ແຂວງຄໍາມ່ວນ:ຈະກໍ່ສ້າງ ອະນຸສອນປະທານ ໂຮ່ຈິມິນ ໃນປີ 2012
ຕອນຄ່ໍາຂອງວັນທີ 23 ພະຈິກ 2011 ທີ່ຫ້ອງວ່າການປົກຄອງແຂວງຄຳມ່ວນ ໄດ້ຈັດພິທີເຊັນສັນຍາຮັບເຫມົາໂຄງການກໍ່ສ້າງອະນຸສອນປະທານ ໂຮ່ຈິມິນ ລະຫວ່າງທ່ານ ສຸວັນດີ ສີສະຫວັດ ຮອງຫົວຫນ້າຫ້ອງວ່າການສູນກາງພັກ, ຫົວຫນ້າຄະນະຮັບຜິດຊອບພິພິທະພັນ ໄກສອນ ພົມວິຫານ (ໃນນາມຕາງຫນ້າເຈົ້າຂອງໂຄງການ) ແລະ ທ່ານ ໄມວຽງ ວັນດາລາ ອຳນວຍການບໍລິສັດຫຸ້ນສ່ວນຊຳເຫນືອກໍ່ສ້າງ-ເຄຫາສະຖານ (ໃນນາມຜູ້ຮັບເຫມົາ) ໂດຍເປັນກຽດເຂົ້າຮ່ວມເປັນສັກຂີພິຍານຂອງທ່ານ ຄຳໃບ ດຳລັດ ເຈົ້າແຂວງໆຄຳມ່ວນ, ມີບັນດາທ່ານຕາງຫນ້າກະຊວງແຜນການ ແລະ ການລົງທຶນ, ກະຊວງການເງິນ, ກະຊວງໂຍທາທິການ ແລະ ຂົນສົ່ງພາກສ່ວນຕ່າງໆທີ່ກ່ຽວຂ້ອງຂອງສູນກາງ ແລະ ທ້ອງຖິ່ນເຂົ້າຮ່ວມ.
ໂຄງການກໍ່ສ້າງອະນຸສອນປະທານໂຮ່ຈິມິນ ແມ່ນໂຄງການທີ່ສຳຄັນມີລັກສະນະປະຫວັດສາດ, ການເມືອງສ່ອງແສງເຖິງມູນເຊື້ອສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ-ສອງລັດ ແລະ ປະຊາຊົນສອງຊາດລາວ-ຫວຽດນາມ. ສ້າງຂຶ້ນເພື່ອຈາລຶກຄຸນງາມຄວາມດີ ແລະ ຜົນງານອັນຍິ່ງໃຫຍ່ຫາອັນປຽບບໍ່ໄດ້ຂອງປະທານໂຮ່ຈິມິນທີ່ມີຕໍ່ການປະຕິວັດ ແລະ ປະຊາຊົນລາວບັນດາເຜົ່າ.ໂຄງການດັ່ງກ່າວນີ້ຕັ້ງຢູ່ບ້ານຊຽງຫວາງ ເມືອງຫນອງບົກ ແຂວງຄຳມ່ວນ ເຊິ່ງມີເນື້ອທີ່ທັງຫມົດ 15.125 ແມັດກາເຣ, ໃນນັ້ນວຽກຝ່າຍລາວຮັບຜິດຊອບມີ: ວຽກເທເບຕົງທາງອ້ອມໂຄງການທັງ 4 ດ້ານ, ວຽກຮົ້ວອ້ອມ, ກໍ່ສ້າງຫນອງປາ, ອ່າງເກັບນ້ຳ, ຮ້ານຂາຍເຄື່ອງທີ່ລະນຶກ, ກໍ່ສ້າງເຮືອນຍາມ, ກໍ່ສ້າງປ້ອມຍາມທາງເຂົ້າ-ອອກ, ກໍ່ສ້າງຕູ້ເກັບມ້ຽນລຳໂພງ, ວຽກຂົວຂ້າມຫນອງປາ, ວຽກເດີ່ນສວນທໍ່ລະບາຍນ້ຳໃຊ້ ແລະ ນ້ຳເປື້ອນ, ຕິດຕັ້ງຕາຂ່າຍໄຟຟ້າແຮງຕ່ຳ ແລະ ໄຟບໍລິເວນເດີ່ນ ແລະ ວຽກກໍ່ສ້າງປ້າຍຊື່ໂຄງການລວມທັງຫມົດ 12 ຫນ້າວຽກມູນຄ່າການກໍ່ສ້າງແມ່ນ 15.203.789.566 ກີບ (ຝ່າຍລາວເປັນຜູ້ຮັບຜິດຊອບ) ສຳລັບຝ່າຍຫວຽດນາມແມ່ນຮັບຜິດຊອບກໍ່ສ້າງເຮືອນວາງສະແດງ, ຫໍໄຫວ້ທີ່ມີເອກະລັກຮູບຊົງລາວ ແລະ ຫວຽດນາມ, ເນື້ອໃນວາງສະແດງທັງຫມົດແມ່ນນຳໃຊ້ງົບປະມານຂອງຝ່າຍຫວຽດນາມ. ທັງຫມົດດັ່ງກ່າວຈະຕ້ອງໃຫ້ສຳເລັດທັນມື້ສະຫລອງວັນສ້າງຕັ້ງສາຍພົວພັນການທູດ ແລະ ວັນເຊັນສົນທິສັນຍາມິດຕະພາບລາວ-ຫວຽດນາມໃນປີ 2012.
-- Edited by buckhumnoy on Saturday 26th of November 2011 06:14:59 AM
ລາວເຮົາມີ ເອັກກະລາດ ເປັນຂອງໂຕເອັງບໍ່ ?
