ລາວໂຮມລາວ ເພື່ອປະຊາທິປະໄຕ

Members Login

Post Info

TOPIC: ປະຊາຊົນ ບ້ານຫນອງ ບົວທອງເຫນືອ ກຳລັງໄດ້ຣັບຜົນກະທົບ ຈາກການລັກລອບ ປ່ອຍນ້ຳເສຍ ຂອງໂຣງງານ

Anonymous

Date: Mar 8, 2012

ປະຊາຊົນ ບ້ານຫນອງ ບົວທອງເຫນືອ ກຳລັງໄດ້ຣັບຜົນກະທົບ ຈາກການລັກລອບ ປ່ອຍນ້ຳເສຍ ຂອງໂຣງງານ	Permalink

ປະຊາຊົນ ບ້ານຫນອງ ບົວທອງເຫນືອ ກຳລັງໄດ້ຣັບຜົນກະທົບ ຈາກການລັກລອບ ປ່ອຍນ້ຳເສຍ ຂອງໂຣງງານ ປະຈຸບັນ ປະຊາຊົນບ້ານຫນອງບົວທອງເຫນືອ, ເມືອງສີໂຄດຕະບອງ ກຳລັງປະເຊີນກັບການດຳລົງຊີວິດ ຣ່ວມກັບສະພາບນ້ຳເສຍທີ່ເຊື່ອວ່າ ມີບາງໂຣງງານທີ່ຢູ່ເຫນືອຄອງລະບາຍນ້ຳ ບໍລິເວນຫນອງດ້ວງ, ໂນນຕານ, ຄິວ ລົດເຕ້ສອງ, ບ້ານນາຄຳໄດ້ລັກລອບປ່ອຍລົງມາ. Source: http://vientianehour.com/eco-social/social/wasted-water-pollution.vh#ixzz1oYvDxHCY Under Creative Commons License: Attribution ຄອງລະບາຍນ້ຳດັ່ງກ່າວ ແຕ່ກ່ອນແມ່ນຄອງເຫມືອງລະບາຍນ້ຳໃສ່ນາ ເຊິ່ງເຄີຍເປັນແຫລ່ງທຳມາຫາກິນສຳລັບ ປະຊາຊົນທົ່ວໄປ ແລະ ໂດຍສະເພາະແມ່ນຄົນທຸກຍາກ ປະຈຸບັນທາງການເພີ່ນໄດ້ປັບເປັນຄອງລະບາຍນ້ຳອອກ ຈາກເມືອງເວລາລະດູຝົນ, ເຖິງຢ່າງໃດກໍຕາມ ຄອງດັ່ງກ່າວກໍຍັງເປັນແຫລ່ງອາຫານສຳຣອງຂອງປະຊາຊົນບໍລິ ເວນດັ່ງກ່າວຢູ່. ໃນປະຈຸບັນ, ເລື່ອງບໍ່ດີໄດ້ເກີດຂື້ນ ເພາະວ່າ ໄດ້ມີບາງໂຣງງານ (ຂໍສະຫງວນຊື່ໄວ້) ໄດ້ລັກປ່ອຍນ້ຳເສຍອອກມາຢ່າງຕໍ່ເນື່ອງ ແລະ ໂດຍສະເພາະແມ່ນຍາມກາງຄືນ ສົ່ງຜົນເຣັດໃຫ້ປະຊາຊົນໃນບ້ານ ດັ່ງກ່າວ ບໍ່ສາມາດ ດຳລົງຊີວິດໄດ້ຕາມປົກກະຕິເຊັ່ນ: ນອນບໍ່ຫລັບຍ້ອນກິ່ນເຫມັນ, ປິດປະຕູເພີ່ມເວລາຢູ່ໃນຫ້ອງ ເພື່ອຫລຸດຜ່ອນກິ່ນເຫມັນ, ຕ້ອງໃສ່ແພປິດປາກປິດດັງເວລາແຕ່ງຢູ່ຄົວກິນ, ກາງເວັນກໍຕ້ອງເພີ້ມເວລາອອກ ໄປຢູ່ບອ່ນອື່ນເພື່ອຫລີກບໍ່ໃຫ້ໄດ້ຣັບອາຍເຫມັນຫລາຍເຊິ່ງອາດມີອາຍຂອງສານມີພິດ, ແລະ ບໍ່ສາມາດຍ່າງອອກກຳ ລັງກາຍເລາະລຽບຕາມຄອງຄືແຕ່ກ່ອນໄດ້. ຜົນກະທົບຕໍ່ສຸຂະພາບໃນປະຈຸບັນແມ່ນ ຣູ້ສຶກຫາຍໃຈຍາກ, ແຫນ້ນຫນ້າເອິກ, ແສບດັງ, ແສບຕາ, ແລະ ເຈັບຄໍເວລາດົມອາຍເຫມັນຂອງນ້ຳດັ່ງກ່າວເຂົ້າໄປ. ຖ້າສະພາບການດັ່ງກ່າວນີ້ຍັງສືບຕໍ່ ຜົນກະທົບຕໍ່ສຸຂະ ພາບທັງຈິດໃຈ ແລະ ຣ່າງກາຍຂອງປະຊາຊົນຍິ່ງຈະຣຸນແຣງຂື້ນເຖີງຂັ້ນລົ້ມປ່ວຍກໍ່ອາດເປັນໄດ້. ຕໍ່ກັບສະພາບ ດັ່ງກ່າວ ປະຊາຊົນໄດ້ສົມທົບກັບອຳນາດການປົກຄອງບ້ານແລ້ວຫລາຍເທື່ອ ແຕ່ບັນດາໂຣງງານດັ່ງກ່າວກໍຍັງ ສືບຕໍ່ລັກລອບປ່ອຍນ້ຳໂດຍບໍ່ໄດ້ບຳບັດອີກຢູ່ ໂດຍບໍ່ຄຳນຶງເຖິງຜົນກະທົບຕໍ່ຜູ້ອື່ນ ແລະ ສິ່ງແວດລ້ອມ. ສະນັ້ນ, ຈື່ງຢາກຝາກຂ່າວນີ້ໄປເຖີງພາກສ່ວນທີ່ກ່ຽວຂ້ອງໃຫ້ລົງມາຊ່ວຍແກ້ໄຂດ່ວນດ້ວຍ. Source: http://vientianehour.com/eco-social/social/wasted-water-pollution.vh#ixzz1oYvRxvAg Under Creative Commons License: Attribution __________________

Page 1 of 1 sorted by

Create your own FREE Forum
Report Abuse