ນັກເຄື່ອນໄຫວ ສິດທິມະນຸດ ໃນໄທ ເວົ້າວ່າ ການຫາຍໄປ ຂອງ ທ່ານ ສົມບັດ ສົມພອນ ເປັນການກ້າວ ຖອຍຫລັງ ຂອງ ສັງຄົມ ໃນ ປະຊາຄົມ ອາຊຽນ.
ຍານາງ ສັກສິນີ ເອມະສີຣິ ຜູ້ປະສານງານ ໂຄງການ ສະຖາບັນ ສິດທິມະນຸດ ແລະ ສັນຕິສຶກສາ ມະຫາວິທຍາໄລ ມະຫິດົນ ຂອງໄທ ກ່າວຕໍ່ ເອເຊັຽເສຣີ ໃນວັນທີ 5 ກຸມພາ ນີ້ວ່າ ການຫາຍສາບສູນ ຂອງ ທ່ານສົມບັດ ສົມພອນ ປຽບສະເໝືອນ ການກ້າວຖອຍຫລັງ ຂອງ ສັງຄົມ ອາຊຽນ ເພາະເປັນເຣື່ອງ ທີ່ບໍ່ຄວນ ເກີດຂຶ້ນເລີຍ ກ່ອນໜ້າ ການກ້າວເຂົ້າສູ່ ປະຊາຄົມ ເສຖກິດ ອາຊຽນ ໃນປີ 2015:
"ນາງວ່າ ນາງຮູ້ສຶກວ່າ ມັນເປັນການ ກ້າວຖອຍຫລັງ ຂອງ ສັງຄົມອາຊຽນ ຂະນະທີ່ ສັງຄົມໂລກ ກ້າວໜ້າ ໄປຫລາຍແລ້ວ ແຕ່ກໍຍັງເກີດ ກໍຣະນີ ທີ່ວ່າ ຢູ່ໆກໍມີ ຜູ້ລັກພາຕົວ ທ່ານ ສົມບັດໄປ ຖ້າມກາງຣົດແລ່ນ ຜ່ານໄປມາ ຍັງປ່ອຍ ໃຫ້ເຫດການ ແບບນີ້ ເກີດຂຶ້ນໄດ້ ແນວໃດ".
ຍານາງ ເວົ້າຕໍ່ໄປວ່າ ທ່ານສົມບັດ ສົມພອນ ນັກພັທນາ ທີ່ຜູ້ຄົນ ນັບໜ້າຖືຕາ ແລະ ເປັນແບບຢ່າງ ທີ່ດີ ຂອງ ນັກພັທນາອື່ນໆ ຮວມເຖິງ ຊາວຫນຸ່ມ ໃນອາຊຽນ ຊຶ່ງ ການຫາຍສາບສູນ ຂອງທ່ານ ຈະ ສົ່ງຜົນກະທົບ ຕໍ່ ອະນາຄົດ ຂອງ ຜູ້ທີ່ ປະຕິບັດ ວຽກງານ ການພັທນາ ສັງຄົມ ຢ່າງແນ່ນອນ ເພາະຈະເຮັດໃຫ້ ນັກພັທນາ ໃນປະເທດ ອາຊຽນ ແລະໃນລາວເອງ ເກີດຄວາມຢ້ານກົວ ວ່າອາດຖືກ ລັກພາຕົວໄປ ເຊັ່ນດຽວກັນ. ແລະວ່າ ທ່ານ ສົມບັດ ສົມພອນ ເປັນນັກ ພັທນາ ທີ່ໄດ້ຊ່ວຍໃຫ້ ແມ່ຍິງ ແລະ ຊາວຫນຸ່ມລາວ ຈໍານວນ ບໍ່ໜ້ອຍ ມີວຽກເຮັດ ງານທໍາ. ດັ່ງນັ້ນ ຈຶ່ງເຫັນໄດ້ວ່າ ການຫາຍສາບສູນ ຂອງ ທ່ານສົມບັດ ຈະສົ່ງຜົນກະທົບ ຕໍ່ ປະຊາຊົນ ລາວ ໂດຍທົ່ວໄປ ນໍາດ້ວຍ.
ໃນຕອນທ້າຍ ຍານາງເວົ້າດ້ວຍ ຄວາມຫວັງວ່າ ທ່ານສົມບັດ ຈະຍັງມີ ຊີວິດຢູ່ ແລະຖືກຄຸມຂັງ ຢູ່ບ່ອນໃດ ບ່ອນນຶ່ງ ຊຶ່ງ ຣັຖບານລາວ ຕ້ອງເລັ່ງຊອກຫາ ຊ່ວຍໃຫ້ທ່ານ ໄດ້ກັບມາສູ່ ຄອບຄົວ ຢ່າງຮີບດ່ວນ ກ່ອນທີ່ຈະເກີດ ເຫດການ ຮ້າຍແຮງຂຶ້ນ ກັບທ່ານ.
ຂອບໃຈພີ່ນ້ອງຊາວໄທທີ່ຊ່ອຍເປັນສຽງໃຫ້ພີ່ນ້ອງລາວທີ່ບໍ່ມີສຽງ, ຂອບໃຈຫຼາຍໆ.
ຟັງຄວາມໄທໄຟໄໝ້ບ້ານໄໝ້ເມືອງ ເບິ່ງແຕ່ຂ່າວໄທອອກທຸກມື້ຫັ້ນນາ ພວກນັກການເມືອງຫາເລື້ອງແບບປັ້ນນຳເປັນໂຕໃສ່ກັນ ພວກ Ngo (ໂງ່) ກໍ່ຄ້ານໄປທຸກເລື້ອງ ເຂົາກໍ່ຮັບຮູ້ກັນໝົດຄັນເກັ່ງແທ້ກໍ່ພາກັນໄປແກ້ພາກໃຕ້ໃຫ້ສະຫງົບແລ້ວຈຶ່ງຄ່ອຍມາວຸ້ຍວາຍປະເທດອື່ນ ຢາກໃຫ້ທັກສີນ ປະຕິວັດເປັນຄອມມິວນິດສາຄືຊີ່ຄັກ
ສ່ວນພວກລາວນອກຍັງບໍ່ຫຼາບເປັນທາດມັນຫຼາຍຮ້ອຍປີຍັງບໍ່ຈື່ ມັນຂົ່ມຂືນລູກ ເມຍ ຍາດພີ່ນ້ອງ ຢູ່ສູນຍັງບໍ່ຫຼາບນໍຊີ່ໃຫ້ມັນນມາສີ້ກົ້ນອີກບໍ
Anonymous wrote:ຟັງຄວາມໄທໄຟໄໝ້ບ້ານໄໝ້ເມືອງ ເບິ່ງແຕ່ຂ່າວໄທອອກທຸກມື້ຫັ້ນນາ ພວກນັກການເມືອງຫາເລື້ອງແບບປັ້ນນຳເປັນໂຕໃສ່ກັນ ພວກ Ngo (ໂງ່) ກໍ່ຄ້ານໄປທຸກເລື້ອງ ເຂົາກໍ່ຮັບຮູ້ກັນໝົດຄັນເກັ່ງແທ້ກໍ່ພາກັນໄປແກ້ພາກໃຕ້ໃຫ້ສະຫງົບແລ້ວຈຶ່ງຄ່ອຍມາວຸ້ຍວາຍປະເທດອື່ນ ຢາກໃຫ້ທັກສີນ ປະຕິວັດເປັນຄອມມິວນິດສາຄືຊີ່ຄັກສ່ວນພວກລາວນອກຍັງບໍ່ຫຼາບເປັນທາດມັນຫຼາຍຮ້ອຍປີຍັງບໍ່ຈື່ ມັນຂົ່ມຂືນລູກ ເມຍ ຍາດພີ່ນ້ອງ ຢູ່ສູນຍັງບໍ່ຫຼາບນໍຊີ່ໃຫ້ມັນນມາສີ້ກົ້ນອີກບໍ
ຊາວເມືອງ ສີໂຄດຕະບອງ ທີ່ບໍ່ປະສົງ ອອກຊື່ ໄດ້ເປີດເຜີຍ ຕໍ່ນັກຂ່າວ ວິທຍຸ ເອເຊັຽ ເສຣີວ່າ ເມື່ອວັນ ອາທິດ ທີ 26 ມີຖຸນາ 2011 ຢູ່ຟາມລ້ຽງເປັດ ຊຶ່ງມີ ເຈົ້າຂອງ ເປັນຄົນ ວຽດນາມ ແລະ ໄດ້ຈ້າງ ຄົນງານ ວຽດນາມ 20 ກ່ວາຄົນ ທີ່ເຂົ້າມາ ເຮັດວຽກຢ່າງ ຜິດກົດໝາຍ ຢູ່ ສປປລາວ ໃນເຂດ ບ້ານ ດົງນາທອງ ຫລັງ ສນາມບິນ ວັດໄຕ ໃກ້ກັບ ປ່າຊ້າຈີນ ເມືອງ ສີໂຄດຕະບອງ ນະຄອນຫລວງ ວຽງຈັນ ໄດ້ເກີດມີ ເຫດການ ຂົ່ມຂືນ ເດັກນ້ອຍ ແມ່ຍິງລາວ ຢ່າງໂຫດຫ້ຽມ.
ຫລັງຈາກ ເລີກວຽກ ແລ້ວ ພວກຄົນງານ ເຫລົ່ານັ້ນ ກໍພາກັນ ຊຸມເຫົ້ລາ. ໃນຣະຫວ່າງ ນັ້ນ ມີເດັກນ້ອຍ ຜູ້ຍິງລາວ ອາຍຸ 12 ປີ ທີ່ຢູ່ ໃກ້ຄຽງ ແຖບນັ້ນ ໄດ້ຍ່າງ ຜ່ານມາ. ພວກຄົນງານ ວຽດນາມ ກໍເອົາ ເຂົ້າໜົມ ລໍ້ຍົວະ ໃຫ້ເຂົ້າມາຫາ. ຫລັງຈາກນັ້ນ ກໍພາກັນ ລຽນຄິວ ຂົ່ມຂືນ ເດັກຍິງ ຄົນນັ້ນ ຈົນນາງ ເສັຽຊີວິດ. ເມື່ອເຫດການ ເກີດຂື້ນ ແນວນັ້ນ ຄົນງານວຽດ ຜູ້ນຶ່ງ ເຫັນທ່າ ບໍ່ດີ ກໍເລີຍໄປ ແຈ້ງໃຫ້ ກອງຫລອນ ແລະ ເຈົ້າໜ້າທີ່ ໃນບ້ານ, ແລະ ຕໍ່ມາ ກໍໄດ້ຈັບ ຄົນງານ ວຽດນາມ ທັງໝົດ 21 ຄົນ.ເມື່ອສະຖານທູດ ວຽດນາມ ໃນນະຄອນຫລວງ ວຽງຈັນ ຮູ້ເລື່ອງ ດັ່ງກ່າວ ກໍໄດ້ມາ ຂໍເອົາ ຜູ້ຕ້ອງຫາ ທັງໝົດ ຈາກ ເຈົ້າໜ້າທີ່ ກ່ຽວຂ້ອງ ຂອງລາວ ເພື່ອນໍາສົ່ງ ກັບຄືນ ປະເທດ ໂດຍດ່ວນ ແລະໄດ້ໃຫ້ ສັນຍາວ່າ ຈະຮັບ ຜິດຊອບ ໃນສີ່ງທີ່ ເກີດຂຶ້ນ ທັງໝົດ. ໂດຍຈະຈ່າຍ ຄ່າເສັຽຫາຍ ແທນຕາງ ຜູ້ຕ້ອງຫາ ຜູ້ນຶ່ງ 20 ລ້ານ ກີບ ຮວມທັງໝົດ ເປັນ 420 ລ້ານກີບ ໃຫ້ແກ່ ຄອບຄົວ ຜູ້ເຄາະຮ້າຍ.ເຫດການ ທີ່ເກີດ ຂຶ້ນນີ້ ທາງການລາວ ໄດ້ສັ່ງໃຫ້ ອໍານາດ ການປົກຄອງ ແລະ ປະຊາຊົນ ໃນເຂດ ດັ່ງກ່າວ ຮວມທັງ ສື່ມວນຊົນ ທີ່ຮູ້ເລື້ອງນັ້ນ ບໍ່ໃຫ້ ນໍາເອົາ ມາວິຈານ ຫລືອອກ ເປັນຂ່າວ ຢ່າງເດັດຂາດ ເພາະ ຢ້ານວ່າ ມັນຈະ ກະທົບ ກະເທືອນ ຕໍ່ຄວາມ ສັມພັນ ອັນດີ ຣະຫວ່າງ ລາວ-ວຽດນາມ.ແຕ່ເຖິງຢ່າງໃດ ກໍຕາມ ມາຮອດ ປັດຈຸບັນ ຍັງບໍ່ທັນ ມີຂ່າວ ຈາກ ແຫລ່ງຂ່າວ ທີ່ເປັນ ອິສຣະ ກ່ຽວກັບເຣື່ອງ ການຂົ່ມຂືນ ເດັກນ້ອຍ ຜູ້ຍິງລາວ ອາຍຸ 12 ປີ ນັ້ນເທື່ອ ແລະ ທາງ ວິທຍຸ ເອເຊັຍ ເສຣີ ກໍກໍາລັງ ຕິດຕາມ ຂ່າວນີ້ ຢູ່.
