ການແພ່ລາມ ຂອງຢາບ້າ ໂດຍສະເພາະ ທີ່ ເມືອງຊຳໃຕ້ ຈະມີການ ເຄື່ອນຍ້າຍ ຊື້ຂາຍຢາບ້າ ກັນຢ່າງ ຫລວງຫລາຍ ເນື່ອງຈາກ ເປັນທາງຜ່ານ ໄປຍັງປະເທດ ເພື່ອນບ້ານ ດັ່ງທ່ານຜູ້ນີ້ ກ່າວວ່າ:

"ກໍຍັງມີ ຫາງສຽງ ວິພາກ ວິຈານ ຂອງ ປະຊາຊົນ ມະຫາຊົນ ວ່າມີ ປະຊາຊົນ ຈຳນວນນື່ງ ມີການ ເຄື່ອນຍ້າຍ ຢາບ້າ ຈຳນວນນື່ງ ກະຂາຍ ຂະເຈົ້າ ບໍຣິການ ຢູ່ໃນເມືອງ ຊຳໃຕ້ ມີໂອກາດ ກໍເປັນເສັ້ນທາງ ຜ່ານໄປ ວຽດນາມ".

ທ່ານກ່າວ ຕໍ່ໄປວ່າ ເຖິງແມ່ນວ່າ ສະພາບການ ຍັງບໍ່ຮຸນແຮງ ປານໃດ ແຕ່ຖ້າທາງການ ກ່ຽວຂ້ອງ ຍັງບໍ່ເຂົ້າມາ ປາບປາມ ແນ່ນອນວ່າ ຕໍ່ໄປ ເມືອງຊຳໃຕ້ ແລະ ເມືອງອື່ນໆຈະມີ ບັນຫາກ່ຽວກັບ ຢາເສພຕິດ ຫລາຍຂື້ນ. ຖ້າມີຄົນ ຕິດຢາບ້າ ບັນຫາການ ປຸ້ນຈີ້ ການລັກເລັກ ຂະໂມຍນ້ອຍ ແລະ ຄວາມຫຍໍ້ທໍ້ ທາງສັງຄົມ ປະເພດຕ່າງໆ ກໍຈະຕາມມາ. ເຈົ້າຫນ້າທີ່ ຫ້ອງການ ປາບປາມ ຢາເສພຕິດ ທີ່ແຂວງ ຫົວພັນ ປະຕິເສດ ວ່າຍັງບໍ່ມີ ຫລາຍ ດັ່ງທ່ານ ກ່າວວ່າ:

"ປັດຈຸບັນນີ້ ຂ້ອນຂ້າງ ບໍ່ມີປານໃດ ມີແຕ່ ມີສ່ວນນ້ອຍໆຊື່ໆ".

ເຖິງຢ່າງໃດ ກໍຕາມ ເຈົ້າຫນ້າທີ່ ຮັບຜິດຊອບ ກ່ຽວກັບ ຢາເສບຕິດ ໃນແຂວງ ຍອມຮັບວ່າ ບັນຫາຢາບ້າ ໃນແຂວງນັ້ນ ຍັງມີຢູ່ ແຕ່ຍັງບໍ່ ເຖີງຂັ້ນ ອັນຕຣາຍ ທາງການແຂວງ ມີແຜນການ ປາບປາມ ກຸ່ມດ່ັງກ່າວ ຢູ່ແລ້ວ. ໃນເວລາ ດຽວກັນ   ກໍຕ້ອງການ ປະຊາຊົນ ເປັນຫູເປັນຕາ ໃຫ້ແກ່ ເຈົ້າຫນ້າທີ່ ຣັຖ.