Screen shot from EIA video

ການຂົນໄມ້ ຂ.ອັດຕະປື ເຖື່ອນ ຫຼື ຖືກຕ້ອງ ປະປົນ ກັນໄປ ໃຜຮູ້

ໃນຣະຍະ ຜ່ານມາ ເຖິງແມ່ນວ່າ ທາງ ເຈົ້າໜ້າທີ່ ກວດກາ ສິນຄ້າ ພ້ອມດ້ວຍ ພາຄສ່ວນ ພາສີ ອາກອນ ກົມປ່າໄມ້ ແລະ ພາຄສ່ວນ ກ່ຽວຂ້ອງ ອື່ນໆ ໄດ້ເອົາ ມາຕກາຣ ກວດຂັນ ຢ່າງເຂັ້ມງວດ ເພື່ອ ສະກັດກັ້ນ ກາຣລັກລອບ ຊື້ຂາຍ ສິນຄ້າ ເຖື່ອນ ສິນຄ້າ ທີ່ ຫວງຫ້າມ ຊຶ່ງ ກໍຮວມທັງ ໄມ້ຂະຍຸງ ແຕ່ແລ້ວ ກໍມີ ຂະບວນກາຣ ຄ້າໄມ້ ສາມາດ ລັກລອບ ເອົາໄມ້ ຜ່ານເສັ້ນທາງ ໄປຍັງ ສປຈີນ ແລະ ວຽຕນາມ ຢູ່ ຕລອດມາ. ດັ່ງ ເຈົ້າໜ້າທີ່ ກົມປ່າໄມ້ ນະຄອນຫລວງ ວຽງຈັນ ເວົ້າວ່າ:

"ດຽວນີ້ ເຣື່ອງໄມ້ ຍັງໄມ່ (ບໍ່) ທັນໝົດ ຢ່າງໄມ້ ຂະຍຸງ ໝາຍຄວາມວ່າ ດຽວນີ້ ຂະເຈົ້າ ເອົາໄມ້ ຢູ່ໄທຽ ໄປວຽຕນາມ ແລະ ສົ່ງໄປຈີນ ຜ່ານລາວ ເຂົາຈະໃສ່ ຣົຖນໍ້າມັນ ຕົວຢ່າງ ລາວສັ່ງເຂົ້າ ນໍ້າມັນ ຈາກໄທຽ ແລ້ວ ເຂົາໃສ່ ໄມ້ຂະຍຸງ ໄປວຽຕນາມ ກໍມີ ຄືກັນ".

ພ້ອມດຽວ ກັນນີ້ ທ່ານກໍວ່າ ກຸ່ມຂະບວນ ກາຣຄ້າໄມ້ ນີ້ ສ່ວນຫລາຍ ຈະໃຊ້ ເສັ້ນທາງ ຫລວງ R3 ເພື່ອຂົນສົ່ງ ໄມ້ ໄປຍັງ ປະເທສຈີນ ດ້ວຍກາຣ ຕັດໄມ້ ຂະຍຸງ ເປັນທ່ອນໆ ບັນຈຸ ໃນຕູ້ ສິນຄ້າ ຫລື ຄອນເທນເນີຣ໌ (Container) ຫລື ບໍ່ກໍໃສ່ ໃນຣົຖ ນໍ້າມັນ ເພື່ອ ອໍາພາງຕາ ເຈົ້າໜ້າທີ່ ແລະ ໃນເມື່ອ ຫາກຜ່ານ ຊາຍແດນລາວ ເຂົ້າເຖິງ ເມືອງຂຸນໝິ໋ງ ໄດ້ແລ້ວນັ້ນ ໄມ້ຂະຍຸງ ຈະມີ ມູລຄ່າ ຢ່າງ ຫລວງຫລາຍ ຊຶ່ງຜູ້ທີ່ ກ່ຽວຂ້ອງ ສ່ວນຫລາຍ ຈະເປັນ ຊາວໄທຽ ຊາວຈີນ ແລະ ມີຄົນລາວ ຜູ້ມີ ອຳນາຈ ບາງຄົນ ສົມຮູ້ ຮ່ວມຄິດ ນຳດ້ວຍ ເພື່ອ ອຳນວຍ ຄວາມສະດວກ ໃນກາຣ ລຳລຽງ.