ລາວທູ້ມງົປມານໃສ່ການ ຕຣຽມຮັບມື Asem

ງົບປະມານໃນການພັທນາ ປີ 2012 ເກືອບທັງໝົດ ຈະໃຊ້ເພື່ອການກະຕຽມໃສ່ ກອງປະຊຸມສຸດຍອດ ເອເຊັຍ-ຢູໂຣບ ຫລື ASEM ທີ່ມີກໍານົດຈັດຂຶ້ນໃນເດືອນ ພຶສຈິກາ 2012 ຢູ່ນະຄອນຫລວງວຽງຈັນ. ດ້ວຍເຫດນີ້ ການພັທນາໃນເຂດຊົນນະບົດຫ່າງໄກ ອາດຈະມີໜ້ອຍ ສໍາລັບປີນີ້. ເຈົ້າໜ້າທີ່ຜແນກການພັທນາແລະບໍລິຫານໂຕເມືອງ ນະຄອນຫລວງວຽງຈັນ ເວົ້າກ່ຽວກັບເຣື່ອງນີ້ວ່າ:
LSB0308ND1…ປັດຈຸບັນນີ້ ນະໂຍບາຍຣັຖບານການປັບປຸງຕົວເມືອງ ເພື່ອກະຕຽມໃຊ້ກອງປະຊຸມ ASEM ເປີດຂຶ້ນທ້າຍປີນີ້ ສະນັ້ນການພັທນາຕົວເມືອງຖືວ່າມີຫລາຍກວ່າ ຖ້າທຽບກັບຊົນນະບົດ ແຕ່ເນື່ອງຈາກວ່າກໍຣະນີພິເສດ ເພິ່ນໄດ້ສຸມໃສ່ ຢູ່ໃນຕົວເມືອງຫລາຍກວ່າ ຊົນນະບົດ
ທ່ານເວົ້າຕໍ່ໄປວ່າ ເຖິງວ່າຈະມີການພັທນາໃນເຂດຕົວເມືອງຫລາຍ, ແຕ່ທາງຣັຖບານກໍບໍ່ໄດ້ລະເລີຍການພັທນາໃນເຂດຊົນນະບົດ ເຊັ່ນການຂຍາຍຖນົນຫົນທາງຕິດຕໍ່ໃນແຂວງທີ່ສໍາຄັນ, ລະບົບນໍ້າປະປາແລະໄຟຟ້າ ພຽງແຕ່ວ່າອາດຈະສຸມໃສ່ ໃນໂຕເມືອງເປັນກໍຣະນີພິເສດ ເພື່ອໃຫ້ພ້ອມສໍາລັບການຮອງຮັບກອງປະຊຸມໃຫຍ່.
ເຖິງຢ່າງໃດກໍຕາມ ທີ່ຜ່ານມາການພັທນາໃນລາວ ກໍເກີດມີບັນຫາຊ່ອງຫວ່າງ ລະຫວ່າງເຂດຕົວເມືອງແລະເຂດຊົນນະບົດຫ່າງໄກຢູ່ເລື້ອຍໆ. ຕົວຢ່າງປະຊາຊົນລາວໃນເຂດນະຄອນຫລວງວຽງຈັນ ຈະມີລາຍຮັບສະເລັ່ຍ 1,400 ໂດລາສະຫະຮັຖຕໍ່ຄົນຕໍ່ປີ, ແຕ່ປະຊາຊົນລາວໃນແຂວງ ອັດຕະປື ຊໍ້າພັດມີລາຍຮັບ ສະເລັ່ຍພຽງແຕ່ 251 ໂດລາສະຫະຮັຖຕໍ່ຄົນຕໍ່ປີ. ດັ່ງນັ້ນຈະເຫັນໄດ້ວ່າ ການພັທນາໃນລາວ ໃນລະຍະຜ່ານມາ ກໍມີຄວາມບໍ່ສເມີພາບກັນ ລະຫວ່າງຕົວເມືອງ ແລະ ຊົນນະບົດຢູ່ແດ່ແລ້ວ.