ລາວໂຮມລາວ ເພື່ອປະຊາທິປະໄຕ

ຖ້າຜູ້ນຳສະຫລາດພໍ ຜູ້ຕາມກໍມີຄວາມສຸກ

ມື້ວານນີ້ໄດ້ລົມກັບຄົນຜູ້ຫນຶ່ງລາວວ່າ ປະເທດລາວເປັນປະເທດທີ່ກຳລັງພັດທະນາ ແລະຖ້າລັດຖະບານສະຫລາດພໍ ກໍຈະໄດ້ປຽບທຸກຢ່າງ

ເພາະວ່າເຫັນຕົວຢ່າງການພັດທະນາຂອງປະເທດຕ່າງໆມາແລ້ວວ່າມັນດີ ຫລືບໍ່ດີແນວໃດ ແຕ່ຖ້າບໍ່ພັດທະນາມີແຕ່ສວຍໃຊ້ໂອກາດທີ່ປະຊາຊົນຕາດຳໆບໍ່ຮູ້ນີ້

ໂກຍຜົນປະໂຫຍດເຂົ້າຕົວເອງ ແນ່ນອນປະເທດດ້ວຍພັດທະນາແນ່ ອີກຢ່າງລາວບອກວ່າປະຊາຊົນລາວຍັງຢ້ານລັດຖະບານ ລັດບອກເຮັດຫຍັງເຮັດຫມົດ

ຖ້າລັດສະຫລາດ ຫວັງເຮັດແຕ່ແນວດີ ບອກປະຊາຊົນປະຕິບັດເຂົາກໍເຮັດຕາມ ປະເທດກໍຈະເລີນໄວ ແຕ່ຖ້າລັດບາງຄົນຫວັງເອົາຜົນປະໂຫຍດ ບອກປະຊາຊົນ

ເຮັດຫຍັງເຂົາກໍເຮັດຕາມຄືືກັນ ສະນັ້ນເຫລືອແຕ່ຜູ້ສະຫລາດເທົ່ານັ້ນທີ່ຈະຮູ້ຈັກໄຈ້ແຍກ ອີກຢ່າງຖ້າເຮົາຢູູ່ໃນປະເທດຈະບໍ່ຮູ້ຊັດເຈນວ່າປະເທດເຮົາເປັນແນວໃດ

ແຕ່ຖ້າຢູ່ຕ່າງປະເທດຈະເບີ່ງເຫັນຊັດເຈນກ່ວາ ເຫມືອນກັບການທີ່ເຮົາຢູ່ໃກ້ກຳແພງເຮົາຕັນ ບໍ່ເຫັນຫຍັງ ແຕ່ຖ້າເຮົາຖອຍອອກມາຢູ່ໄກກຳແພງອີກສອງສາມກ້າວ

ເຮົາຈະຄິດໄດ້ວ່າເຮົາຈະຜ່ານກຳແພງໄປໄດ້ແນວໃດ ຫລືວ່າງ່າຍໆກໍຄື ເຮົາຈະຮູ້ຈະເຫັນຈະມອງທາງອອກໄດ້ຊັດເຈນກ່ວາ