ລາວໂຮມລາວ ເພື່ອປະຊາທິປະໄຕ

ທ່ານວ່າ ທີ່ໄດ້ກວດ ເຫັນນັ້ນ ມີຄື ພນັກງານ ການເງິນ ຍັກຍອກ ເອົາເງິນເດືອນ ຂອງ ນາຍຄຣູ ຢູ່ເຂດ ເມືອງໂຂງ ຈໍານວນ 533 ລ້ານ ກ່ວາກີບ, ກວດເຫັນ ພນັກງານ ການເງິນ ໃນ ໂຮງໝໍໃຫ່ຽ ແຂວງ ຈໍາປາສັກ 2 ຄົນ ຍັກຍອກ ເອົາເງິນ ຂອງຣັຖ ຈໍານວນ 424 ລ້ານ ກ່ວາກີບ. ກວດເຫັນ ພນັກງານ ຄັງເງິນ ແຫ່ງຊາດ ປະຈໍາ ແຂວງ ສວຍໃຊ້ ໜ້າທີ່ ຂອງຕົນ ໂດຍນໍາເອົາ ເງິນລາຍຮັບ ຂອງ ງົບປະມານ ໄປໃຫ້ ເອກກະຊົນ ຢືມ ຈໍານວນ 5.25 ຕື້ ກ່ວາກີບ. ນອກນັ້ນ ຍັງກວດເຫັນ ພຶດທິກັມ ສໍ້ຣາສ ບັງຫລວງ ສິບກວ່າ ກໍຣະນີ. ທ່ານວ່າ ການສໍ້ໂກງ ເງິນຣັດ ຂອງ ພນັກງານ ເຫລົ່ານີ້ ເປັນ ສາເຫດນື່ງ ທີ່ພາໃຫ້ ພນັກງານ ຣັດ ແລະ ນາຍຄຣູ ພາກັນ ຈົ່ມວ່າ ບໍ່ໄດ້ຮັບ ເງິນເດືອນ.