ຊາວລາວ ໃນແຂວງ ບໍຣິຄໍາໄຊ ເວົ້າວ່າ ຣັຖບານ ອອກດໍາຣັດ ຫ້າມຕັດໄມ້ ແຕ່ກໍຍັງມີ ກຸ່ມຄົນ ທີ່ທັງຕັດ ທັງຂົນໄມ້ ອອກໄປທາງ ວຽດນາມ ຢູ່ບໍ່ຂາດ
ເຫດການ ທີ່ໜ້າເສົ້າໃຈ ທີ່ສຸດ ແລະ ກໍພົບເຫັນ ເລື້ອຍໆ ຢູ່ໃນລາວ ແມ່ນການລັກ ຕັດໄມ້ ຂົນອອກໄປ ວຽດນາມ. ໃນອາທິດ ຜ່ານມາ ຊາວລາວ ທີ່ເຮັດວຽກ ໃນແຂວງ ບໍຣິຄໍາໄຊ ໄດ້ພົບເຫັນ ຣົດບັນທຸກໄມ້ 3-4 ຄັນ ກໍາລັງແກ່ໄມ້ ທີ່ຊອຍແລ້ວ ມຸ້ງໜ້າໄປສູ່ ຊາຍແດນ ເພື່ອໄປຫາ ໂຮງງານ ແປຮູບໄມ້ ຢູ່ວຽດນາມ.
ເລົາວເວົ້າວ່າ ບໍ່ຮູ້ແນ່ວ່າ ໄມ້ນັ້ນຂົນມາ ແຕ່ຈຸດໃດ ເຫັນແຕ່ວ່າ ກໍາລັງຂົນ ອອກໄປວຽດນາມ ເລົາເອງ ກໍແປກໃຈ ວ່າຣັຖບານ ໄດ້ອອກດໍາຣັດ ຫ້າມບໍ່ໃຫ້ ມີການຕັດໄມ້ ແຕ່ກໍຍັງມີ ກຸ່ມຄົນຕັດໄມ້ ສົ່ງອອກໄປ ຂາຍຢູ່ຄືເກົ່າ. ເລົາເວົ້າວ່າ:
"ຣັຖບານມີດໍາຣັດ ອອກມາ ໃຫ້ຍຸຕິ ການຕັດໄມ້ ແຕ່ວ່າລົງໄປ ຢູ່ເຫັນຣົຖໄມ້ ປະມານ 3-4 ຄັນ ລົງອອກທາງ ວຽດນາມ ຢູ່ແຖວທົ່ງງາມ ແຂວງ ບໍຣິຄໍາໄຊ".
ເລົາເວົ້າອີກວ່າ ໄມ້ທີ່ເຂົາຂົນ ອອກໄປວຽດນາມ ລ້ວນແລ້ວແຕ່ ເປັນໄມ້ ເນື້ອແຂງ ຂນາດໃຫ່ຽ ຊອຍເປືອກ ອອກໝົດແລ້ວ ແລະ ເລື່ອຍເປັນຖ່ອນ ໃຫ່ຽໆ. ຜູ້ໃດເຫັນ ກໍເວົ້າວ່າ ເປັນໜ້າເສົ້າໃຈ ທີ່ບໍ່ມີ ຜູ້ໃດ ເຮັດຫຍັງໄດ້.
ກ່ຽວກັບເຣື້ອງນີ້ ຊາວລາວ ອີກຄົນນື່ງ ເວົ້າວ່າ ການຂົນໄມ້ອອກ ໄປວຽດນາມ ບໍ່ແມ່ນເຣື້ອງ ລັບໆລີ້ໆ ຕັ້ງແຕ່ໃດໆມາ ເນື່ອງຈາກ ຜູ້ມີອໍານາດ ເປັນຜູ້ ດໍາເນີນການເອງ:
"ເຂົາເວົ້າ ແຕ່ເຂົາເຮັດເອງ ເຂົາເຊັນເອງ ເຂົາອານຸຍາດ ເຄື່ອນໄມ້ ອອກນອກ ປະເທດລາວ ໄປເຖິງວຽດນາມ. ເຂົາກໍບອກວ່າ ຫ້າມແລ້ວ ໂຈະ ຍຸຕິ ແຕ່ວ່າເຂົາ ຍັງທໍາຢູ່. ເຂົາບ່ອນນີ້ ໝາຍເຖິງ ຜູ້ຫລັກຜູ້ໃຫ່ຽ ຂອງບ້ານເມືອງ. ຖ້າເຂົາບໍ່ເຮັດ ຍາດພີ່ນ້ອງ ຂອງເຂົາເຮັດ ໂດຍເຂົາຢູ່ ເບື້ອງຫລັງ ອໍານວຍ ຄວາມສະດວກ".
ອົງການ ປະເມີນ ຜົນສະທ້ອນ ຕໍ່ສິ່ງແລດລ້ອມ EAI ໃນເອເຊັຽ ຕະເວັນອອກ ສ່ຽງໃຕ້ ຣາຍງານວ່າ ຕລອດປີຜ່ານມາ ຈໍານວນໄມ້ ທີ່ສົ່ງອອກ ຈາກລາວ ໄປວຽດນາມ ຕາມຈຸດຕ່າງໆ ຂອງຊາຍແດນ ລາວ-ວຽດນາມ ມີເຖິງ 450,000 m3. ໄມ້ຈໍານວນ ດັ່ງກ່າວ ແມ່ນສົ່ງໄປຂາຍຕໍ່ ໃນໂຮງເລື່ອຍໄມ້ ແລະ ໂຮງງານ ເຮັດເຄື່ອງເຮືອນ ເຮັດໃຫ້ວຽດນາມ ມີຣາຍໄດ້ ຈາກການຂາຍ ເຄື່ອງເຮືອນ ເຖິງ $2,400 ລ້ານ.
ນີ້ລະຄືສັນດານຊົ່ວຊ້າສາມານຂອງກຸ່ມຂາຍຊາດຂາຍສັບສົມບັດຂອງປະຊາຊົນຂອງ ບັກຂາຍຊາດ ບັກ ແຈ້ງ ກັບບັກ ໂຈນຍັກຍອກເງິນໄປສະນີ ຄຳໄຕ.
