ສສຊ ຫລາຍທ່ານຍົກຫລາຍປະເດັນເພື່ອໃຫ້ລັດຖະບານປັບປຸງແລະແກ້ໄຂ
ກອງປະຊຸມໃນ ວັນທີ 22 ມິຖຸນາ 2012 ພາຍໃຕ້ການເປັນປະທານຂອງ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ.
ສສຊ ຫລາຍທ່ານຍົກຫລາຍປະເດັນເພື່ອໃຫ້ລັດຖະບານປັບປຸງ ແລະ ເຂັ້ມງວດຕໍ່ການຈັດເກັບລາຍຮັບເຂົ້າງົບປະມານລວມ ເຖິງດ້ານລາຍຈ່າຍ.
ໂດຍທ່ານ ວອນຄຳ ເພັດທະວົງ ສສຊ ປະຈຳເຂດເລືອກຕັ້ງ 3 ແຂວງຫລວງນ້ຳທາສະເຫນີ ວ່າ: ການຈັດເກັບລາຍຮັບຂອງລັດບາງບ່ອນຍັງມີຊ່ອງວ່າງການຮົ່ວໄຫລຂອງ ເງິນ ໂດຍສະເຫນີໃຫ້ລັດປັບປຸງຂອດການຈັດຕັ້ງປະຕິບັດຂັ້ນທ້ອງຖິ່ນ ໃຫ້ເຂັ້ມງວດຂຶ້ນ ພ້ອມນັ້ນຍັງສະເຫນີຄວນມີການຍົກເວັ້ນພາສີແກ່ບາງບໍລິສັດທີ່ ດຳເນີນທຸລະກິດ ຕິດພັນກັບການສົ່ງເສີມປະຊາຊົນຜະລິດກະສິກຳທີ່ຈະຊ່ວຍແກ້ໄຂ ຄວາມທຸກຍາກສຳລັບປະຊາຊົນທີ່ບໍ່ມີທຶນຮອນໃນການລົງທຶນ. ພ້ອມທີ່ສະເຫນີໃຫ້ເບິ່ງຄືນໃນດ້ານມູນຄ່າໂຄງການກໍ່ສ້າງລະຫວ່າງ ໂຄງການຂອງລັດ ແລະ ເອກະຊົນທີ່ຜ່ານມາ ເຫັນວ່າມີຄວາມແຕກຕ່າງກັນຫລາຍເປັນຕົ້ນແມ່ນໂຄງການຂອງລັດທີ່ສູງ ກວ່າຫລາຍເທົ່າ.
ສ່ວນທ່ານ ວິໄລສຸກ ພິມມະສອນ ສສຊ ເຂດເລືອກຕັ້ງທີ 9 ແຂວງຊຽງຂວາງສະເຫນີໃຫ້ລັດສຳຫລວດບັນດາໂຄງການທີ່ນັກລົງທຶນ ຈັບຈອງໄວ້ແກ່ເວລາຍາວຫລາຍປີແຕ່ບໍ່ລົງມືກໍ່ ສ້າງຄວນມີມາດຕະການລົງໂທດ; ຫ້າມການນຳເຂົ້າຢາຂ້າແມງໄມ້ ເພາະຢູ່ແຂວງຊຽງຂວາງມີຜູ້ໄດ້ຮັບຜົນກະທົບແລ້ວ ປະມານ 78 ລາຍ ພ້ອມໃຫ້ຈັດງົບພິເສດແກ່ທ້ອງຖິ່ນເພື່ອສ້າງ ສູນບຳບັດຜູ້ຕິດສິ່ງເສບຕິດ ເຊິ່ງຈະຫລຸດຜ່ອນຄ່າໃຊ້ຈ່າຍຂອງຜູ້ປົກຄອງລົງໄດ້.
ຂະນະທີ່ ທ່ານຜູ້ແທນສະມາຊິກສະພາເຂດເລືອກຕັ້ງທີ 8 ແຂວງຫົວພັນເຫັນວ່າ ເຖິງການເກັບລາຍຮັບຈະເພີ່ມຂຶ້ນກວ່າປີຜ່ານມາ ແຕ່ກໍ່ຍັງມີບາງຂະແຫນງການບໍ່ບັນລຸຕາມເປົ້າ ໂດຍສະເພາະແມ່ນຂະແຫນງພາສີທີ່ດິນ ເນື່ອງຈາກຂໍ້ມູນການເກັບກຳຕົວເລກຍັງບໍ່ລະອຽດ ຫລື ຈະແຈ້ງ ສະນັ້ນຈິ່ງຮຽກຮ້ອງໃຫ້ຝ່າຍລັດປັບປຸງ ແລະ ແກ້ໄຂຂອດນີ້ຢ່າງຈິງຈັງ ເພື່ອ ອັດຕັນການຮົ່ວໄຫລຂອງງົບປະມານໃນປີຕໍ່ໆໄປ.
ໂຄງການຂອງລັດ ແລະ ເອກະຊົນທີ່ຜ່ານມາ ເຫັນວ່າມີຄວາມແຕກຕ່າງກັນຫລາຍເປັນຕົ້ນແມ່ນໂຄງການຂອງລັດທີ່ສູງ ກວ່າຫລາຍເທົ່າ.
ໂຄງການກໍ່ສ້າງຂອງລັດສູງກວ່າຫລາຍເທົ້າ, ກໍເພາະວ່າພັກລັດ
ຫາແດກກິນນຳໂຄງການກໍ່ສ້າງຕ່າງໆ,
ຄຳສະເໜີຕ່າງໆກໍ່ບໍ່ຕ່າງຫຍັງກັບລົມພັດໂພນ ແລະຕໍ່ໃຫ້ພະຍຸລົມແຮງກໍ່ບໍ່ມີຕີງ. ຖ້າເວົ້າຖືກຕາມຄວາມຈິງພັດວ່າຖືກປະຕິການຊື້ຈ້າງ, ແນວຄິດການເມືອງບໍ່ໜັກແໜ້ນ ປົດຊັ້ນປົດຕຳແໜ່ງກັນອີກ.
ກົ້ມໜ້າກົມຕາທຳມາຫາກິນຕາມເຫື່ອແຮງມີເຖີດຄົນລາວ!
