ລາວໂຮມລາວ ເພື່ອປະຊາທິປະໄຕ

Anonymous wrote:

---

ປານີ/ທອງສິງ ປະ­ດັບ​ຫຼຽນ​ໄຊ​ໂຮ່​ຈິ​ມິນ​

ປະດັບຫຼຽນໄຊຂອງພັກ-ລັດຫວຽດນາມ ໃຫ້ແກ່ການນຳຂັ້ນສູງຂອງລາວ

ເນື່ອງ​ໃນ​ ໂອ­ກາດ​ສະ­ເຫຼີມ­ສະ­ຫຼອງ​ປີ​ສາ­ມັກ­ຄີ​ມິດ­ຕະ­ພາບ ລາວ-ຫວຽດ­ນາມ ປີ 2012 ຄື: ວັນ​ເຊັນ​ສົນ­ທິ­ສັນ­ຍາ​ມິດ­ຕະ­ພາບ ແລະ ການ​ຮ່ວມ​ມື ຄົບ­ຮອບ 35 ປີ ແລະ ວັນ​ສ້າງ­ຕັ້ງ​ສາຍ​ພົວ­ພັນ​ການ​ທູດ ຄົບ­ຮອບ 50 ປີ ທ່ານ ເລ​ຮ່ວງ​ແອງ ກຳ­ມະ­ການ​ກົມ​ການ­ເມືອງ ຜູ້​ປະ­ຈຳ­ການ​ຄະ­ນະ​ເລ­ຂາ­ທິ­ການ​ສູນ​ກາງ​ພັກ​ກອມ​ມູ​ນິດ​ຫວຽດ­ນາມ ຕາງ­ໜ້າ​ໃຫ້​ພັກ-ລັດ​ຫວຽດ­ນາມ ໄດ້​ໃຫ້​ກຽດ​ປະ­ດັບ​ຫຼຽນ​ໄຊ ເຊິ່ງ​ເປັນ​ຫຼຽນ​ສູງ​ສຸດ​ຂອງ​ພັກ-ລັດ​ຫວຽດ­ນາມ ໃຫ້​ແກ່​ການ​ນຳ​ພັກ-ລັດ​ຂັ້ນ​ສູງ​ຂອງ​ລາວ​ເຮົາ ຈຳ­ນວນ 10 ທ່ານ ຄື: ປະ­ດັບ​ຫຼຽນ​ໄຊ​ດາວ​ຄຳ​ໃຫ້​ທ່ານ ທອງ​ສິງ ທຳ​ມະ​ວົງ ກຳ­ມະ­ການ​ກົມ​ການ­ເມືອງ​ສູນ​ກາງ​ພັກ ນາ­ຍົກ­ລັດ­ຖະ­ມົນ­ຕີ ແລະ ທ່ານ​ນາງ ປາ­ນີ ຢາ​ທໍ່​ຕູ້ ກຳ­ມະ­ການ​ກົມ​ການ­ເມືອງ​ສູນ​ກາງ​ພັກ ປະ­ທານ​ສະ­ພາ​ແຫ່ງ​ຊາດ.

ປະ­ດັບ​ຫຼຽນ​ໄຊ​ໂຮ່​ຈິ​ມິນ​ໃຫ້​ທ່ານ ບຸນ​ທອງ ຈິດ​ມະ­ນີ ກຳ­ມະ­ການ​ກົມ​ການ­ເມືອງ​ສູນ​ກາງ​ພັກ ເລ­ຂາ­ທິ­ການ​ສູນ​ກາງ​ພັກ ຫົວ­ໜ້າ​ຄະ­ນະ​ກວດ­ກາ​ສູນ​ກາງ​ພັກ ປະ­ທານ​ອົງ­ການ​ກວດ​ສອບ​ແຫ່ງ​ລັດ ທ່ານ ບຸນ​ປອນ ບຸດ​ຕະ​ນະ​ວົງ ກຳ­ມະ­ການ​ກົມ​ການ­ເມືອງ​ສູນ​ກາງ​ພັກ ເລ­ຂາ­ທິ­ການ​ສູນ​ກາງ​ພັກ ຫົວ­ໜ້າ​ຫ້ອງ​ວ່າ­ການ​ສູນ​ກາງ​ພັກ ແລະ ທ່ານ ດຣ. ພັນ​ຄຳ ວິ­ພາ​ວັນ ກຳ­ມະ­ການ​ກົມ​ການ­ເມືອງ​ສູນ​ກາງ​ພັກ ລັດ­ຖະ­ມົນ­ຕີ​ວ່າ­ການ​ກະ­ຊວງ​ສຶກ​ສາ​ທິ​ການ-ກີ­ລາ ແລະ ປະ­ດັບ​ຫຼຽນ​ໄຊ​ເອ­ກະ­ລາດ​ໃຫ້​ທ່ານ ດຣ. ທອງ​ບັນ ແສງ​ອາ­ພອນ ເລ­ຂາ­ທິ­ການ​ສູນ​ກາງ​ພັກ ລັດ­ຖະ­ມົນ­ຕີ​ວ່າ­ການ ກະ­ຊວງ​ປ້ອງ​ກັນ​ຄວາມ​ສະ­ຫງົບ ທ່ານ ຈັນ​ສີ ໂພ​ສີ­ຄຳ ເລ­ຂາ­ທິ­ການ​ສູນ​ກາງ​ພັກ ຫົວ­ໜ້າ​ຄະ­ນະ​ຈັດ​ຕັ້ງ​ສູນ​ກາງ​ພັກ ທ່ານ ສຸ​ກັນ ມະ­ຫາ­ລາດ ເລ­ຂາ­ທິ­ການ​ສູນ​ກາງ​ພັກ ເລ­ຂາ​ຄະ­ນະ​ພັກ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ທ່ານ ແສງ​ນວນ ໄຊ​ຍະ​ລາດ ເລ­ຂາ­ທິ­ການ​ສູນ​ກາງ​ພັກ ລັດ­ຖະ­ມົນ­ຕີ​ຊ່ວຍ​ວ່າ ການ​ກະ­ຊວງ​ປ້ອງ​ກັນ​ປະ­ເທດ ຫົວ­ໜ້າ​ກົມ​ໃຫຍ່​ການ­ເມືອງ​ກອງ­ທັບ ແລະ ທ່ານ ເຈືອງ ສົມ­ບູນ​ຂັນ ເລ­ຂາ­ທິ­ການ​ສູນ​ກາງ​ພັກ ຫົວ­ໜ້າ​ຄະ­ນະ​ໂຄ­ສະ­ນາ​ອົບ­ຮົມ​ສູນ​ກາງ​ພັກ.

ບັນ­ດາ​ທ່ານ​ການ​ນຳ​ ຂັ້ນ​ສູງ​ພັກ-ລັດ​ລາວ ທີ່​ໄດ້​ຮັບ​ລາ­ງວັນ​ອັນ​ສູງ​ສົ່ງ​ຂອງ​ພັກ-ລັດ​ຫວຽດ­ນາມ​ຄັ້ງ​ນີ້ ເປັນ​ບຸກ­ຄົນ​ທີ່​ມີ​ຜົນ­ງານ​ດີ­ເດັ່ນ​ໃນ​ການ​ປະ­ກອບ­ສ່ວນ ເຂົ້າ​ໃນ​ການ​ປັບ­ປຸງ​ເພີ່ມ​ພູນ​ຄູນ​ສ້າງ​ຄວາມ​ສາ­ມັກ­ຄີ​ພິ­ເສດ ແລະ ການ​ຮ່ວມ​ມື​ຮອບ­ດ້ານ​ລະ­ຫວ່າງ ຫວຽດ­ນາມ-ລາວ ແລະ ລາວ-ຫວຽດ­ນາມ ທີ່​ມີ​ຊີ­ວິດ​ຊີ­ວາ.

ພິ­ທີ​ປະ­ດັບ​ຫຼຽນ​ໄຊ​ຄັ້ງ​ນີ້ ໄດ້​ຈັດ​ຂຶ້ນ​ວັນ​ທີ 18 ກໍ­ລະ­ກົດ 2012 ທີ່​ຫ້ອງ​ວ່າ­ການ​ລັດ­ຖະ­ບານ ນະ­ຄອນ­ຫຼວງ​ວຽງ​ຈັນ ມີ​ບັນ­ດາ​ການ​ນຳ​ຂັ້ນ​ສູງ​ຂອງ​ລາວ ແລະ ຄະ­ນະ​ຜູ້​ແທນ​ຫວຽດ­ນາມ​ເຂົ້າ​ຮ່ວມ.

---