ຖ້າເຮົາເບິ່ງພາບຮວມແລ້ວ ຄົນລາວຜູ້ທີ່ສົນໃຈຝັກໄຝ່ທາງດ້ານການເມືອງ ເມື່ອມາຕົກຢູ່ຕ່າງປະເທດແລ້ວຈະເຫັນໄກ ຄືຈະໄດ້ອ່ານຂ່າວ ຟັງຂ່າວ ເຫັນຂ່າວຂອງລາວ ຂອງໂລກເກືອບທຸກວັນ. ລາວນອກເຮົາ ຖ້າເມືອເມືອງລາວ ຫຼືໂທເມືອເມືອງລາວ ກໍມັກຈະໄດ້ຍິນສຽງຈົ່ມຈາກຍາດພີ່ນ້ອງ ຫຼືຫມູ່ເພື່ອນກ່ຽວກັບການສໍ້ຣາຊບັງຫຼວງ ສໍ້ຫຼວງບັງຣາຊ ການກອບໂກຍກິນບ້ານກິນເມືອງຂອງເຈົ້ານາຍລາວ. ສະນັ້ນ ລາວນອກຈະຮູ້ໄກ ເຫັນໄກໄປເລື້ອຍໆ.
ກົງກັນຂ້າມລາວໃນ ຖ້າໄດ້ເບິ່ງຂ່າວ ອ່ານຂ່າວກໍຈະໄດ້ຮັບຮູ້ແຕ່ການຢ້ຽມຢາມຂອງຜູ້ຕາງຫນ້າປະເທດນັ້ນ ປະເທດນີ້ ການຊ່ວຍເຫຼືອຂອງປະເທດນັ້ນ ປະເທດນີ້. ສໍາລັບຂ່າວແນວບໍ່ດີຈະມີເຫັນເດັດຂາດ ທີ່ເຂົາເຈົ້າເຫັນການກອບໂກຍກິນບ້ານເມືອງນັ້ນ ກໍຍ້ອນມັນຫນາຫູຫນາຕາຂຶ້ນມານັບມື້ນັບຮຸນແຮງຂຶ້ນ. ລາວໃນຈະເຫັນແຕ່ຢູ່ໃນຂອບເຂດ ເຊັ່ນການໄປຫາເງິນຢູ່ເມືອງໄທ ການຄ້າຂາຍຢາບ້າ ການຂາຍບໍຣິການທາງເພດ ການມ່ວນຊື່ນຕາມຮ້ານກິນດື່ມແຕ່ລະວັນເປັນຕົ້ນ. ເຂົາເຈົ້າຈະບໍ່ກ້າເວົ້າກ້າວ່າ ກ້າທັກທ້ວງຫຍັງຫມົດ ມີແຕ່ວ່າຈະພາກັນເຮັດຄືຫມູ່ໄປເລີຍ ເພື່ອຈະໄດ້ມາເງິນຄໍາກຳແກ້ວຄືຫມູ່. ສລູບແລ້ວ ເຂົາເຈົ້າກໍບໍ່ຕ່າງຫຍັງກັບຄົນຕາບອດ ຫູຫນວກກິນຟານຊື່ໆ.
ທ່ານ Chai Lao topic ໂຕທີ່ສອງ ທ່ານ post ອີກໃໝ່ໄດ້ບໍ່ ?
ເປັນດ້ວຍເຫດໃດນໍ ບົດຂຽນ ລາວນອກ ລາວໃນ ລາວໄປ ລາວຫຼົງ ຈຶ່ງຖືກລຶບ?
ຂຽນໃໝ່ໄດ້ທ່ານ ຂໍອະໄພນຳຫລາຍໆ ກຳລັງ Update ຢູ່
ນັບຖືແລະ ຮັກແພງ ທ່ານ Chai lao!
ຂພຈ ກໍ່ຜູ້ນື່ງມັກຕິດຕາມ ຂ່າວຄາວບ້ານເມືອງເຮົາ ບໍ່ວ່າຈະເປັນຂ່າວພາຍໃນຫຼືຕ່າງປະເທດແລະບາງເທື່ອພໍມີເວລາກໍ່
ເຂົ້າມາຢູ່ຫອ້ງສົນທະນາຄືຈັ່ງຊິລະ. ແຕ່ກໍ່ບໍ່ໄດ້ໃສ່ອົກໃສ່ໃຈຫຍັງເກີນໄປຄຳທີ່ວ່າ”ລາວນອກຕາໃສລາວໃນຕາບອດ“ນັ້ນ
ມັນກໍ່ຖືກບໍ່ມີຜິດດອກ ຕ່າງແຕ່ຜູ້ທີ່ຈະນຳເອົາໄປແປຫຼືທຳຄວາມເຂົ້າໃຈນັ້ນຈະເຫັນພອ້ມທຸກສີ່ງທຸກຢ່າງເໝືອນກັບຜູ້ຂ້ານັ້ນຫຼືບໍ່ກໍ່ຍັງເປັນຄຳຖາມອີກປະເດັນນື່ງ. ເພາະສະນັ້ນການແນມກວ້າງເຫັນໄກເຫັນຄວາມຈະເລີນສີວິໄລຂອງປະເທດຕາເວັນຕົກແລ້ວຄົນລາວນອກບໍ່ວ່າຈະຢູ່ໃນມຸມ
ໂລກໃດກໍ່ຕາມ ລ້ວນແລ້ວແຕ່ຢາກໃຫ້ປະເທດຊາດທີ່ຄືບ້ານເກີດເມືອງນອນຂອງຕົນເອງມີການພັດທະນາຂະຫຍາຍຕົວ ບໍ່ວ່າຈະເປັນທາງດ້ານວັຖຸຫຼືຈິຕໃຈກໍ່ເຊັ່ນດ່ຽວກັນຫາກເພີ່ນຍົກສູງດ້ານລະບົບການສຶກສາແລະແນມເຫັນບົດບາດຄວາມ
ສຳຄັນຂອງພະນັກງານຄຣູອາຈາຣ ໃຫ້ກຳລັງໃຈຂື້ນເງີນເດືອນໃຫ້ຕາມຂັ້ນຕາມລະດັບຄວາມຮູ້ແລະຄວາມ ສາມາດ ຂອງແຕ່ລະທ່ານແລ້ວ ນັກຮຽນນັກສຶກສາ ຄົນລຸ້ນໄໝ່ຕ້ອງໄດ້ຮັບບົດຮຽນທີ່ມີປະສິດຕິພາບດີ ບໍ່ແມ່ນຈະເຮັດຄືຜ່ານມາໄດ້ງິນວ່າຄຣູອາຈາຣຕ້ອງລໍຖ້າເງິນເດືອນເກືອບສອງສາມເດືອນກໍ່ບໍ່ຮູ້ວ່າ ເປັນຍ້ອນສາຍເຫດໃດ. ຄັນຊິວ່າ”ລາວໃນຕາບອດ“ນັ້ນມັນກໍ່ບໍ່ເປັນແນວນັ້ນໝົດດອກ ສວ່ນຫຼາຍແມ່ນມັນເປັນຍອ້ນ
ນິໃສມັກງ່າຍຂອງຄົນລາວຕ່າງຫາກ ໃຫ້ມີພໍໄດ້ຢູ່ໄດ້ກິນໄປມື້ວັນກໍ່ແລ້ວກັນ ອັນເລື່ອງການເມືອງນັ້ນແມ່ນບໍ່ມີເວລາ
ເຫຼືອພໍທີ່ຈະໄປສົນໃຈມັນຫຼືບໍ່ຢາກກ່ຽວຂ້ອງເລີຍ ກໍ່ເນື່ອງຈາກວ່າ ເສຖະກິດຝືດເຄືອງ ໃຜຊອກຫາເຮັດກິຈກາຣໃດ
ນື່ງໄດ້ກໍ່ສະແດງວ່າເອົາຕົວລອດ.ແຕ່ມີກຸ່ມສ່ວນນ້ອຍທີ່”ລາວໃນ“ບໍ່ຢາກໄດ້ຍິນ ບໍ່ຢາກໄດ້ຟັງນັ້ນກໍ່ຄືກຸ່ມຜູ້ນຳນີ້ເອງ
ຕົນເອງໄດ້ດີມີອຳນາດມີເງິນມີສັບສິນ ມັກອວດໂອ່ງທະນົງໂຕ ເຮັດຫູໜວກຕາບອດພອ້ມໆກັນ ອັນນີ້ກໍ່ສະແດງໃຫ້ເຫັນວ່າ
ຂາດຄຸນນະພາບທາງດ້ານການນຳ ຜົນທີ່ໄດ້ຮັບອອກມາກໍ່ຄືຄວາມທຸກຍາກຫຼ້າຫຼັງຂອງປຊຊ ຖ້າຫາກຜູ້ນຳກຸ່ມນີ້
ເຮັດວຽກອັນໃດກໍ່ຊັກຊ້າຫຼ້າຫຼັງແລ້ວ ຈະເຮັດແນວໃດຈິ່ງຈະແລ່ນທັນບ້ານເມືອງເຂົາ.ຂພຈ ຂໍໃຫ້ຄວາມເຫັນເທົ່ານີ້ກອ່ນ.
