ອົງການ ສີ້ງຊອມ ສິດທິມະນຸດ ຮຽກຮ້ອງ ໃຫ້ ທາງການ ລາວ ສືບສວນ ການຫາຍສາບສູນ ຂອງ ທ່ານ ສົມບັດ ສົມພອນ ໃຫ້ໄວຂື້ນ ແລະໃຫ້ ປະຕິບັດ ຕາມ ສົນທິສັນຍາ ສາກົນ ກ່ຽວກັບ ການບັງຄັບ ໃຫ້ ຫາຍສາບສູນ.
ອົງການ ສີ້ງຊອມ ສິດທິມະນຸດ Human Rights Watch ທີ່ມີ ສຳນັກງານ ຢູ່ ສະຫະຣັຖ ອະເມຣິກາ ອອກຖແລງການ ແຈ້ງວ່າ ທາງການລາວ ບໍ່ຍອມ ເປີດເຜີຍ ຣາຍລະອຽດ ຫຍັງເລີຍ ກ່ຽວກັບ ຊະຕາກັມ ຂອງ ທ່ານ ສົມບັດ ສົມພອນ ນັກພັທນາ ຊຸມຊົນລາວ ທີ່ ຫາຍສາບສູນໄປ ແຕ່ເດືອນ ທັນວາ ປີ 2012. ສະມາຄົມ ປະຊາຊາດ ເອເຊັຍ ຕາເວັນອອກ ສ່ຽງໃຕ້ ຫລືອາຊຽນ ແລະ ຄະນະ ກັມມາທິການ ສິດທິມະນຸດ ອາຊຽນ ຄວນເຂົ້າມາ ຫຍຸ້ງກ່ຽວກັບ ການຫາຍສາບສູນ ດັ່ງກ່າວ ກັບ ທາງການລາວ ທີ່ປະຕິເສດ ຕລອດມາ ວ່າບໍ່ໄດ້ ກັກຂັງ ທ່ານ ສົມບັດ ສົມພອນ. ທ່ານ ສຸໄນ ຜາສຸກ ເຈົ້າໜ້າທີ່ ອົງການ ສິດທິມະນຸດ Human Rights Watch ປະຈຳ ປະເທດໄທ ກ່າວວ່າ:
"ທ່ານເວົ້າວ່າ "ອົງການ ສິດທິມະນຸດ ຂໍຮຽກຮ້ອງ ອັນທີ່ນຶ່ງ ໃຫ້ຣັຖບານລາວ ຟ້າວສືບສວນ ຊອກຫາ ທ່ານ ສົມບັດ ສົມພອນ ຢ່າງຈິງຈັງ ແລ້ວສົ່ງທ່ານ ກັບຄືນ ໃຫ້ຄອບຄົວ ຂອງ ທ່ານ
ຢ່າງປອດໄພ, ສອງ ລາວເປັນ ສະມາຊິກ ອາຊຽນ ທາງ ອາຊຽນ ກໍເມີຍເສີຍ ບໍ່ມີ ທ່າທີແນວໃດ ກ່ຽວກັບ ການ ຫາຍສາບສູນ ນີ້ເລີຍ, ນັ້ນສະແດງໃຫ້ ເຫັນວ່າ ອາຊຽນ ກໍລົ້ມເຫລວ ໃນການຮັກສາ ສົ່ງເສີມ ແລະ ປົກປ້ອງ ສິດທິມະນຸດ".
ທ່ານ ສຸໄນ ຜາສຸກ ສລຸບຫຍໍ້ ຖແລງການ ຂອງ ອົງການ ສິດທິມະນຸດ ນັ້ນຕື່ມວ່າ ທ່ານ ສົມບັດ ສົມພອນ ຫາຍສາບສູນໄປ ເປັນເວລາ 2 ເດືອນ ກວ່າແລ້ວ ຈົນເຖິງ ປັດຈຸບັນ ຣັຖບານລາວ ກໍຍັງ ບໍ່ຍອມເປີດເຜີຍ ຣາຍລະອຽດ ແນວໃດ ແມ້ແຕ່ ເຣື່ອງງ່າຍໆ ເຊັ່ນ ຄົນຂີ່ຣົດຈັກ ທີ່ຂັບຣົດ ທ່ານ ສົມບັດ ສົມພອນ ອອກໄປ ທາງການລາວ ກໍບໍ່ຍອມ ເປີດເຜີຍໄດ້ ວ່າແມ່ນໃຜ. ພວກເຮົາ ອົງການ ສິດທິມະນຸດ ເຂົ້າໃຈວ່າ ທາງການລາວ ຕ້ອງມີສ່ວນ ຮູ້ເຫັນເຣື້ອງ ການ ຫາຍສາບສູນ ຂອງ ທ່ານ ສົມບັດ ສົມພອນ ແຕ່ບໍ່ຍອມ ເປີດເຜີຍ. ສະນັ້ນ ພວກເຮົາ ຈຶ່ງມີຄວາມ ກັງວົນ ແລະ ຜິດຫວັງ ຢາກໃຫ້ມີການ ນຳເອົາ ຜູ້ກະທຳຜິດ ມາລົງໂທດ
ທ່ານບໍ່ຕ້ອງຄິດຫັຍງຫຼາຍດອກນັ້ນແມ່ນການກະທຳຂອງພັກລັດຜະເດັດການກັມະຊີບຄອມມຸຍນິດລາວແດງທີ່ຢາກແຜງລິດອຳນາດ
ຜູກຂາດ,ແຕ່ຄວາມຄິດອັນປ່ວງບ້ານີ້ຊ້ຳບໍ່ໄດ້ຜົນເໝືອນໃນເມື່ອກ່ອນກາຍອັນວ່າຫຼຸ້ຍຫ້ຽນໄປ ຖືກຢູ່ໂດດດ່ຽວເພາະນາ..ໆ ຊາດເຂົາຫຸ້ມ
ລ້ອມທວງທາວຫາບໍ່ຂາດໄລຍະ ທີ່ຈິງແລ້ວ ທ່ານສົມບັດ ສົມພອນ ເປັນຄົນສັງຄົມກວ້າງຂວາງແລະຊາບກັນດີໃນທຸກຍ່ອມຫຍ້າບໍ່ວ່າແຕ່
ອາຊີຫຼືທະວີບອື່ນ..ໆໃນໂລກ, ທ່ານເປັນຄົນມີຈິດໃຈອອບເອື້ອອາລີ ກີ້ງເກືອກລີເລືອພັດທະນາກັບຊຸມຊົນລະດັບພື້ນຖານທ້ອງຖີ່ນ ມີແນວ
ທາງປ່ຽນແປງໃນການປັບປຸງໂຄງຮ່າງໃຫ້ປະຊາຊົນໃນດ້ານກະສິກັມແລະພັດທະນາໝຸ່ມສາວໃຫ້ຮູ້ຈັກການຫັນປ່ຽນໄປສູ່ຫຍຸກວິວັທະນາການ
ສະນັ້ນທ່ານຈຶ່ງເປັນບຸກຄົນສຳຄັນຂອງສັງຄົມແລະທັງໄດ້ຮັບຣາງວັນອັນດີເດັ່ນ ເພາະສາເຫດນີ້ ສາກົນຈຶ່ງຮຽກຮ້ອງໃຫ້ພັກລັດຈົ່ງມີຄວາມໂປ່ງໃສ
ຍຸຕິທັມເປັນເລື່ອງທີ່ຄະນະນຳກືນບໍ່ເຂົ້າຄາຍບໍ່ອອກຊອກຫາເຫົາມາໃສ່ຫົວໂຕນເອງ,ພວກບ້າອຳນາດເຂົາຖືທ່ານເປັນກ້າງຂວາງຄໍຂອງພວກເຂົາ
ປະຊາຊົນສໍ້ລາດບັງຫຼວງເອົາປຽບຄົນໃນຊາດຊົ່ວສຸດຍອດຂອງມະໜຸດ.
ສໍ້ລາດບັງຫຼວງເອົາປຽບຄົນໃນຊາດຊົ່ວສຸດຍອດຂອງມະໜຸດ.
