ເຮືອນເກືອບ 50 ຫລັງຢູ່ບ້ານຫລັກຄຳໃຫມ່ ຖືກໄຟໄຫມ້ກ້ຽງ, ສັງຄົມຮີບຊ່ວຍດ່ວນ
ເວລາປະມານ 14:40 ໂມງ ຂອງວັນທີ 14 ເມສາຜ່ານ ມາໄດ້ເກີດໄຟໄຫມ້ເຮືອນຂອງປະຊາຊົນຈຳນວນ 48 ຫລັງຄາຢູ່ບ້ານຫລັກຄຳໃຫມ່ເມືອງ ແລະ ແຂວງຫລວງນ້ຳທາ ເຊິ່ງເປັນບ້ານຊົນເຜົ່າອາຄາ ປະຈຸບັນປະຊາຊົນເກືອບ 3 ຮ້ອຍຄົນເດືອດຮ້ອນຫນັກໄຮ້ທີ່ຢູ່ອາໄສ ລວມທັງເຄື່ອງອຸປະໂພກ ແລະ ບໍລິໂພກ.
ທ່ານ ພິເຈະ ນາຍບ້ານໆ ຫລັກຄໍາໃຫມ່ໃຫ້ຮູ້ວ່າ: ບ້ານຫລັກຄໍາໃຫມ່່ຕັ້ງຢູ່ແຄມເສັ້ນທາງ 17 A ໄປທາງທິດເຫນືອຫ່າງຈາກເທດສະບານແຂວງ 25 ກິໂລແມັດ ໃນເວລາທີ່ເກີດ ເຫດປະຊາຊົນພາຍໃນບ້ານສ່ວນໃຫຍ່ໄປທຳການຜະລິດ ແລະ ຊອກຢູ່ຫາກິນມີແຕ່ເດັກນ້ອຍ ແລະ ຄົນເຖົ້າເຝົ້າເຮືອນໂດຍ ອັກຄີໄພຄັ້ງນີ້ປະຊາຊົນ 275 ບໍ່ເຫລືອຫຍັງຍັງພຽງເຄື່ອງນຸ່ງ ຄາຄີງສ່ວນຊັບສິນເງິນ-ຄຳ, ເຄື່ອງນຸ່ງຫົ່ມ, ເລົ້າເຂົ້າ, ລົດລາງພາຫະນະ ແລະ ສັດລ້ຽງຈຳນວນຫນຶ່ງຖືກໄຟໄຫມ້ລວມມູນຄ່າເສຍຫາຍຄາດຄະເນໃນ ເບື້ອງຕົ້ນປະມານ 2.762.027.700 ກີບ ຂະນະທີ່ເຫດການຄັ້ງນີ້ບໍ່ມີບຸກຄົນໃດເສຍຊີວິດ.
ສ່ວນທ່ານ ອໍາຄາ ຄໍາປະສິດ ຫົວຫນ້າສັງຄົມສົງເຄາະພ້ອມທັງເປັນຫົວຫນ້າກອງເລຂາຄະນະກໍາມະການ ຄຸ້ມຄອງໄພພິບັດພະແນກແຮງງານ ແລະ ສະຫວັດດີການສັງຄົມແຂວງ ຫລວງນໍ້າທາກ່າວວ່າ: ໄຟໄຫມ້ບ້ານຫລັກຄຳໃຫມ່ມາຮອດປະຈຸ ບັນແມ່ນຍັງບໍ່ຮູ້ສາເຫດ ເພື່ອເປັນການຊ່ວຍເຫລືອສຸກເສີນຄະນະການນຳແຂວງໄດ້ປຸກລະດົມວັດຖຸ ປັດໄຈຈາກທຸກພາກ ສ່ວນຕ່າງໆເຂົ້າການຊ່ວຍເຫລືອບັນເທົາທຸກມີເຂົ້າສານ, ອາຫານແຫ້ງ, ນ້ຳດື່ມ, ອຸປະກອນຮັບໃຊ້ການແຕ່ງກີນລວມ, ອຸປະກອນໄຟຟ້າເພື່ອຕິດຕັ້ງໃສ່ສະຖານທີ່ພັກຊົ່ວຄາວ, ເຄື່ອງນຸ່ງ ຫົ່ມ ແລະ ຢາປິ່ນປົວພະຍາດໃນມູນຄ່າ 17.640.000 ກີບ.
ແນວໃດກໍ່ດີ ເມື່ອວັນທີ 23 ເມສາຜ່ານມາທ່ານ ເພັດຖາວອນ ພິລາວັນ ກຳມະການປະຈຳພັກ ແຂວງເຈົ້າເມືອງໆຫລວງນ້ຳທາ, ທ່ານ ບູນສີ ແກ້ວມະນີ ຫົວຫນ້າຫ້ອງການກາແດງແຂວງ ພ້ອມດ້ວຍເຈົ້າຫນ້າທີ່ທີ່ກ່ຽວຂ້ອງໄດ້ນຳເອົາເຄື່ອງບັນເທົາທຸກໄປ ຊ່ວຍເຫລືອຜູ້ໄດ້ຮັບຄວາມເດືອດຮ້ອນປະກອບມີ: ເຂົ້າສານ 5 ໂຕນ, ສາດ 90 ຜືນ, ຜ້າຫົ່ມ 90 ຜືນ, ມຸ້ງ 90 ດາງ, ຫມໍ້ຕົ້ມນ້ຳ 45 ຫນ່ວຍ, ຫມໍ້ແກງ 45 ຫນ່ວຍ ແລະ ຜ້າບັດ 35 ຜືນ ມູນຄ່າ 49.775.000 ກີບ ເຄື່ອງບັນເທົາທຸກດັ່ງກ່າວໂດຍການຊ່ວຍເຫລືອລ້າຈາກອົງການກາແດງ ປະເທດໂອຕຣິດ.
ຄຽງຄູ່ກັນນັ້ນ ວັນທີ 20 ເມສາຜ່ານມາທ່ານ ກວງຢູ່ມິງ ຫົວຫນ້າບໍລິສັດການລົງທຶນປູກ ຢາງພາລາ ແຂວງຢຸນນາຈຳກັດ ສປ ຈີນ ກໍ່ໄດ້ນຳເອົາເຄື່ອງນຸ່ງຫົ່ມເຂົ້າຊ່ວຍເຫລືອມູນຄ່າ 11 ລ້ານກີບ ແລະ ປ່ອຍເງິນສິນເຊື່ອໃຫ້ປະຊາຊົນ 3 ຫມື່ນຢວນ ໂດຍບໍ່ມີດອກເບ້ຍຊື້ອຸປະກອນປາດຢາງພາລາ ຂະນະທີ່ ທ່ານ ເພັດ ຖາວອນ ພິລາວັນ ເຈົ້າເມືອງໆ ຫລວງນ້ຳທາ ໄດ້ຮຽກຮ້ອງມາຍັງພາກລັດ ແລະ ເອກະຊົນທົ່ວສັງຄົມເຂົ້າຮ່ວມຊ່ວຍເຫລືອປະຊາຊົນບ້ານດັ່ງກ່າວ ເພື່ອເຮັດໃຫ້ຊີວິດການເປັນຢູ່ຂອງເຂົາເຈົ້າກັບຄືນສູ່ສະພາບ ປົກກະຕິໂດຍໄວ.
ໄຟໃໜ້ສາຍໄຟຟ້າ ກາງກຸງວຽງຈັນ
ໃກ້ກັບໂຮງແຮມວຽງຈັນພລາຊາ
ເຫດການຄ້າຍກັບໄຟໃໜ້ໃກ້ໆຮ້ານຂອບໃຈເດີ້ ປີກາຍນີ້ເລຍ
Laos PDR electricity layout systems in Laos is still using
last 60 years system. There are thousand and thousand
power and phone lines are tinkled up on overhead power lines
and some power and phone lines was layout the first day that
Vientiane had electric and telephone to use, that's why??????????
