61 ອົງການ ໃນປະເທດໄທ ທີ່ບໍ່ຂື້ນກັບ ຣັຖບານ ຈະບໍ່ປ່ອຍໃຫ້ ການ ຫາຍສາບສູນ ຂອງ ທ່ານ ສົມບັດ ສົມພອນ ຖືກລືມໄປ.
ນາງ ສູນທະລີ ຫັດຖີ ເຊັງກີ່ງ ເລຂາທິການ ປະສານງານ ອົງການ ພັທນາເອກຊົນ ແລະ ຜູ້ຕາງຫນ້າ ອົງການ ພາກເອກຊົນ 61 ອົງການ ທີ່ປະເທດໄທ ໄດ້ເວົ້າຕໍ່ ເອເຊັຽເສຣີວ່າ ພວກທ່ານ ຈະບໍ່ປ່ອຍໃຫ້ ການສືບສວນ ເຣື້ອງຂອງ ທ່ານ ສົມບັດ ສົມພອນ ຈືດຈາງ ໄປຕາມກາລເວລາ ຢ່າງແນ່ນອນ: ຍານາງເວົ້າວ່າ:
"ມີຄວາມກັງວົນ ຢູ່ຄືກັນ ຕອນນີ້ ໃນສ່ວນຂອງພາກ ເອກກະຊົນ ສິ່ງທີ່ເຮົາປຶກສາ ກັນກໍຄືວ່າ ເຮົາຄວນ ເຮັດຫຍັງໃດອີກ ເພາະເຮົາບໍ່ຢາກໃຫ້ ເຣື້ອງນີ້ ມັນງຽບໄປ ແຕ່ວ່າ ໃນຄວາມຮັບຜິດຊອບ ຂອງ ພາກປະຊາຊົນ ຄິດວ່າ ເຮົາຕ້ອງຕິດຕາມ ເຣື້ອງນີ້ຕໍ່ໄປ ເຮົາຈະບໍ່ຍອມໃຫ້ ເຣື້ອງນີ້ ມິດງຽບ".
ຍານາງ ເວົ້າອີກວ່າ ໄດ້ປຶກສາ ຫາລືກັນ ແລະ ມີແຜນອອກມາ ແບບຍັງບໍ່ເປັນ ທາງການວ່າ ຕ້ອງຂໍຄວາມ ຊ່ອຍເຫລືອ ຈາກ ອົງການ ຕ່າງໆ ໃນຣະດັບ ອາຊຽນ ເພີ້ມອີກ ເພື່ອກົດດັນ ຣັຖບານລາວ ຢູ່ເລື້ອຍໆ ແຕ່ສິ່ງທີ່ໜ້າ ກັງວົນຫລາຍ ທີ່ສຸດ ກໍຄືວ່າ ຖ້າການສືບສວນ ບໍ່ຄືບຫນ້າ ຢ້ານວ່າ ທ່ານ ສົມບັດ ຈະບໍ່ກັບຄືນ ມາສູ່ໂລກ ພາຍນອກໄດ້ອີກ ຕໍ່ໄປ. ດັ່ງນັ້ນ ພວກນາງຈຶ່ງຕ້ອງ ເຮັດແນວໃດ ແນວນຶ່ງ ເພື່ອຊ່ອຍ ອີກແຮງນຶ່ງ.
ຄວາມຄືບຫນ້າ ກ່ຽວກັບ ທ່ານ ສົມບັດ ສົມພອນ ໃນເວລານີ້ ກໍແມ່ນວ່າ ເມື່ອວັນທີ 22 ມົກກະຣາ ຜ່ານມາ ອົງການ ນິຣະໂທດກັມ ສາກົນ ທີ່ມີສູນກາງຢູ່ ກຸງລອນດອນ ປະເທດ ອັງກິດ ກໍໄດ້ຮຽກຮ້ອງ ໃຫ້ສະມາຊິກ ຈຳນວນ 3 ລ້ານຄົນ ໃນ ບັນດາ 150 ປະເທດ ສົ່ງຫນັງສື ເຖິງ ຣັຖບານລາວ ກ່ອນວັນທີ 1 ມີນາ ປີ 2013 ເພື່ອກົດດັນ ໃຫ້ຣັຖບານລາວ ຮັບປາກວ່າ ຈະທຳການ ສືບສວນ ທຸກຂັ້ນຕອນ ແບບໂປ່ງສັຍ ແລະ ຮອບດ້ານ ເພື່ອຊ່ອຍໃຫ້ ທ່ານ ສົມບັດ ກັບຄືນມາ ຢ່າງປອດພັຍ.
ຢ່າຫວັງວ່າຈະໄດ້ຕົວທ່ານສົມບັດຄືນມາພ້ອມຍັງມີຊີວິດຢູ່. ຫາມຜີຕົກປ່າຊ້າແລ້ວ
ມີແຕ່ຮ້ອງຂໍເອົາສົບເພິ່ນສົ່ງຄືນໃຫ້ຄອບຄົວຂອງເພິ່ນເພື່ອນຳມາທຳພິທີປະນາກິດ
ສົບຕາມປະເພນີໃຫ້ເພິ່ນຈະດີກ່ວາ, ເພາະປະຈຸບັນນີ້ຣັຖະບານລາວເຊື່ອແນ່ວ່າກຳ
ລັງຫາແຜນເພື່ອນຳສົບຂອງທ່ານສົມບັດມາສົ່ງຄືນໃຫ້ຄອບຄົວຂອງເພິ່ນຢູ່. ຣັຖະ
ບານລາວບໍ່ມີທາງຈະປະຕິເສດແບບບໍ່ຮູ້ບໍ່ເຫັນນຳກໍຣະນີນີ້ໄດ້ເດັດຂາດ ເພາະໂລກ
ທັງໂລກຕ່າງກໍຮູ້ວ່າຣັຖະບານລາວເປັນຜູ້ຢູ່ເບື້ອງຫລັງການລັກພາຕົວຂອງທ່ານ
ສົມບັດ ແລະຣັຖະບານລາວກໍກຳລັງຊອກຫາຊ່ອງທາງເພື່ອຫລີ້ນລະຄອນຕົບຕາ
ຊາວໂລກແລະສແດງອອກວ່າບໍ່ໄດ້ເປັນຜູ້ຢູ່ເບື້ອງຫລັງໃນກໍຣະນີນີ້ດັ່ງທີ່ໄດ້ປະຕິ
ເສດມາແຕ່ເບື້ອງຕົ້ນ, ດັ່ງນັ້ນຣັຖະບານຈະຕອ້ງຫລີ້ນລະຄອນຢ່າງແນບນຽບທີ່
ສຸດເພື່ອຕົບຕາຊາວໂລກທີ່ກຳລັງຈ້ອງມອງເບິ່ງຢູ່ໃນຂະນະນີ້ ເຊື່ອແນ່ວ່າຕ້ອງ
ຫລີ້ນລະຄອນແບບຫາແຜະມາຮັບບາບດັ່ງນີ້:
- ເຣີ່ມແຣກ, ຣັຖະບານລາວຈະຕ້ອງອອກຖແລງການວ່າພົບສົບຂອງທ່ານ
ສົມບັດແລ້ວ ແລະກໍນຳເອົາສົບຂອງເພິ່ນມາສົ່ງຄືນໃຫ້ຄອບຄົວຂອງເພິ່ນ.
ຫລັງຈາກນັ້ນກໍຈະອອກຖແລງການອີກວ່າຈະຮັປະກັນນຳຈັບພວກຄາຕະກອນ
ມາລົງໄທດໃຫ້ໄດ້.
- ຕໍ່ມາກໍຈະຫາແຜະມາຮັບບາບແບບຫລີ້ນລະຄອນວ່າຈັບກຸມພວກຄາຕະກອນ
ໄດ້ແລ້ວ ແລະກໍນຳມາໂຊໃຫ້ຊາວໂລກເຫັນວ່າຣັຖະບານລາວບໍ່ມີສ່ວນກ່ຽວຂ້ອງ
ກັບຄະດີນີ້ ແລະຫລັງຈ້ກນັ້ນກໍຈະສະແດງລະຄອນຕົບຕາຊາວໂລກສາກສຸດທ້າຍ
ຄືນຳເອົາຜູ້ຕ້ອງຫາຂຶ້ນສານປະຊາຊົນສູງສຸດແລ້ວສານກໍຈະຕັດສິນປະຫານຊີວິດ
ຫລືຈຳຄຸກຕຣອດຊີວິດ. ການຕັດສິນຂອງສານກໍຈະເປັນສາກລະຄອນສາກສຸດ
ທ້າຍເທົ່ານັ້ນ ສ່ວນຜູ້ຕ້ອງຫານັ້ນກໍຈະຕິດຄຸກຫລືຖືກປະຫານກໍເປັນພຽງລະ
ຄອນເທົ່ານັ້ນ.
ບໍ່ເຊື່ອກໍລໍຖ້າຕິດຕາມເບີ່ງວ່າຮູບແບບຂອງຣັຖະບານລາວຈະອອກມາຢ່າງທີ່
ຂ້າພະເຈົ້າສັນນິຖານໄວ້ນີ້ຫລືບໍ່?
ເຮັດນາໝົດປີໄຟໄໝ້ເລົ້າເຂົ້າ
