ອົງການ ສີ້ງຊອມ ດ້ານ ສິດທິມະນຸດ ຮຽກຮ້ອງ ໃຫ້ ທາງການລາວ ສືບສວນ ການຫາຍ ສາບສູນ ຂອງ ນັກເຄື່ອນໄຫວ ຄົນສຳຄັນ ຂອງລາວ
ໃນວັນທີ 20 ທັນວາ 2012 ອົງການ ສິ້ງຊອມ ດ້ານສິດທິມະນຸດ ໄດ້ອອກ ຖແລງການ ຮຽກຮ້ອງໃຫ້ ຣັຖບານລາວ ສືບສວນ ການຫາຍສາບສູນ ຂອງ ນັກເຄື່ອນໄຫວ ຄົນສຳຄັນ ໃນລາວ ທ່ານ ສົມບັດ ສົມພອນ ຢ່າງຮິບດ່ວນ ໂດຍເວົ້າວ່າ ທາງການລາວ ຄວນສືບສວນ ກ່ຽວກັບ ການບີບບັງຄັບ ການຫາຍໂຕ ຢ່າງຫນ້າຢ້ານກົວ ຂອງນັກເຄື່ອນໄຫວ ທາງດ້ານສັງຄົມ ຄົນສຳຄັນ ຂອງລາວ ທ່ານ ສົມບັດ ສົມພອນ ໃນວັນທີ 15 ທັນວາ 2012 ທີ່ນະຄອນຫລວງ ວຽງຈັນ.
ອິງຕາມ ຄວາມບໍ່ ກະຈ່າງແຈ້ງ ໃນເຫດການ ດັ່ງກ່າວ ໃນນັ້ນ ຮ່ວມດ້ວຍຮູບພາບ ໃນກ້ອງ ວົງຈອນປິດ ທີ່ສະແດງໃຫ້ ເຫັນວ່າ ເຈົ້າຫນ້າທີ່ ລາວໄດ້ນຳໂຕ ທ່ານ ສົມບັດ ເຂົ້າໄປ ໃນການຄອບຄອງ ທີ່ສະຖານີ ຕຳຣວດ ແຮ່ງສ້າງ ຄວາມກັງວົນ ກ່ຽວກັບ ຄວາມປອດພັຍ ຂອງທ່່ານ.
ທ່ານ Brad Adams ຜູ້ບໍຣິຫານ ອົງການ ສິ້ງຊອມ ດ້ານສິດທິມະນຸດ ປະຈຳ ຂົງເຂດ ເອເຊັຽ ກ່່າວວ່າ ທາງການລາວ ຕ້ອງເປີດເຜີຍ ບ່ອນກັກໂຕ ທ່ານສົມບັດ ແລະ ປ່ອຍທ່ານ ໂດຍດ່ວນ ເຈົ້າຫນ້າທີ່ລາວ ຕ້ອງໄສສະອາດ ກ່ຽວກັບ ການບີບບັງຄັບ ການຫາຍສາບສູນ ຂອງຫົວຫນ້າ ນັກເຄື່ອນໄຫວ ທາງສັງຄົມ ຂອງລາວ ຄົນສຳຄັນ ຜູ້ນີ້ ຢ່າງຮິບດ່ວນ ແລະ ເລີ້ມບາດກ້າວ ແກ້ໄຂບັນຫາ ຄວາມຢ້ານກົວ ທີ່ ເກີດຈາກ ການຈັບກຸມທ່ານ.
ອົງການສິ້ງຊອມ ດ້ານ ສິດທິມະນຸດ ເປັນຫ່ວງຢ້ານວ່່າ ທ່ານ ສົມພອນ ຈະຖືກທຳຮ້າຍ ຮ່າງກາຍ ແລະ ປະຕິບັດ ຕໍ່ທ່ານ ແບບບໍ່ຊອບທັມ ຖ້າທ່ານ ຖືກນຳໄປ ກັກໂຕຢູ່ໃນ ການຄອບຄອງ ຂອງເຈົ້າຫນ້່າທີ່ ຮັກສາ ຄວາມປອດພັຍ ຂອງລາວ.
ທ່ານສົມບັດ ສົມພອນ ໄດ້ຫາຍໄປ ໃນມື້ວັນເສົາ ທີ່ຜ່ານມາ ຫລັງຈາກຣົຖ ຂອງທ່ານ ຖືກສັ່ງໃຫ້ຢຸດ ໂດຍເຈົ້າຫນ້າທີ່ ຕຳຣວດ ໃນເວລາກັບບ້ານ ຫລັງຈາກ ອອກຈາກ ຫ້ອງການ.
