ເຈົ້າໜ້າທີ່ ກວດກາ ຢາເສພຕິດ ແຂວງຄໍາມ່ວນ ທ່ານນຶ່ງ ເປີດເຜີຍວ່າ ປັດຈຸບັນ ຢູ່ແຂວງຄໍາມ່ວນ ຍັງມີຜູ້ຄ້າ ແລະ ຜູ້ເສພ ຢາເສບຕິດ ໜັກຢູ່.
ຈາກການກວດກາ ຢາເສພຕິດ ໃນປີ 2012 ຜ່ານມາ ຖືວ່າ ຢາບ້າ ເປັນຢາເສພຕິດ ອັນດັບນຶ່ງ ທີ່ຣະບາດ ຫລາຍທີ່ສຸດ:
"ປະເພດຢາອື່ນ ຢາໂຄເຄນອັນນີ້ ຜ່ານມາກໍ ແຕ່ລະລາຍ ກໍບໍ່ຫລາຍດອກ ສ່ວນຫລາຍກໍ ແມ່ນຢາບ້າ ນີ້ແຫລະ 40-50 ເມັດ ສ່ວນຫລາຍ ກໍ່ບໍ່ແມ່ນຣາຍໃຫຍ່".
ທ່ານວ່າ ໃນປີ 2012 ເຖິງວ່າຣັຖບານ ໄດ້ເພີ່ມການ ກວດກາແຮງຂຶ້ນ ແຕ່ບັນຫາ ກໍຍັງບໍ່ໝົດໄປ ຢາເສພຕິດ ຣະບາດຫລາຍ ໃນກຸ່ມວັຍລຸ້ນ ແລະ ຄົນງານ ເຖິງວ່າມີການ ຈັບໄດ້ ບາງສ່ວນ ແຕ່ກໍເປັນຣາຍຍ່ອຍ ຍັງບໍ່ສາມາດ ຈັບຣາຍໃຫຍ່ໄດ້. ເຈົ້າໜ້າທີ່ ເວົ້າວ່າ ຈັບໄດ້ 165 ຄັ້ງ ໄດ້ຜູ້ຕ້ອງຫາ ຄະດີ ຢາເສພຕິດ 285 ຄົນ. ໃນນັ້ນ ຊາວຕ່າງຊາຕ 7 ຄົນ ຍຶດຢາບ້າໄດ້ 27 ພັນ ກວ່າເມັດ ກັນຊາ 15 ກິໂລກຣາມ ແລະ ຢາເສພຕິດ ຊນິດອື່ນໆ.
ທ່ານກ່າວ ໃນຕອນທ້າຍວ່າ ການຣະບາດ ຂອງຢາເສພຕິດ ພາຍໃນແຂວງ ຖືວ່າເປັນການ ທ້າທາຍ ຕໍ່ເຈົ້າໜ້າທີ່ ເພາະ ຣັຖບານລາວ ໄດ້ມີຂໍ້ຕົກລົງ ກັບກຸ່ມປະເທດ ອາຊຽນ ທີ່ວ່າຈະເຮັດ ໃຫ້ຂົງເຂດນີ້ ປອດຢາເສພຕິດ ພາຍໃນປີ 2015.
ສົງສານລູກຫລານຢ້ານຕິດຢາ ເສຍຄົນ
ບໍ່ມີປະເທດໃດໃນໂລກນີ້ປາບພວກຜລິດແລະຈຳຫນ່າຍຢານາຣົກນີ້
ໄດ້ດອກ ເພາະພວກຜລິດແລະຈຳຫນ່າຍຢາບ້ານີ້ ບໍ່ວ່າຢູ່ປະເທດໃດ
ກໍລ້ວນແລ້ວແຕ່ມີຜູ້ມີອິດທິພົນທາງການເມືອງແລະທະຫານເປັນ
ຜູ້ຄຸມກະລາຫົວເຂົາຢູ່ ດັ່ງຢູ່ໃນ ສປປ ລາວ ກໍມີຮອດຂັ້ນນາຍພົນທະ
ຫານເປັນໂຕແທນຈຳຫນ່າຍໂດຍກົງ ແລະກໍໃຊ້ພາຫະນະຂົນສົ່ງຂອງ
ທະຫານບໍ່ວ່າທາງບົກ ທາງນ້ຳ ແລະທາງອາກາດ ໃນການລຳລຽງຂົນ
ສົ່ງຢາບ້າຜ່ານປະເທດລາວເຂົ້າສູ່ປະເທດໃກ້ຄຽງແລະເພື່ອນບ້ານ.
ສ່ວນພວກທີ່ຖືກຈັບນັ້ນເປັນຂອງຝອຍໆແລະປາຍທາງເທົ່ານັ້ນ, ຖ້າ
ຈະປາບອິຫລີຄືຣັຖະບານອອກປະກາດມານັ້ນ ຕ້ອງຈັດການຂັ້ນເດັດ
ຂາດກັບນາຍພົນທະຫານຄົນໆນັ້ນເອົາມາແຂວນຄໍຫລືຍິງເປົ້າໂລດ.
ຣັຖະບານລາວຮູ້ດີວ່ານາຍພົນທະຫານຄົນນັ້ນແມ່ນໃຜ? ແຕ່ກໍເຮັດ
ຫຍັງບໍ່ໄດ້ ເພາະເປັນຫຸ້ນສ່ວນ Agent ດຽວກັນ.
ຕຳຫລວດລາວມັນຊັກວ່າວຢູ່ບໍ ຄືບໍ່ເຫັນພວກມັນຈັບຄົນຄ້າຂາຍຢາມ້າຈັກເທື່ອ?
