊ່ວຍ ແກ້ໄຂ ບັນຫາ ຂອງ ລາວ ໃຫ້ ເກີດການ ປ່ຽນແປງ ສູ່ ປະຊາທິປະໄຕ ແລະ ເອກຣາດ ຢ່າງ ແທ້ຈິງ. ນັ້ນ ຈຸດປະສົງ ສໍາຄັນ ທີ່ຈະຈັດ ຂຶ້ນ ຢູ່ Geneva".

ດຣ.ບຸນທອນ ເວົ້າວ່າ ວັນທີ 2 ທັນວາ ຊຶ່ງເປັນ ວັນ ປ່ຽນແປງ ທາງ ການເມືອງ ໃນລາວ ຈາກ ຣະບອບ ປະຊາທິປະໄຕ ມາເປັນ ຣະບອບ ຜະເດັດການ ພັກດຽວ ໃນ ປີ 1975 ນັ້ນ ເຮັດໃຫ້ ຊາວລາວ ຈໍານວນ ຫຼວງຫຼາຍ ຈໍາຕ້ອງ ໄດ້ ກາຍເປັນ ຄົນ ອົພຍົບ ຫລົບພັຍ, ໄປອາສັຍ ຢູ່ ປະເທສ ຕ່າງໆ ໃນໂລກ. ແລະ ກໍເປັນ ວັນທີ່ ຊາວລາວ ອົພຍົບ ຖືວ່າເປັນ ວັນ ອຸບາດ, ວັນ ຫາຍນະ ສຳລັບ ປະເທສ ຊາດ ແລະ ປະຊາຊົນ ລາວ.

ໃນ ແຕ່ລະ ປີ ຂອງ ວັນ ດັ່ງກ່າວ ທາງ ອົງການ ພັນທະມິດ ເພື່ອ ປະຊາທິປະໄຕ ໃນລາວ ກໍຈັດການ ຊຸມນຸມ ປະທ້ວງ ຮ່ວມກັບ ອົງການ ປົກປ້ອງ ສິດທິ ມະນຸດ ຕ່າງໆ ຮຽກຮ້ອງ ໃຫ້ ທາງການ ລາວ ນັບຖື ແລະ ປະຕິບັດ ສິດທິ ມະນຸດ ເພື່ອ ເຮັດໃຫ້ ປະເທດຊາດ ແລະ ປະຊາຊົນ ລາວ ມີ ປະຊາ ທິປະໄຕ ຢ່າງ ສົມບູນ ແບບ.

 



__________________
Page 1 of 1  sorted by
 
Quick Reply

Please log in to post quick replies.



Create your own FREE Forum
Report Abuse
Powered by ActiveBoard