ຫ້ອງການ ອົງການ ສະຫະປະຊາຊາດ ປະຈໍາລາວ ປັບປຸງ ການພົວພັນ ດ້ານຂ່າວສານ ກັບສື່ມວນຊົນ ທ້ອງຖິ່ນ ໃນລາວ.
ຜແນກ ຄົມມະນາຄົມ ສະຫະປະຊາຊາດ ປະຈຳລາວ ສ້າງສາຍ ພົວພັນ ອັນໃກ້ຊິດ ກັບ ສື່ມວນຊົນ ລາວ ໃນກອງປະຊຸມ ປະຈຳປີ ຄັ້ງທີ 2 ໃນຫົວຂໍ້ ທີ່ວ່າ ການພົບປະ ແລະ ການທັກທາຍ ທີ່ ໄດ້ຈັດຂຶ້ນ ໃນນະຄອນຫລວງ ວຽງຈັນ ໃນມື້ວັນ ອັງຄານ. ບັນດາ ສື່ມວນຊົນ ລາວ ແລະ ຕົວແທນ ກຸ່ມນັກຂ່າວ ລາວ ຖືກເຊື້ອເຊີນ ໃຫ້ເຂົ້າຮ່ວມ ປະຊຸມ ຈາກອົງການ ດັ່ງກ່າວ ເພື່ອຈຸດປະສົງ ໃນການ ສົ່ງເສີມ ແລະ ປັບປຸງການ ລາຍງານ ຂ່າວ ທີ່ສຳຄັນ ທີ່ເກີດຂຶ້ນ ໃນລາວ ໃນທຸກມື້ນີ້.
ທ່ານ ມິນຟາມ ຜູ້ປະສານງານ ອົງການ ສະຫະປະຊາຊາດ ປະຈຳລາວ ໄດ້ກ່າວ ຕໍ່ ກອງປະຊຸມ ວ່າໃນນາມ ພວກທ່ານ ເປັນນັກຂ່າວ ແລະ ເປັນໂຕແທນ ສື່ມວນຊົນ ລາວ ພວກທ່ານ ເປັນຜູ້ມີ ບົດບາດ ສຳຄັນ ໃນການສື່ສານ ຕໍ່ຊຸມຊົນ ໃນຄວາມ ຄືບຫນ້າ ແລະ ບັນຫາ ທ້າທາຍທີ່ ປະເທດຊາດ ກຳລັງ ປະເຊີນຢູ່ ໃນປັດຈຸບັນ ດັ່ງການ ເນັ້ນເຖິງ ຄວາມສຳຄັນ ຂອງ ບັນຫາ ແລະ ການພັທນາ ທີ່ເປັນປໂຍດ ຕໍ່ປະເທດຊາດ.
ສປປລາວ ເປັນນຶ່ງ ໃນບັນດາ ປະເທດ ດອ້ຍພັທນາ ໃນເອເຊັຽ ຕາເວັນອອກ ສ່ຽງໃຕ້ ທີ່ກຳລັງ ໃຊ້ຄວາມ ພຍາຍາມ ຢ່າງແຮງກ້າ ໃນການຜ່ານຜ່າ ອຸປສັກ ດັ່ງກ່າວ ເພື່ອປູເສັ້ນທາງ ໄປສູ່ການ ພັທນາທີ່ຍືນຍົງ ໃນລາວ. ວ່າງເດືອນ ກຸມພາ ປີນີ້ ສປປ ລາວ ໄດ້ຖືກຮັບ ເຂົ້່າເປັນ ສະມາຊິກ ອົງການ ການຄ້າໂລກ ຢ່າງເຕັມປ່ຽມ ແລະ ສປປລາວ ກໍມີຄວາມ ມຸ້ງຫມັ້ນ ຈະໃຫ້ສຳເຣັດ ເປົ້າຫມາຍ ສະຫັດສວັດ ອົງການ ສະຫະປະຊາຊາດ ໃນປີ 2014.
