ລາວໂຮມລາວ ເພື່ອປະຊາທິປະໄຕ

ທ່ານ ດຣ ວຽງທອງ ສີພັນດອນ ໄດ້ຮັບເລືອກເປັນປະທານອົງການກວດສອບແຫ່ງລັດ

 ໃນ​ວັນ​ທີ27​ມິຖຸນາ ກອງ​ປະຊຸມ​ສະ​ໄຫມ​ສາມັນ​ເທື່ອ​ທີ3​ຂອງ​ສະພາ​ແຫ່ງຊາດ​ຊຸດ​ທີ7  ​ ໄດ້​ເປັນ​ເອກະ​ພາບ​ປ່ອນ​ບັດ​ເລືອກ​ຕັ້ງທ່າ​ນດຣ. ວຽງ​ທອງ ສີ​ພັນ​ດອນ​ລັດຖະມົນຕີ​ຊ່ວຍ​ວ່າການ​ກະຊວງ​ການ​ເງິນ ​ເປັນ​ປະທານ​ອົງການ​ກວດ​ສອບ​ແຫ່ງ​ລັດ​ຜູ້​ໃຫມ່.

ທ່ານດຣ. ວຽງ​ທອງ ສີ​ພັນ​ດອນ ​ເປັນ​ຜູ້​ທີ່​ມີ​ມາດຕະຖານ​ຄົບ​ຖ້ວນ ​ຕາມ​ຄະນະ​ປະ​ຈໍາ​ສະພາ​ແຫ່ງ​ຊາດ​ວາງອອກ ຄື​ມີ​ທັດສະນະ​ຫລັກ​ຫມັ້ນການ​ເມືອງຫນັກ​ແຫນ້ນ, ປອດ​ໃສ​ຂາວ​ສະອາດ, ​ເປັນ​ເອກະ​ພາບ​ສູ​ງກັບ​ແນວ​ທາງ​ປ່ຽນ​ແປງ​ໃຫມ່​ຂອງ​ພັກ, ​ເປັນ​ຜູ້​ມີ​ຈິດ​ໃຈ​ຕື່ນ​ໂຕ​ເປັນ​ເຈົ້າ​ການ​ຮັບ​ໃຊ້​ຊາດ​ຮັບ​ໃຊ້​ປະຊາຊົນ ​ແລະ​ ມີ​ຄວາມ​ຍຸຕິ​ທໍາ.