ເມືອງລາວຊ່າງບໍ່ມີຂື່ ບໍ່ມີແປດັ່ງບ້ານອື່ນປະເທດເຂົາເນາະ
ແມ່ນຫຍັງ ໆ ກະມີແຕ່ແນວເຖື່ອນ ໆ :
ໄມ້ກະເຖື່ອນ ຢາມ້າກະເຖື່ອນ ລົດກະເຖື່ອນ ໃບປະກາດກະເຖື່ອນ ແລະ່ອື່ນໆ ອີກນັບບໍ່ໄຫວ...
ໂດຍສຳຄັນແລ້ວແມ່ນ ອຳນາດເຖື່ອນ. ເຮັດຈັ່ງໃດ ມັນສິເປັນບ້ານ ເປັນເມືອງຄືເພິ່ນ ?
ອະນາຈັກລ້ານຊ້າງຄົງຈະເຖິງຄາວຫລົ້ມສະຫຼາຍເປັນແນ່ແທ້
ການຍາດແຍງເອົາອຳນາດມາເພື່ອທຳລາຍປະເທດຊາດຂອງຕົນເອັງ ແມ່ນມີຊາດໃດເຂົາເຮັດກັນ ?
ຈິດວິນຍານຂອງພະເຈົ້າຟ້າງຸ່ມ ຂອງເຈົ້າອະນຸວົງ ທີ່ຢາກສ້າງແຜ່ນດິນລາວຜືນນີ້ໃຫ້ ປຊຊ ໄດ້ກັນຢູ່ຊຸມກິນເຢັນ
ຄົງຈະພາກັນຕອມຕົມໃຈຕາຍຢ່າງແນ່ນອນ.
ເປັນຫຍັງລໍຖ້າກັນ ຈົນມີລົດເຖື່ອນຮອດ 5,639 ຄັນ ທົ່ວປະເທດ ຈຶ່ງລົງມືປາບປາມ ?
ຄືບໍ່ປາບກັນຕອນມີ 100 - 200 ຫຼື 300 ຄັນ ?
ຮູ້ບໍ່ວ່າ ນີ້ຄືການສ້າງຄວາມເດືອດຮ້ອນໃຫ້ແກ່ ປຊຊ ທີ່ບໍ່ຮູ້ ທີ່ໄປທີ່ມາຂອງລົດຈຳພວກນີ້ ?
ໄທຈັບຢາບ້າຂອງລາວ ກໍເພາະເຫດຜົນ ຢາບ້າລາວ ໄປທຳລາຍ ປຊຊ ຄົນໄທ .
ສ່ວນລາວເດ້ ...ລາວໄປຈັບລົດເຖື່ອນທີ່ເອົາຜ່ານເຂົ້າມາຈາກໄທ ພຽງເພື່ອແກ້ມືທີ່ເຈົ້າຫນ້າທີ່ໄທ ທີ່ຈັບຢາບ້າຈາກລາວ.
ມັນສົມຄວນບໍ່ ? ເພາະຜູ້ທີ່ເຄາະຮ້າຍ ບໍ່ແມ່ນມີແຕ່ເຈົ້າຫນ້າທີ່ໄທທໍ່ນັ້ນ ມັນແມ່ນເຈົ້າຂອງລົດທັງ ຫມົດ 5639 ຄັນ
ຫລືອາດຫລາຍກວ່ານັ້ນ ທີ່ຈະພາກັນເດືອດຮ້ອນ ເພາະໄປຮັບຊື້ຂອງໂຈນ ໂດຍບໍ່ເຈດຕະນາ.
ມັນຍຸຕິທຳຢູ່ບ່ອນໃດ ?
- ໄທເຮັດ ເພື່ອຮັກສາ ປຊຊ ເຂົາ ແລະ ເພື່ອຜົນປະໂຫຍດຂອງເຂົາ
- ລາວເຮັດ ແມ່ນຢູ່ເພື່ອທຳລາຍຜົນປະໂຫຍດຂອງເຂົາ ແຕ່ກັບລົງໂທດ ປຊຊ ລາວ
ການນຳລາວບໍ່ມີວິທີການທີ່ດີກວ່ານີ້ບໍ່ ຖ້າຢາກຕອບໂຕ້ ?.
ປ້າຍລົດເຖື່ອນເຕັມບ້ານ ເຕັມເມືອງ ຄວນປາບແຕ່ດົນແລ້ວ
ແຕ່ທ່ານນາຍົກອອກແຈ້ງການມາແບບນີ້ ກະບໍ່ຮູ້ວ່າຜູ້ປະຕິບັດ
ຊິເຮັດໄດ້ບໍ?, ລົດພວກພໍ່ຄ້າ ກໍ່ຕິດປ້າຍສີຟ້າ (ປ້າຍລັດ) ໃຊ້ແຊວຊະຢູ່
ບໍ່ຮູ້ວ່າໄປອອກໃຫ້ກັນໄດ້ແນວໃດ. ໃນພາກປະຕິບັດຢ້ານແຕ່ພະນັກງານ
ທີ່ເຮັດວຽກນີ້ບໍ່ສາມາດໄປແຕະຕ້ອງເຂົາໄດ້ຫັ້ນແລ້ວ. ອີກບັນຫາໜື່ງກໍ
ຄືປ້າຍລົດເຂດເສດຖະກິດພິເສດ ດອກງີ້ວຄຳ (ສາມລ່ຽມຄຳ) ຕັ້ງຢູ່ໃນເຂດ
ອະທິປະໄຕຂອງລາວແທ້ໆ ມີປ້າຍພິເສດຕ່າງຫາກ ມີສິດທິພິເສດອີກໄປໄດ້
ທົ່ວໝົດຜືນແຜ່ນດີນລາວ
