ໜ້າເສົ້າ..ລັດຖະບານຮັບເອົານັກຮຽນເຂົ້າສຶກສາຕໍ່ທີ່ ມ.ຊ ແຫ່ງຊາດແຕ່ບໍ່ມີແຜນຮອງຮັບບ່ອນພັກເຊົາ
ເປັນເລື້ອງໜ້າເສົ້າ ແລະ ຫາຄຳຕອບໃຫ້ແກ່ສັງຄົມຍາກທີ່ສຸດຕໍ່ການຮັບເອົານັກສຶກສາເພື່ອເຂົ້າສຶກສາ
ທີ່ມະຫາວິທະຍາໄລແຫ່ງຊາດເປັນຈຳນວນຫຼວງຫຼາຍໃນຂອບເຂດທົ່ວປະເທດ ແຕ່ບໍ່ມີແຜນຮອງຮັບບ່ອນພັກເຊົາ
ໃຫ້ແກ່ນັກສຶກສາທີ່ມາຈາກຕ່າງແຂວງ. ໃນຊ່ວງສອງສາມມື້ທີ່ຜ່ານມາມີນັກສຶກສາທີ່ເດີນທາງຈາກພາກເໜືອ
ຂອງລາວເພື່ອເຂົ້າມາສຶກສາທີ່ ມ.ຊ ທີ່ກ່າວມາ ແຕ່ພໍໄປຮອດກັບພົບວ່າຫໍພັກເຕັມແລ້ວ(ຕາມການລາຍງານຂອງ
ຄະນະຮັບຜິດຊອບຂອງ ມ.ຊ ) ບໍ່ຮູ້ວ່າເລື້ອງນີ້ມີຈີງຫຼືບໍ່ ແຕ່ຖ້າຫາກມີຈີງແທ້ເປັນຫຍັງທາງ ມ.ຊ ກໍ່ຄື
ທາງລັດຖະບານຈື່ງບໍ່ມີແຜນຮອງຮັບໄວ້ລ່ວງໜ້າ ທັ້ງໆທີ່ຮູ້ວ່າຈຳນວນຈຳນວນນັກສຶກສາທີ່ຈະເຂົ້າມາສຶກສາ
ຢູ່ທີ່ ມ.ຊ ແຫ່ງນີ້ມີຕົວເລກຈາກທົ່ວປະເທດແຈ້ງມາລ່ວງໜ້າແລ້ວ ຄວາມຈີງຂ້າພະເຈົ້າກໍ່ບໍ່ຢາກຍົກປະ
ເດັນນີ້ຂື້ນມາເວົ້າປານໃດດອກ ແຕ່ວ່າກໍ່ອົດຄິດບໍ່ໄດ້ເນື່ອງຈາກວ່ານັກສາສາສ່ວນທີ່ໄປນັ້ນກໍ່ລ້ວນ
ແຕ່ແມ່ນລູກຊາວໄຮນາ ບໍ່ມີຍາດຕິພີ່ນ້ອງຢູ່ວຽງຈັນພໍທີ່ຈະເປັນບ່ອນເພີ່ງພາອາໄສໄດ້ ແຕ່ວ່າສົ່ງເຂົາ
ເຈົ້າມາແລ້ວກໍ່ເອົາມາຖີ້ມໄວ້ເລີຍໂດຍທີ່ບໍ່ສົນໃຈໃຍດີຕໍ່ເຂົາເຈົ້າ ເຫັນເຮືອນຂ້າງໆຜູ້ເປັນແມ່ເຖີງ
ກັບນ້ຳຕາຫຼັ່ງເມື່ອໄດ້ງິນລູກໂທມາວ່າ: ຊອກຫາບ່ອນພັກບໍ່ໄດ້ຕັ້ງແຕ່ມື້ມາຮອດ ເງິນທີ່ແມ່ໃຫ້ມາໃກ້
ຈະໝົດເພາະຕ້ອງໄດ້ຈ່າຍຄ່າພັກເຊົາບ້ານພັກທຸກມື້ ທີ່ເດັດໄປກວ່ານັ້ນທາງຄະນະຮັບຜິດຊອບຂອງ ມ.ຊ ອອກມາ
ກ່າວວ່າ: ຖ້າຕ້ອງການບ່ອນພັກເຊົາທາງ ມ.ຊ ສາມາດຈັດໃຫ້ໄດ້ໂດຍຮູບແບບການເຊົ່າໂດຍແມ່ນເອົາເຮືອນພັກຮັບ
ຮອງນັກກິລາຊີເກມເປັນບ່ອນພັກເຊົາມີຄ່າເຊົ່າຕົກປີໜື່ງແມ່ນ 880,000 ກີບຕໍ່ຄົນ, ແຖມການເຂົ້າໄປອາ
ໄສຢູ່ສະຖານທີ່ດັ່ງກ່າວຍັງຕ້ອງປະຕິບັດກົດເຫຼັກທີ່ເພິ່ນວາງອອກຕື່ມອີກເຊັ່ນວ່າ: ຫ້າມນຳເຄື່ອງໃຊ້
ໄຟຟ້າທຸກຊະນິດເຂົ້າໄປໃຊ້ ຕໍ່ກັບກົດນີ້ຂ້າພະເຈົ້າຢາກຂໍຖາມຜູ້ຮັບຜິດຊອບຄືນວ່າ ນັກສຶກສາເລົ່ານັ້ນ
ກິນຖ່ານໄຟສາຍຕາງເຂົ້າໄດ້ຫວ໋ະ? ແລະ ອີກບັນຫາໜື່ງເງິນທີ່ເກັບໄດ້ຈາກການເຂົ້າພັກເຊົາຂອງນັກສຶກສາ
880,000 ກີບນັ້ນ ເອົາໄປໃສ? ເອົາເຂົ້າຖົງຜູ້ຮັບຜິດຊອບຫຼືເອົາເຂົ້າງົບປະມານລັດ ຄັນເອົາເຂົ້າງົບປະມານລັດ
ເປັນຫຍັງຈື່ງບໍ່ເອົາເງິນດັ່ງກ່າວມາສ້າງຫໍພັກໄວ້ຮອງຮັບນັກສຶກສາ ເງິນ 880,000ກີບ ມັນເລັກນ້ອຍສຳລັບ
ຄົນມີ ແຕ່ສຳລັບນັກສາທີ່ມາຈາກຕ່າງແຂວງແລ້ວຖືວ່າເປັນເລື້ອງໃຫ່ຍ ເພາະກ່ອນອອກບ້ານມາພໍ່ແມ່ນບາງຄົນ
ເຖີງກັບເຂາະຂອດຖົງໄຖ່ຫຼືຂາຍໄຮ່ຂາຍນາກໍ່ມີເພື່ອໃຫ້ລູກໂຕເອກມີໂອກາດມາສືກສາເອົາຄວາມຮູ້ໃສ່ຕົວ
ເພື່ອຈະໄດ້ເປັນກ້ອນກຳລັງແຮງຂອງຊາດໃນຕໍ່ໜ້າ ດັ່ງນັ້ນນັກສຶກສາຫຼາຍຄົນຈື່ງຍອມຈ່າຍເຊີ່ງດີກວ່າຈະ
ໄປນອນຂ້າງຖະໜົນຄືດັ່ງມື້ທຳອິດທີ່ມາຮອດທັ້ງໆທີ່ວ່າຕົນເອງກໍ່ໄດ້ທຶນລັດມາຮຽນແທ໊ໆ
ຕໍ່ກັບບັນຫານີ້ຢາກຝາກໄປໃຫ້ຜູ້ທີ່ມີສ່ວນກ່ຽວຂ້ອງກໍ່ຄືທາງລັດຖະບານອອກມາເບີ່ງແຍງແລະແກ້ໄຂບັນ
ຫາດັ່ງກ່າວນີ້ໃຫ້ດີຂື້ນກວ່ານີ້ອີກຕື່ມແດ່ເພາະເຊື່ອແນ່ວ່າຍັງມີນັກສາຫຼາຍໆຄົນທີ່ມາຈາກຫຼາຍໆ
ແຂວງກໍ່ໄດ້ຮັບຜົນກະທົບຄືກັນ.
ລະບົບການສຶກສາແບບນີ້ຫວະ ?ອວດເກ່ງອວດສະຫຼາດຊິເຂົ້າໄປຮ່ວມວົງສາຄານະຍາດຮ່ວມກັບປະຊາຄົມອາຊຽນ
ບັກທອງສິງມັນກາເວົ້າເຕັມປາກມັນລະເດ້ ວ່າບັນດາສະມາຊິກກຸ່ມອາຊຽນແຕ່ລະປະເທດມັນມີລະດັບຄວາມແຕກໂຕນກັນ
ທັ້ງໆທີ່ມັນຮູ້ຈັກດີ ມັນກາຍັງບໍ່ມີການຕຽມຕົວຫຍັງໝົດ ,ພວກນີ້ມັນຍ້ອນໝູເດີ້ !ເບີ່ງຄັກໆໂລດ,ສຸດທ້າຍກາອອກມາສະແດງ
ລະຄອນຕົບຕາປຊຊເຖີງຄວາມສໍາເຣັດຄວາມສາມາດຂອງພັກຂອງລັດ,ຄືແທ້ໆ ! ພວກສັດ ...ພວກປ່າ !
ອ່ານແລ້ວນ້ໍາຕາຊິໄຫຼ ເຄີຍເຈີະກັບໂຕເອງສະໄໝເຂົ້າມາຮຽນ ມຊ ໃໝ່ໆ 2004. ຂະເຈົ້າເອົາມາປ່ອຍໄວ້ໜ້າ ມຊ ແລ້ວກະຈາກໄປ. ໄປພົວພັນກັບຫ້ອງການກິດຈະກໍານັກສຶກສາເພື່ອຫາຫໍພັກ ເມື່ອໄປພົວພັນແລ້ວເພີ່ນບອກວ່າໃຫ້ໄປຊອກຫໍພັກບ່ອນຫວ່າງແລ້ວມາບອກເພິ່ນ (ໄດ້ສິດທິດແນ່ນ້ອຍນື່ງຍ້ອນເປັນນັກຮຽນໃນແຜນ). ແຕ່ກະໂຊກດີທີ່ໄປພໍ້ຫໍພັກທີ່ມີຫ້ອງວ່າງສໍາລັບຂ້ອຍເອງແລະໝູ່ອີກ 6 ຄົນທີ່ມານໍາກັນ (ຈາກແຂວງເຊກອງ). ຫຼັງຈາກໄດ້ທີ່ຢູ່ແລ້ວ ຂ້ອຍກໍກັບມາຄິດຄືນວ່າ: ຖ້າເຮົາຫາຫ້ອງວ່າງບໍ່ໄດ້ເດ ຊີວິດຊິເປັນແນວໃດ, ກະຄືດັ່ງທີ່ຜູ້ຕັ້ງກະທຸເວົ້າມາຫັ້ນແລວ່າມີເງິນມາບໍ່ຮອດຫ້າແສນຕອນນັ້ນ. ເດັກນ້ອຍບ້ານນອກ ຄອບຄົວທຸກຍາກ ມັນບໍ່ມີທາງເລືອກຫຍັງຫຼາຍດອກ
ຂະໜາດນ້ອງຂ້ອຍມີລາຍຊື່ຕິດໃນມຊກໍ່ຍັງບໍ່ໄດ້ເຂົ້າຮຽນຈັກມັນພາກັນເຮັດຫຍັງຢູ່
ກໍຍ້ອນຄະນະລັດຖະບານແລະຜູ້ນຳປະເທດ ຮອດປະທານປະເທດ ບໍ່ມີຣະດັບການສຶກສາ
ເລີຍບໍ່ຮູ້ຈະວາງແຜນລ່ວງໜ້າເອົາໄວ້ເພື່ອສ້າງຄວາມສະດວກໃຫ້ນັກສຶກສາທີ່ມາແຕ່ຕ່າງ
ແຂວງໃຫ້ມີທີ່ພັກພາອາໄສໃນເວລາທີ່ລູກຫລານນັກສຶກສາເຫຼົ່ານັ້ນມາເຖິງ. ຜູ້ຂ້າກໍມີລູກ
ຫຼານທີ່ເປັນນັກສຶກສາມາແຕ່ຕ່າງແຂວງທີ່ມາຮຽນຢູ່ ມ ຊ ໃນປີ 2002 ແລະກໍມາພົບບັນ
ຫາແບບດຽວກັນນີ້ລະ. ນ້ອງຊາຍຜູ້ຂ້າໂທຣະສັບຫາວ່າຢາກໃຫ້ຊ່ອຍອອກເງິນຄ່າເຊົ່າຫ້ອງ
ແຖວໃຫ້ຫຼານໆພັກຊຳຊາພັກລັດມີຫໍພັກໃຫ້ຢູ່. ຖ້າວ່າມີແຕ່ຫຼານໆໂຕເອງກໍບໍ່ມີບັນຫາແຕ່
ມີໝູ່ທີ່ມາແຕ່ແຂວງດຽວກັນອີກ 4 ຄົນ, ແຕ່ກໍໜ້າສົງສານຈຶ່ງສົ່ງເງິນໃຫ້ນ້ອງຊາຍຕາມ
ຈຳນວນທີ່ໝໍຮ້ອງຂໍມາ. ຜູ້ຂ້າຢູ່ຕ່າງປະເທດບໍ່ສາມາດຈະຫວິ່ງເຕັ້ນຫຍັງໄດ້ ມີແຕ່ແນະນຳ
ວິທີແລະສອ່ງທາງໃຫ້ນ້ອງຊາຍເຂົ້າຫາຜູ້ຫຼັກຜູ້ໃຫຍ່ທີ່ເປັນພີ່ໆນ້ອງໆໃນກະຊວງສຶກສາ. ຕໍ່
ມາບໍ່ພໍເດືອນກໍມີຫໍພັກຫວ່າງໃຫ້ລູກຫລານຜູ້ຂ້າໄດ້ພັກ.
ຫໍພັກກໍມີພໍສຳຫລັບນັກສຶກສາແຕ່ລະປີຢູ່ແລ້ວ ແຕ່ສັນດານຊົ່ວຂອງຜູ້ມີອຳນາດບາດໃຫຍ່
ຢູ່ໂຕເມືອງວຽງຈັນນັ້ນມັນເອົາລູກເອົາຫຼານພວກມັນໄປພັກໄປອາໄສຢູ່ຫໍພັກສຳຫລັບໃຫ້ນັກ
ສຶກສາມາແຕ່ຕ່າງແຂວງ. ອັນຫໍພັກຂອງນັກສຶກສາທຸກໆສະຖາບັນການສຶກສາແມ່ນລັດຖະ
ບານສ້າງໄວ້ສຳຫຼັບນັກສຶກສາຕ່າງແຂວງແລະຜູ້ທີ່ຍາກຈົນ ບໍ່ແມ່ນສ້າງເພື່ອຜູ້ເປັນລູກຫຼານ
ແລະພີ່ນ້ອງຂອງຜູ້ທີ່ມີອຳນາດບາດໃຫຍ່. ອັນນີ້ລະທີ່ເປັນຕົ້ນເຫດທີ່ບໍ່ມີຫໍພັກສຳຫຼັບນັກສຶກ
ສາຕ່າງແຂວງ ເພາະມັນມີການ ຄໍຣັປຊັນ ເກີດຂຶ້ນ.
ໜ້າເຫັນໃຈຄວາມຮູ້ສຶກຂອງພວກນ້ອງໆທີ່ກ້າເວົ້າຄວາມຈິງ,ດີແລ້ວທີ່ຍັງມີຄວາມສະລາດພໍໂຕສາມາດແກ້ບັນຫາຂອງໂຕເອງໄດ້
ເວົ້າແລ້ວກໍໜ້າສົງສານແລະເຫັນໃຈພວກເຈົ້າຫຼາຍທີ່ຕົກຢູ່ໃນຊາຕາກັມແບບນີ້!ແນວນີ້ພວກເຮົາກໍຍັງພໍລົມກັນຮູ້ເລື້ອງພໍເຂົ້າໃຈ
ບັນຫານໍາກັນເນາະ !ຂ້ອຍເອງຕອນນັ້ນເປັນນັກສຶກສາຢູ່ອຸດົມວຽງຈັນປີ1,1978 ຂ້ອຍບໍ່ຮູ້ຂີ້ໝາປາແດກເລື້ອງວຽກບ້ານການເມືອງ
ອີ່ຫຍັງຈັກໜ້ອຍເລີຍ ,ເຮັດແນວໃດຈື່ງຫາເລື້ອງໃສ່ຂ້ອຍວ່າຂ້ອຍເຄື່ອນໄຫວໃຕ້ດິນໃຫ້ພວກປະຕິການວ່າຊັ້ນ !ຈັບຂ້ອຍໄປດອນທ້າວ
ດອນາງ1ປີກັບ10ເດືອນ,ອານາຄົດຂ້ອຍຕົກເລກ0ກັບບາດເລີຍ ເຮັດຫຍັງກາເລີຍກາຍເປັນຄົນມີປະຫວັດດ່າງພ້ອຍກັບຄໍາວ່າເຄີຍຜ່ານ
ສູນດັດສ້າງຕິດພັຍສັງຄົມ !ສັງຄົມເບີ່ງຂ້ອຍແບບຕໍ່າໆ!ດຽວນີ້ຂ້ອຍແລະຄອບຄົວຢູ່ດີສະບາຍແລ້ວ ໝົດພາລະຕ້ອງແບກຫາບໜັກແລ້ວ
ຈາກນີ້ໄປຂ້ອຍໃນຖານະເປັນຄົນລາວເຈົ້າຂອງປະເທດ100% ຂ້ອຍຈະອຸທິດຊີວິດຕົນໃຫ້ກັບປະເທດຊາດຢືນຢູ່ຄຽງບ່າຄຽງໄລ່ກັບປຊຊລາວ
ທໍາການຕໍ່ສູ້ແບບບໍ່ມີຄໍາວ່າເກງກົວຕໍ່ສັດຕຣູຂອງຊາດ,ຂ້ອຍມີຄວາມໝັ້ນໃຈວ່າການຕໍ່ສູ້ທີ່ຂ້ອຍເຮັດຢູ່ໃນເວລານີ້ຈະຕ້ອງສໍາເຣັດແນ່ນອນ
ເວລານີ້ຂ້ອຍໄດ້ກາຍເປັນປະຕິການຕົວຈິງໄປແລ້ວ ໂດຍທີ່ຖືກສັດຕຣູຂອງຊາດບີບບັງຄັບໃຫ້ຂ້ອຍຈໍາຕ້ອງໄດ້ເຮັດ !ຂ້ອຍບໍ່ສົນກັບຄໍາ
ທ້າທາຍຈາກສັດຕຣູ!ຂ້ອຍເຂົ້າໃຈຢ່າງເລິກເຊີ່ງກັບຄໍາທ້າທາຍຈາກສັດຕຣູ !ເວລາໃດສັດຕຣູມັນໃກ້ຈະເສັຍໄຊແນ່ນອນມັນຕ້ອງອອກມາກ່າວຄໍາ
ອໍາລາດ້ວຍວາຈາທີ່ທ້າທາຍແລະຍະໂສໂອຫັງ ...ເພື່ອປອບຂວັນກໍາລັງໃຈຂອງພວກມັນໃນໂອກາດອັນສຸດທ້າຍກ່ອນທີ່ພວກມັນຈະອໍາລາພາຈາກ!
