ທ່ານ ດຣ. ນາມ ວິຍະເກດ ລັດຖະມົນຕີວ່າການກະຊວງອຸດສາຫະກຳ ແລະ ການຄ້າໄດ້ນຳພາຄະນະຜູ້ແທນລາວ ທັງຫມົດ 18 ທ່ານຈາກຂະແຫນງການທີ່ກ່ຽວຂ້ອງ ເດີນທາງເຂົ້າ ຮ່ວມກອງປະຊຸມຫນ່ວຍປະຕິບັດງານໃນການເຈລະຈາເຂົ້າ ເປັນສະມາຊິກອົງການການຄ້າໂລກຂອງລາວຄັ້ງທີ 8 ທີ່ນະຄອນເຊີແນວ ປະເທດສະວິດເຊີແລນ ເພື່ອເຈລະຈາບັນຫາທີ່ຍັງຄົງຄ້າງ ໂດຍສະເພາະແມ່ນການປັບປຸງກົດຫມາຍ ແລະ ລະບຽບການຕ່າງໆທີ່ຕິດພັນກັບການຄ້າ ເພື່ອໃຫ້ສອດຄ່ອງກັບສັນຍາຂອງອົງການການຄ້າ ໂລກ.
ກອງປະຊຸມຫນ່ວຍປະຕິບັດງານຄັ້ງນີ້ ໂດຍການເປັນປະທານຂອງທ່ານ ອີ່ ສຽວຈູນ ເອກອັກຄະລັດຖະທູດປະຈຳອົງການການຄ້າໂລກ (ອຄລ) ຂອງ ສປ ຈີນ ໄດ້ຈັດຂຶ້ນໃນວັນທີ 16 ມີນາ 2012 ທີ່ອົງການການຄ້າ ໂລກ ແລະ ໄດ້ຮັບຜົນສຳເລັດອັນສະຫງ່າງາມ ທ່າມກາງຄວາມຍິນດີ ແລະ ສຽງສະຫນັບສະຫນູນຢ່າງຫນັກແຫນ້ນຈາກບັນດາສະມາຊິກຂອງອົງ ການການຄ້າໂລກກວ່າ 70 ສະມາຊິກ ໂດຍເຫັນດີ ແລະ ວາງເປົ້າຫມາຍໃຫ້ ສປປ ລາວ ເປັນປະເທດບຸລິມະສິດໃນການເຂົ້າເປັນສະມາຊິກອົງການການຄ້າໂລກພາຍໃນປີ 2012.
ເພື່ອຮັບປະກັນຜົນສຳເລັດຕາມທີ່ຄາດຫມາຍໄວ້ນັ້ນ, ໃນທີ່ປະຊຸມໄດ້ກຳນົດເປົ້າຫມາຍ ເພື່ອຈັດກອງປະຊຸມຫນ່ວຍປະຕິບັດງານຄັ້ງຕໍ່ໄປ (ຄັ້ງທີ 9) ພາຍໃນເດືອນກໍລະກົດ ເຊິ່ງຄາດ ວ່າ ຈະເປັນກອງປະຊຸມກ່ອນສະຫລຸບບັ້ນສຸດທ້າຍໃນເດືອນຕຸລາ 2012 ນີ້.
ພ້ອມນັ້ນ, ໃນກອງປະຊຸມຍັງໄດ້ຮຽກຮ້ອງໃຫ້ທຸກສະມາຊິກອົງການການຄ້າໂລກຈົ່ງໃຫ້ການສະຫນັບສະຫນູນຢ່າງເຕັມທີ່ ແລະ ສປປ ລາວ ກໍ່ຕ້ອງຂຸ້ນຂ້ຽວປັບປຸງລະບຽບກົດໝາຍທີ່ຍັງຄ້າງຄາ ເພື່ອໃຫ້ສອດຄ່ອງກັບຫລັກການ ແລະ ສັນຍາຂອງອົງການການຄ້າໂລກໃຫ້ສຳເລັດຕາມກຳນົດເວລາທີ່ວາງໄວ້.
ຄຽງຄູ່ກັບການເຂົ້າຮ່ວມ ກອງປະຊຸມຫນ່ວຍປະຕິບັດງານ ຄັ້ງທີ 8 ນີ້, ສປປ ລາວ ໄດ້ລົງ ນາມສັນຍາການຄ້າສອງຝ່າຍກ່ຽວກັບການເປີດຕະຫລາດການຄ້າດ້ານສິນຄ້າ ແລະ ຂະ ແຫນງບໍລິການກັບສະຫະລັດອາເມລິກາໃນວັນທີ 14 ມີນາ 2012 ເຊິ່ງການລົງນາມຄັ້ງນີ້ ຖືວ່າແມ່ນຜົນສຳເລັດອັນພົ້ນເດັ່ນ ແລະ ເປັນບາດກ້າວອັນສຳຄັນຍິ່ງໃນຂັ້ນຕອນການເຂົ້າເປັນສະມາຊິກອົງການການຄ້າໂລກຂອງ ສປປ ລາວ ໂດຍອາເມລິກາກໍ່ປະກາດການສະຫນັບສະຫນູນຢ່າງເຕັມທີ່ຕໍ່ການກັບການເຂົ້າເປັນສະມາ ຊິກຂອງ ສປປ ລາວ ພາຍໃນທ້າຍປີນີ້.
ສຳລັບການເຈລະຈາສອງຝ່າຍຂອງລາວກໍ່ຍັງເຫລືອພຽງ ແຕ່ອູແກຣນ ເຊິ່ງກໍ່ໄດ້ພົບປະ ແລະ ຂຸ້ນຂ້ຽວສືບຕໍ່ເຈລະຈາໃນຮອບຕໍ່ໄປ ແລະ ຄາດວ່າຈະໃຫ້ສຳເລັດໃນເວລາອັນໄວນີ້.
ດ້ວຍເຫດໃດ ອາເມລິກາຈິ່ງສະໜັບສະໜູນໂຈນລາວແດງ ພໍ່ຕູ້ ອານຸຣັດ ຕອບໃຫ້ຟັງແດ່
ລາວຕ້ອງ ປັບປຸງລະບຽບກົດໝາຍທີ່ຍັງຄ້າງຄາ ເພື່ອໃຫ້ສອດຄ່ອງກັບຫລັກການ ແລະ ສັນຍາຂອງອົງການການຄ້າໂລກ
ຖ້າບໍ່ດັ່ງນັ້ນ ລາວເປັນສະມະຊິກອົງການ ຄ້າໂລກບໍ່ໄດ້
