ອົງກາຣ ປົກປ້ອງ ສິທທິ ມະນຸສ ຖແລງວ່າ: ຄົນຕິດຢາ ທີ່ໄປ ຮັບກາຣ ປິ່ນປົວ ຢູ່ ສູນບຳບັຕ ສົມສງ່າ ຖືກ ລະເມີດ ສິທທິ.
Prince Roy
ພວກຜູ້ຍິງ ຕິດຢາບ້າ ທີ່ປິ່ນປົວ ໃນ ສູນບໍາບັດ ສົມສງ່າ ນະຄອນຫຼວງ ວຽງຈັນ (ຮູປຖ່າຍ 29 ກັນຍາ 2010)
ອົງກາຣ ປົກປ້ອງ ສິທທິມະນຸສຍະຊົນ ຫລື Human Rights Watch (HWR) ທີ່ມີ ຫ້ອງກາຣໃຫຍ່ ຢູ່ ນະຄອນ ນີວຢອຣ໌ກ ໄດ້ອອກ ແຖລງກາຣ ວ່າ: ຜູ້ຄົນ ທີ່ຕິດ ຢາເສພຕິດ ແລະ ຖືກສົ່ງໄປ ຮັບກາຣ ປິ່ນປົວ ບຳບັດ ຢູ່ "ສູນສົມສງ່າ" (The Somsanga Cetner) ນະຄອນຫລວງ ວຽງຈັນ ບໍ່ໄດ້ ຮັບຄວາມ ເບິ່ງແຍງ ເທົ່າທີ່ຄວນ ພ້ອມຍັງຖືກ ປາບປາມ ທຳຮ້າຍ ຮ່າງກາຍ ຈາກ ເຈົ້າໜ້າທີ່ ຢູ່ເປັນ ປະຈຳ, ຈຶ່ງໄດ້ ສເນີໃຫ້ ທາງກາຣ ສປປລາວ ແລະ ອົງກາຣ ນາໆຊາຕ ທີ່ໃຫ້ທຶນ ກາຣຊ່ວຍເຫລືອ ນັ້ນ ໄດ້ປິດສູນ ດັ່ງກ່າວ ແລະ ພິຈາຣະນາ ຫາວິທີ ອື່ນ ມາທົດແທນ ໃນກາຣ ປິ່ນປົວ ຜູ້ຕິດຢາ ໃຫ້ໄດ້ ມາຕຖານ.
ທາງອົງກາຣ ທີ່ຕິດຕາມ ສິ້ງຊອມ ເບີ່ງ ດ້ານ ກາຣລະເມີດ ສິທທິມະນຸສ ໄດ້ແຈ້ງວ່າ ສູນ ສົມສງ່າ ເປັນສູນ ບຳບັດ ທີ່ໃຫ້ ກາຣປິ່ນປົວ ຜູ້ຕິດ ຢາເສພຕິດ ເປັນເວລາ ດົນນານ ມາແລ້ວ ແລະ ກໍເປັນ ສະຖານທີ່ ໃຫຍ່ ທີ່ສຸດ ໃນ ສປປ ລາວ ຊຶ່ງ ທາງກາຣ ລາວ ກໍເຄີຽ ກ່າວອ້າງວ່າ ເປັນບ່ອນ ບຳບັດ ໃຫ້ການ ຊ່ວຍເຫລືອ ຜູ້ຕິດຢາ ໄດ້ ເປັນຢ່າງດີ ແລະ ອົງກາຣ ຈັດຕັ້ງ ສາກົລ ກໍໃຫ້ ທຶນ ກາຣຊ່ວຍເຫລືອ ຕລອດມາ ເຊັ່ນ: ສະຖານທູຕ ສະຫະຣັຖ ປະຈຳ ນະຄອນຫລວງ ວຽງຈັນ ກໍຊ່ວຍ ປຸກສ້າງ ອາຄາຣ ພ້ອມກັບ ກໍ່ຮົ້ວອ້ອມ ແລະ ອົງກາຣ ປາບປາມ ແລະ ກຳຈັດ ຢາເສພຕິດ ຂອງ ອົງກາຣ ສະຫະປະຊາຊາຕ ກໍໃຫ້ທຶນ ສຳລັບ ໂຄງກາຣ ປິ່ນປົວ ແລະ ຝຶກອົບຮົມ ຕ່າງໆ ໃນສູນປິ່ນປົວ ນັ້ນ ນຳອີກ.
ອົງກາຣ ປົກປ້ອງ ສິທທິມະນຸສ ໄດ້ແຈ້ງ ເພີ່ມວ່າ ຜູ້ຖືກ ສົ່ງໄປ ຮັບກາຣ ປິ່ນປົວ ບາງຄົນ ຖືກທຳຮ້າຍ ຮ່າງກາຍ ຍ້ອນຜິດ ຣະບຽບ ວິນັຍ ຫລື ພຍາຍາມ ລັກໜີ ອອກຈາກ ສູນ ເທົ່ານັ້ນ ແລະ ຜູ້ທີ່ຖືກ ສົ່ງເຂົ້າໄປ ຮັບກາຣ ປິ່ນປົວ ນັ້ນ ກໍຮວມ ທັງຄົນ ຂໍທານ ເດັກນ້ອຍ ເກເລ ຕາມ ທ້ອງຖນົນ ຕລອດຮອດ ຄົນຜີບ້າ ເປັນໂຣຄຈິຕ ຫລືຜູ້ທີ່ ຂາດບ່ອນ ເພີ່ງພາອາສັຍ ກໍຖືກ ສົ່ງໄປ ຮັກສາ ຢູ່ບ່ອນ ດຽວກັນ ຈົນເກີດ ບັນຫາ ທີ່ມີ ບາງຄົນ ພຍາຍາມ ຈະຂ້າ ຕົວຕາຍ ກໍມີ ດ້ວຍວິທີ ກາຣຕ່າງໆ.
ນັ້ນມັນບໍ່ແມ່ນສູນບຳບັຕຄົນຕິດຢາ ທີ່ພວກ ພັກລັດທຳ ມັນເປັນຄຸກໄປແລ້ວ
Anonymous wrote:ນັ້ນມັນບໍ່ແມ່ນສູນບຳບັຕຄົນຕິດຢາ ທີ່ພວກ ພັກລັດທຳ ມັນເປັນຄຸກໄປແລ້ວ
ພວກປາກໝາຕາບໍ່ເຫັນພາກັນເຫົ່າກັນຫອນ ຄັນເຮັດບໍ່ດີສະຫະປະຊາຊາດກັບ ປະເທດຜູ້ໃຫ້ການຊ່ວຍເຫຼືອເຂົາກໍ່ຊີເວົ້າແຕ່ດົນແລ້ວຕີ ສູນດັ່ງກ່າວບໍ່ແມ່ນ ລັດຖະບານລາວເຮັດຜູ້ດຽວ ສ່ວນອົງການ HRW ນັ້ນຊີໄປຟັງຄວາມມັນໄດ້ແນວໃດ ລວດໜາມເຂົາກັນບໍ່ໃຫ້ພວກເມົາຢາລັກໜີມັນກໍ່ຍັງໄປຫາເລື້ອງວ່າເອົາໄຟຟ້າໃສ່ ອົງການຮູຂີ້ນີ້ມີຕາຍແຕ່ຕຳນິໝູ່ມັນບໍ່ເຫັນຊ່ວຍເຫຼືອອີຫັຍງໝູ່ ຄິດວ່າມີທາງອອກທີ່ດີ ກ່ວາເປັນຫັຍງບໍ່ມາສ້າງສູນໃໝ່ເຮັດໃຫ້ເປັນຕົວຢ່າງເບິ່ງດູ ຫຼືມາຮັບເອົາພວກຂີ້ຍາໄປປິ່ນປົວຢູ່ບ້ານສູພຸ້ນສາເພື່ອຈະມີມາດຕະຖານທີ່ດີກ່ວາ
ພວກສູນັ້ນລະປາກໝາ ປິດຫູປິດຕາປະຊາຊົນ
ເບີ່ງ ວີດິໂອ ນີ້ເຂົາວ່າຫຍັງ.? ເຂົ້າໃຈເຂົາເວົ້າຢູ່ບໍ່.? ຫລືຫ່ວາພວກສູເຂົ້າໃຈແຕ່ພາສາ ວຽດນາມ.?
ທາງອົງກາຣ ຕິດຕາມ ສິ້ງຊອມ ດ້ານ ສິທທິມະນຸສຍະຊົນ ຫລື Human Rights Watch ໄດ້ຣາຍງານ ໂດຽລະອຽດ ເພີ່ມຕື່ມ ໃນມື້ວັນ ທີ່ 11 ຕຸລາ ນີ້ວ່າ ຜູ້ຕ້ອງຫາ ເປັນຄົນ ຕິດຢາ ທີ່ຖືກຈັບ ໄປຂັງໄວ້ ໃນສູນ ເພື່ອຮັບ ກາຣປິ່ນປົວ ບຳບັດ ຢູ່ສູນ "ສົມສງ່າ" ນະຄອນຫລວງ ວຽງຈັນ ໃນຣະຍະ ຜ່ານມາ ນັ້ນ ມີຫລາຍຄົນ ໄດ້ຖືກ ທໍຣະມານ ທຳຮ້າຍ ຮ່າງກາຍ ທຸບຕີຕ່າງໆ ຈາກທາງ ເຈົ້າໜ້າທີ່ ຈົນເຮັດໃຫ້ ບາງຄົນ ໄດ້ ພຍາຍາມ ຂ້າຕົວຕາຍ ກໍມີ.
ຣາຍງານ ດັ່ງກ່າວ ຍັງໄດ້ ເນັ້ນວ່າ ນອກຈາກ ພວກທີ່ວ່າ ຕິດຢາ ແລ້ວນັ້ນ ຍັງມີ ພວກເດັກນ້ອຍ ທີ່ເລາະຕາມ ທ້ອງຖນົນ ຄົນຂໍທານ ຫລື ຄົນພິກາຣ ທາງຈີຕ ກໍຖືກ ເຈົ້າໜ້າທີ່ ຕຳຣວຈ ແລະ ກອງຫລອນ ປະຈຳ ທ້ອງຖີ່ນ ຈັບໄປ ຂັງໄວ້ ໃນບ່ອນ ດຽວກັນ ໂດຽທີ່ ບໍ່ມີ ກາຣ ພິຈາຣະນາ ດຳເນີນ ຄະດີ ແຕ່ຢ່າງໃດ ຊຶ່ງ ເຂົາເຈົ້າ ກໍຮວມຢູ່ ໃນກຸ່ມ ທີ່ວ່າ ຖືກທຳຮ້າຍ ຮ່າງກາຍ ນັ້ນ ເຊັ່ນກັນ. ທ່ານ Joseph Amon ຜູ້ອຳນວຍກາຣ ຜແນກ ສຸຂພາບ ແລະ ສິທທິມະນຸສ ຂອງ ອົງກາຣ ຕິດຕາມ ສິ້ງຊອມ ດ້ານ ສິທທິມະນຸສ ກໍໃຫ້ກາຣ ຢືນຢັນວ່າ:
"ຢູ່ສູນ ບໍາບັດ ຜູ້ຕິດ ຢາເສພຕິດ ທີ່ ສູນ ສົມສງ່າ ນະຄອນຫລວງ ວຽງຈັນ ພວກທີ່ ຖືກຈັບ ນັ້ນ ຖືກກັກຂັງ ໄວ້ໝົດມື້ ໂດຽທີ່ ບໍ່ໄດ້ ຮັບກາຣ ປິ່ນປົວ ແຕ່ຢ່າງໃດ ຂະເຈົ້າ ບໍ່ໄດ້ ກິນອາຫາຣ ພຽງພໍ ແລະ ຖືກຂັງໄວ້ ໃນຫ້ອງ ທີ່ ອັດປະຕູ ທາງນອກ ມີຝາ ກຳແພງສູງ ແລະ ຮົ້ວໜາມ ໝາກຈັບ ອ້ອມ. ຊຶ່ງ ສິ່ງເຫລົ່ານີ້ ຖືວ່າ ບໍ່ແມ່ນ ສູນ ສຳລັບ ກາຣປິ່ນປົວ ແຕ່ຢ່າງໃດ".
ບົດຣາຍງານ ດັ່ງກ່າວ ມີຄວາມຍາວ ປະມານ 76 ໜ້າ ກໍໄດ້ ເນັ້ນວ່າ ຕລອດ ຫລາຍ ທົສວັຕ ຜ່ານມາ ສູນ ສົມສງ່າ ດັ່ງກ່າວ ໄດ້ຮັບທຶນ ກາຣຊ່ວຍເຫລືອ ຢ່າງ ຫລວງຫລາຍ ຈາກ ຕ່າງປະເທສ ຊຶ່ງ ກໍຮວມທັງ ສະຫະຣັຖ ແລະ ອົງກາຣ ສະຫະ ປະຊາຊາຕ ນຳອີກ, ສະນັ້ນ ທາງກາຣ ກ່ຽວຂ້ອງ ຄວນຈະ ນຳເອົາ ເຣື່ອງນີ້ ໄປ ພິຈາຣະນາ ທົບທວນ ຄືນ ເບີ່ງວ່າ ທຶນກາຣ ຊ່ວຍເຫລືອ ທີ່ ທາງກາຣ ສປປລາວ ໄດ້ຮັບ ໄປນັ້ນ ແມ່ນຖືກ ນຳໄປ ໃຫ້ກາຣ ປິ່ນປົວ ຜູ້ຕິດ ຢາເສພຕິດ ຢ່າງແທ້ຈິງ ຫລືບໍ?
ຂ່າວຄືບໜ້າ ໃນສູນ ປິ່ນປົວ ບໍາບັດ ຄົນຕິດ ຢາເສບຕິດ ນະຄອນຫຼວງ ວຽງຈັນ ທີ່ ຣັຖບານ ອອສເຕຣເລັຍ ໃຫ້ການ ຊ່ວຍເຫລືອ ຊື່ງ ທາງ ອົງການ ສິ້ງຊອມ ສິທທິມະນຸສ ວ່າຄວນ ປິດ ກິຈການ ເພາະມີ ການລ່ວງ ລະເມີດ ສິດທິ ຂອງ ຜູ້ຖືກ ກັກຂັງ.
(Photo: Human Rights Watch)
ອົງການ ສິ້ງຊອມ ສິທທິມະນຸສ ສາກົນ ທີ່ມີ ສໍານັກງານ ຢູ່ ນະຄອນ ນິວຍ໊ອກ ຮຽກຮ້ອງ ໃຫ້ ທາງການ ວຽດນາມ ປິດ ກິຈການ ສູນບໍາບັດ ຄົນຕິດ ຢາເສພຕິດ ຍ້ອນເຫັນວ່າ ວຽດນາມ ໃຊ້ສູນ ດັ່ງກ່າວ ເປັນບ່ອນ ກັກຂັງ ຄົນຕິດຢາ ແລ້ວບັງຄັບ ໃຫ້ອອກ ແຮງງານ ທຸກມື້ ເກີນຊົ່ວໂມງ 6 ມື້ ຕໍ່ ອາທິດ ແຕ່ໄດ້ຮັບ ຄ່າແຮງ ພຽງເລັກນ້ອຍ. (ຮູປຖ່າຍທີ່ ສູນບໍາບັດ ຄົນຕິດຢາ ໃນວຽດນາມ ວັນທີ 7 ກັນຍາ 201
ຣັຖບານ ອອສເຕຣເລັຍ ແລະ ປະເທດ ຕາເວັນຕົກ ອື່ນໆ ໄດ້ຊ່ວຍ ການກໍ່ສ້າງ ແລະ ການ ບໍຣິຫານ ສູນ ຊຶ່ງຄວນ ເປັນບ່ອນ ປິ່ນປົວ ບໍາບັດ ຄົນຕິດ ຢາເສບຕິດ ໃນລາວ, ແຕ່ຜູ້ທີ່ ຖືກຈັບ ມາກັກຂັງໄວ້ ຫຼາຍຮ້ອຍ ຄົນ ຊຶ່ງຮວມທັງ ເດັກນ້ອຍ ຖືກຈັບມາ ໂດຍທີ່ ພວກຂະເຈົ້າ ບໍ່ໄດ້ ຍິນຍອມ ແລະ ຖືກທຸບຕີ ທາລຸນ ຢ່າງ ຮຸນແຮງ. ອີງຕາມ ອົງການ ສິ້ງຊອມ ສິດທິມະນຸດ.
ຣັຖບານ ອອສເຕຣເລັຍ ໄດ້ຊ່ວຍ ເງິນ 9,300 ໂດລາ ສະຫະຣັຖ ເພື່ອຊ່ວຍ ສ້າງ ຫ້ອງສະມຸດ ໃນສູນ ປິ່ນປົວ ບໍາບັດ ຄົນຕິດ ຢາເສບຕິດ ‘ສົມສງ່າ’ ນອກເຂດ ນະຄອນຫລວງ ວຽງຈັນ ໃນປີ 2009-2010, ຊຶ່ງ ໂຄສົກຍິງ ຈາກ ກະຊວງ ການຕ່າງ ປະເທດ ອອສເຕຣເລັຍ ກ່າວວ່າ ມີຜູ້ໃຊ້ ປະມານ 50 ຫາ 60 ຄົນ ຕໍ່ມື້. ນາງກ່າວວ່າ ຍ້ອນ ທາງການ ແລະ ສະຖານທູດ ອອສເຕຣເລັຍ ບໍ່ໄດ້ມີ ສ່ວນຮ່ວມ ກ່ຽວກັບ ການ ບໍຣິຫານ ສູນ ດັັ່ງກ່າວ ພຽງພໍ ມີພຽງແຕ່ ການມາ ຢ້ຽມຢາມ ບາງຄັ້ງ ບາງຄາວ ຈຶ່ງບໍ່ ສາມາດ ຢືນຢັນ ການລ່ວງ ລະເມີດ ສິດທິ ຜູ້ຖືກ ກັກຂັງ ດັ່ງທີ່ ອົງການ ສິ້ງຊອມ ສິດທິມະນຸດ ລາຍງານ ນັ້ນໄດ້.
ນາງກ່າວ ຕໍ່ໄປວ່າ ອົງການ ສິ້ງຊອມ ສິດທິມະນຸດ ເຄີຍໄດ້ ເປີດເຜີຍວ່າ ອົງການ ຊ່ວຍເຫລືອ ພັທນາ ນາໆຊາດ ອອສເຕຣເລັຍ AusAid ເຄີຍຊ່ວຍ ໃນ ໂຄງການຕ່າງໆ ໃນສູນ ກັກຂັງ ຢູ່ ວຽດນາມ ທີ່ມີ ຄົນຕິດ ຢາເສບຕິດ ຫລາຍພັນ ຄົນ ມາຮັບການ ຮັກສາ ປິ່ນປົວ ແຕ່ໄດ້ ຖືກ ກັກຂັງ ຫລາຍປີ ໂດຍທີ່ ພວກຂະເຈົ້າ ບໍ່ໄດ້ ຍິນຍອມ ນອກຈາກນັ້ນ ຍັງຖືກ ທໍຣະມານ ທໍາຮ້າຍ ຮ່າງກາຍ ຊຶ່ງ ຣັຖບານ ອອສເຕຣເລັຍ ກໍໄດ້ ຂໍຮ້ອງ ໃຫ້ ທາງການ ວຽດນາມ ປິດ ກິຈການ ໃນສູນ ດັ່ງກ່າວ ແລ້ວ.
