ຊາວລາວ ແຂວງ ຫລວງນໍ້າທາ ທີ່ໄດ້ຮັບ ເງິນຄ່າ ສັມປະທານ ທີ່ດິນແລ້ວ ແຕ່ກໍບໍ່ພໍ ໃຊ້ຈ່າຍ ແລະ ຍັງຕ້ອງກາຣ ທີ່ດິນ ເພື່ອທຳມາ ຫາກິນ ຢູ່ຕໍ່ໄປ.
RFA/Chansina
ຊີວິດຂອງ ຊາວຫຼວງນໍ້າທາ ໃນຕົວເມືອງ ມີຕລາດ ຄົນກາງຄືນ
ຣາສດອນ ແຂວງ ຫລວງນໍ້າທາ ຫລາຍໆຄົນ ທີ່ໄດ້ຮັບເງິນ ຈາກຄ່າ ສັມປະທານ ທີ່ດິນ ຫລື ໃຫ້ນັກລົງທຶນ ເຂົ້າມາເຊົ່າ ທີ່ດິນ ຂອງຕົນນັ້ນ ພາຍຫລັງ ທີ່ໄດ້ຮັບເງິນ ແຕ່ລະເທື່ອ ໃນແຕ່ລະປີ ສ່ວນຫຼາຍ ຈະມີບັນຫາ ເພາະເງິນ ທີ່ໄດ້ມາ ບໍ່ພຽງພໍ ສຳລັບໃຊ້ຈ່າຍ ຈຶ່ງຕ້ອງໄດ້ ຊອກຫາ ພື້ນທີ່ ເຖີງຂັ້ນທີ່ ຈໍາເປັນໄປ ລັກຖາກຖາງປ່າ ເພື່ອປູກຝັງ ໃນເຂຕປ່າ ທີ່ຫວງຫ້າມ. ເຈົ້າໜ້າທີ່ ຊົລປະທານ ແຜນກກະສິກັມ ແລະ ປ່າໄມ້ ປະຈຳແຂວງ ເວົ້າວ່າ:
"ກໍມີບັນຫາ ນ້ອຍໜຶ່ງ ຫັ້ນແຫລະ ບໍ່ມີພື້ນທີ່ ນັ້ນແຫລະ ຂະເຈົ້າກໍມີ ແຕ່ເອົາຄ່າ ສັມປະທານ ຄ່າເຊົ່າ ຊື້ເຂົ້າ ຊື້ອາຫາຣ ຈຳນວນໜຶ່ງ ກໍບໍ່ພໍກິນ ຂະເຈົ້າກໍກັບໄປ ບຸກຣຸກປ່າ ຄືເກົ່າ ນີ້ກໍເປັນ ຜົລກະທົບ ກັບຄືນມາ ຢູ່ເນັ້ຽ ຣັຖບາລ ກໍກຳລັງ ແກ້ໄຂບັນຫາ ນີ້ຢູ່".
ພ້ອມດຽວກັນນີ້ ທ່ານກໍວ່າ ໃນປັຈຈຸບັນ ເຂຕພື້ນທີ່ ຊົລປະທານ ຫລາຍແຫ່ງ ຢູ່ພາຍໃນ ແຂວງ ກໍມີບັນຫາ ເພາະປະຊາຊົນ ລັກເຂົ້າມາ ເຮັດກາຣກປູກຝັງ ເພາະພື້ນທີ່ເກົ່າ ຂອງເຂົາເຈົ້າ ກໍໃຫ້ພວກ ນັກລົງທຶນ ເຊົ່າໄປແລ້ວ ແລະ ຍັງມີຫລາຍໆຄົນ ທີ່ເກີດມີ ບັນຫາ ຈາກກາຣນຳເອົາ ເງິນທີ່ໄດ້ມານັ້ນ ໄປໃຊ້ຈ່າຍ ຢ່າງຟຸມເຟືອຍ ແບບທີ່ບໍ່ມີ ກາຣວາງແຜນ ໂດຽທີ່ບໍ່ ຄຳນຶງເຖີງ ຜົລເສັຽຫາຍ. ເຈົ້າໜ້າທີ່ລາວດັ່ງກ່າວໄດ້ແຈ້ງເພີ່ມວ່າ ສໍາຫລັບຄ່າເຊົ່າພື້ນທີ່ ຫລືຄ່າສັມປະທານທີ່ດິນ ຢູ່ແຂວງຫລວງນໍ້າທາ ດັ່ງທີ່ມີກາຣປະຕິບັຕກັນມານັ້ນ ຈະຕົກເປັນປະມານ ລ້ານກວ່າກີບ ຕໍ່ໜຶ່ງເຮັກຕ໊າຣ ຕໍ່ປີ.
