ຈູມມາລີ ພ້ອມດ້ວຍຂະນະເຊັນສັນຍາຂາຍຊາດໃຫ້ວຽດນາມອີກແລ້ວ
ວັນທີ 9 ກຸມພາ 2012 ທີ່ນະຄອນຫຼວງວຽງຈັນ, ພາຍໃຕ້ການເປັນສັກຂີພິຍານຂອງປະທານປະເທດ ເຈືອງ ເຕິນຊາງ ແລະ ເລຂາທິການໃຫຍ່, ປະທານປະເທດແຫ່ງ ສປປ ລາວ ຈູມມາລີ ໄຊຍະສອນ, ໃນພິທີເຊັນສັນຍາ ວ່າດ້ວຍການຂຸດຄົ້ນ ແລະ ປຸງແຕ່ງເກືອກາລີທີ່ເມືອງໜອງບົກ, ແຂວງຄຳມ່ວນ, ສປປ ລາວ...
ວັນທີ 9 ກຸມພາ 2012 ທີ່ນະຄອນຫຼວງວຽງຈັນ, ພາຍໃຕ້ການເປັນສັກຂີ ພິຍານຂອງປະທານປະເທດ ເຈືອງເຕິນຊາງ ແລະ ເລຂາທິການໃຫຍ່, ປະ ທານປະເທດແຫ່ງ ສປປ ລາວ ຈູມມາລີ ໄຊຍະສອນ, ໃນພິທີເຊັນສັນຍາ ວ່າດ້ວຍການຂຸດຄົ້ນ ແລະ ປຸງແຕ່ງເກືອກາລີທີ່ເມືອງໜອງບົກ, ແຂວງ ຄຳມ່ວນ, ປະເທດ ສປປ ລາວ ລະຫວ່າງ ທ່ານ ບຸນທະວີ ສີສຸພັນທອງ, ລັດຖະມົນຕີວ່າການກະຊວງແຜນການ ແລະ ການລົງທຶນລາວ-ຕາງໜ້າ ລັດຖະບານລາວ ແລະ ທ່ານ ຫງວຽນດິ່ງຄາງ, ຜູ້ອຳນວຍການໃຫຍ່ ກຸ່ມ ບໍລິສັດເຄມີຫວຽດນາມ (VINACHEM). ໂຄງການດັ່ງກ່າວມີປະສິດທິພາບ 320.000 ໂຕນກາລີຕໍ່ປີ, ເນື້ອທີ່ຂຸດ ຄົ້ນ 10ຕາລາງກິໂລແມັດ ດ້ວຍມູນຄ່າການລົງທຶນ 450 ລ້ານໂດລາສະຫະລັດ ໂດຍກຸ່ມບໍລິສັດເຄມີຫວຽດນາມລົງທຶນ 100%. ໃນເວລາ ຂຸດຄົ້ນ 20 ປີ, ເວລາເຄື່ອນໄຫວຂອງໂຮງງານປຸງແຕ່ງແມ່ນ 50 ປີ. ນອກຈາກເນື້ອທີ່ໄດ້ເຊັນສັນຍາ 10 ຕາລາງກິໂລແມັດ, ກຸ່ມບໍລິສັດເຄມີຫວຽດນາມຍັງໄດ້ລັດຖະບານລາວມອບເນື້ອທີ່ເພິ່ມເຕີມອີກ 196,5 ຕາລາງກິໂລແມັດ ເພື່ອສຳຫຼວດບໍ່ເກືອກາລີ, ກຸ່ມບໍລິສັດຈະກໍ່ສ້າງໂຮງງານມີປະສິດທິພາບ 320.000 ໂຕນກາລີຕໍ່ປີແມ່ນ Modun ທຳ ອິດໃນກຸ່ມອຸດສາຫະກຳຂຸດຄົ້ນ ແລະ ປຸງແຕ່ງເກືອກາລີ. ຫຼັງຈາກໂຄງການດັ່ງກ່າວຖືກນຳເຂົ້າໃຊ້ການ ຈະຮ່ວມສ່ວນໃນການສະໜອງກາລີໃຫ້ຕະຫຼາດພາຍໃນ, ຫຼຸດຜ່ອນສະພາບຂຶ້ນກັບການນຳເຂົ້າ ແລະ ປະກອບສ່ວນເຂົ້າໃນແຜນພັດທະນາເສດຖະກິດທ້ອງຖິ່ນຂອງແຂວງຄຳມ່ວນ, ແນໃສ່ເພີ່ມພູນຄູນສ້າງສາຍພົວພັນມິດຕະພາບແບບພິ ເສດ ລະຫວ່າງສອງປະເທດຫວຽດນາມ-ລາວໃຫ້ກ້າວໜ້າຂະຫຍາຍຕົວຂຶ້ນເລື້ອຍໆ.
ແຕ່ວັນທີ 9-11 ກຸມພາ 2012, ທ່ານເຈືອງເຕິນຊາງ, ປະທານປະເທດແຫ່ງ ສສ.ຫວຽດນາມໄດ້ ເດີນທາງໄປຢ້ຽມຢາມສັນຖະວະໄມຕີ ສປປ. ລາວ ຢ່າງເປັນທາງການ. ການຢ້ຽມຢາມດັ່ງກ່າວແມ່ນແນໃສ່ເພີ່ມທະວີສາຍພົວ ພັນມິດຕະພາບອັນເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມື ຮອບດ້ານລະຫວ່າງສອງພັກ, ສອງລັດ ແລະ ປະຊາຊົນຂອງສອງປະເທດ.
ເລຂາທິການໃຫຍ່, ປະທານປະເທດຈູມມາລີ ໄຊຍະສອນ ໃນພິທີຕ້ອນຮັບປະທານປະເທດ ເຈືອງເຕິນຊາງ.
ການພົບປະເຈລະຈາລະຫວ່າງສອງຝ່າຍ.
ຜູ້ນຳທັງສອງທ່ານ ເປັນສັກຂີພິຍານໃນພິທີເຊັນສັນຍາ ຮ່ວມມືລະຫວ່າງສອງປະເທດ.
ທ່ານປະທານປະເທດ ເຈືອງເຕິນຊາງ ແລກປ່ຽນຄຳຄິດຄຳເຫັນກັບທ່ານນາຍົກລັດຖະມົນຕີ ທອງສິງ ທຳມະວົງ.
ແລະ ພົບປະແລກປ່ຽນຄຳຄິດຄຳເຫັນກັບປະທານສະພາແຫ່ງຊາດ ປານີ ຢາທໍ່ຕູ້.
ປະທານປະເທດເຈືອງເຕິນຊາງເຂົ້າຢ້ຽມຢາມອະດີດເລຂາທິການໃຫຍ່, ປະທານປະເທດ ຄຳໄຕ ສີພັນດອນ.
ປະທານປະເທດເຈືອງເຕິນຊາງ ຮ່ວມພິທີຕັດແຖບຜ້າເປີດໂຮງງານປຸງແຕ່ງພາລາ 27/2.
ປະທານ ປະເທດເຈືອງເຕິນຊາງ ໄດ້ຮ່ວມເວທີພົບປະສົ່ງເສີມການລົງທຶນຂອງຫວຽດນາມເຂົ້າສູ່ ບັນດາແຂວງພາກກາງ ແລະ ພາກໃຕ້ຂອງລາວ.
ປະທານປະເທດເຈືອງເຕິນຊາງ ຮ່ວມພິທີເປີດນຳໃຊ້ສະຖານີຖ່າຍທອດວິທະຍຸກະຈາຍສຽງ ແລະ ໂທລະພາບປາກຊ່ອງ.
ປະຊາຊົນລາວຕ້ອນຮັບປະທານປະເທດເຈືອງເຕິນຊາງ ແລະ ພັນລະຍາ ພ້ອມຄະນະຜູ້ແທນຂັ້ນສູງຫວຽດນາມຢ່າງສຸດໃຈ.
ໃນກອບຂອງການຢ້ຽມຢາມ, ຄະນະຜູ້ແທນໄດ້ໄປວາງພວງມາລາຢູ່ອະນຸສາວະລີນັກຮົບນິລະນາມທີ່ສະຫຼະຊີວິດເພື່ອຊາດ, ຢ້ຽມຢາມ ແລະໂອ້ລົມກັບພະນັກງານລັດຖະກອນສະຖານທູດຫວຽດນາມປະຈຳລາວ ແລະ ພໍ່ແມ່ປະຊາຊົນຫວຽດນາມ ອາ ໄສຢູ່ລາວ; ຢ້ຽມຢາມແຂວງຈຳປາສັກ, ໂຮງງານປຸງແຕ່ງຢາງພາລາ 27/2 ຂຶ້ນກັບບໍລິສັດຫຸ້ນສ່ວນຢາງພາລາຫວຽດນາມ-ລາວ; ຮ່ວມພິທີເປີດສະຖານີຖ່າຍທອດວິທະຍຸກະຈາຍສຽງ ແລະ ໂທລະພາບປາກຊ່ອງ; ຢ້ຽມຢາມນິຄົມຢາງພາລາ ແລະ ກິດຈະກຳເສດຖະກິດສັງຄົມຈຳນວນໜ່ຶ່ງ, ຮ່ວມພິທີວາງສິລາເລິກ ກໍ່ສ້າງສະໜາມບິນສາກົນທີ່ແຂວງອັດຕະປື ໂດຍກຸ່ມ ບໍລິສັດ ຮວ່າງແອງຢາລາຍ ເປັນຜູ້ລົງທຶນກໍ່ສ້າງ; ຮ່ວມເວທີພົບປະສ່ົງເສີມການລົງທຶນຂອງຫວຽດນາມເຂົ້າໃນບັນດາແຂວງ ພາກກາງ ແລະ ພາກໃຕ້ຂອງລາວ ໂດຍກະຊວງແຜນການ ແລະ ການລົງທຶນຫວຽດນາມ ແລະ ສະມາຄົມບັນດານັກ ທຸລະກິດຫວຽດນາມລົງທຶນຢູ່ລາວ... ການຢ້ຽມຢາມຂອງປະທານປະເທດເຈືອງເຕິນຊາງໃນຄັ້ງນີ້ໄດ້ສະແດງໃຫ້ເຫັນຢ່າງເລິກເຊິ່ງໃນສາຍພົວພັນສາມັກຄີມິດຕະພາບພິເສດ, ຖານສະຫາຍ ອ້າຍນ້ອງລະຫວ່າງສອງປະເທດ. ສອງຝ່າຍມີຄວາມເຫັນດີເປັນເອກະພາບໃນລະດັບສູງ ກ່ຽວກັບຄວາມສຳຄັນ ແລະ ປັກໃຈປັບປຸງ ແລະ ເພີ່ມພູນຄູນສ້່າງການພົວພັນມິດຕະພາບອັນເປັນມູນເຊື້ອ, ຄວາມສາມັກຄີພິເສດ ແລະການຮ່ວມມື ຮອບດ້ານ ລະຫວ່າງສອງປະເທດໃຫ້ມີການຂະຫຍາຍຕົວຢ່າງບໍ່ຢຸດຢັ້ງ. ຖືນັ້ນແມ່ນສົມບັດອັນລ້ຳຄ່າທີ່ຕ້ອງໄດ້ຮັບການຮັກສາ, ພັດທະນາ ແລະ ຖ່າຍທອດໃຫ້ແກ່ຮຸ່ນຄົນສືບຕໍ່ໄປ.
