ທາງການລາວ ແກ້ຕົວອີກຄັ້ງໃໝ່ຕໍ່ການຫາຍສາບສູນຂອງທ່ານ ສົມບັດ ສົມພອນ.ໂດຍ: ລູກ ຫຼານ ເຈົ້າອານຸການໃຫ້ສໍາພາດຂ່າວຂອງທ່ານ ພັນເອກ ເພັງສວັນ ທິພວົງໄຊ, ຮອງຫົວໜ້າກົມໃຫ່ຍຕໍາຣວຈໃຫ່ຍກະຊວງປ້ອງກັນຄວາມສງົບ ແຫ່ງຊາດຂອງ ລາວ ກ່ຽວກັບການເຮັດໃຫ້ທ່ານ ສົມບັດ ສົມພອນຫາຍສາບສູນ ຊຶ່ງຖືກຈັດຂື້ນ ໃນມື້ວັນສຸກ ວັນ ທີ 1 ເດືອນ ມິນາ ປີ 2013 ນີ້. ກໍບໍ່ມີຫຍັງເປັນຂອງໃໝ່ ເພາະບໍ່ມີຂ່າວຄືບໜ້າໃດໆແຕກຕ່າງໄປຈາກທີ່ສໍາພາດ ມາແລ້ວໃນຄັ້ງກ່ອນໆ. ການກ່າວເປັນພຽງແຕ່ການ ຕອບຕໍ່ຄໍາຖາມ ຂອງຍານາງ ຊຸຍເມັງ ທີ່ໄດ້ຕັ້ງຄໍາຖາມ ເພຶ່ອຫາຄໍາຕອບ ຈາກທາງການ ຕໍາຣວຈຂອງລາວ ຂຶ່ງມີທັງຫມົດ 9 ຂໍ້.ຫລັງຈາກການ ກະກຽມມາດົນ ເຄິ່ງເດືອນ, ທ່ານ ພັນເອກ ເພັງສວັນ ໄດ້ກ່າວໃນລັກສນະ ປ້ອງການການກະທໍາຜິດ ຂອງພວກຕົນ ແລະພັລນາໄປເຖິງ ເຫດການທີ່ ຄ້າຍຄຽງກັນ ເກີດຂຶ້ນຜ່ານມາໃນປະເທດລາວ ແລະບາງຄັ້ງກໍ່ກ່າວວ່າ ສະພາບແບບນີ້ ເກີດຂຶ້ນມີຢູ່ທຸກໆປະເທດໃນໂລກ. ແຕ່ສິ່ງທີ່ຊາວລາວ ແລະຊາວໂລກ ຄວນເອົາໃຈໃສ່ ແລະ ພິຈາຣະນາຢ່າງຖີ່ຖ້ວນ ກໍ່ຄືການແກ້ຕົວ ໃນຂໍ້ 3.5 ຕໍ່ ຄໍາຖາມ ທີ່ພົວພັນເຖິງຮູບພາບ ຈາກກ້ອງວົງຈອນປິດ ຊຶ່ງພັລຍາຂອງທ່ານ ສົມບັດ ສົມພອນ ໄດ້ຖາມວ່າ ທາງການລາວ ໄດ້ຂໍໃຫ້ສາກົລ ທີ່ມີຄວາມສາມາດທາງ ເທັກໂນໂລຊີ ສູງກ່ວາ ຊ່ວຍກວດເບິ່ງວ່າ ຜູ່ທີ່ຂີ່ຣົດຈັກ ມາແລ້ວຂັບ ເອົາຣົດຈິບຂອງທ່ານ ສົມບັດ ອອກໄປ ແລະຣົດກະບະສີຂາວ ທີ່ໄຕ້ໄຟສັນຍານ ຂໍທາງ ນໍາເອົາຕົວທ່ານ ສົມບັດ ອອກໄປນັ້ນ ແມ່ນຂອງໃຜ ?ແທນທີ່ຈະໃຫ້ຄໍາຕອບ ແບບສົມເຫດ ສົມຜົນ, ທ່ານ ພອ. ເພັງສວັນ ຊໍ້າໄປຖິ້ມໃສວ່າກ້ອງນັ້ນ ຖ່າຍໃນຕອນຄໍ່າ ແລະມີ ໝອກປິດບັງ ແລະບໍ່ຈໍາເປັນ ຈະຂໍຄວາມຊ່ວຍເຫລືອຈາກປະເທດໃດ ເພາະມັນແມ່ນເຣືອງພາຍໃນຂອງ ລາວເອງ.ຄໍາຕອບທັງໝົດ ນີ້ມພິຣຸດ ຊຶ່ງຄົນທົ່ວໄປ ມີຄໍາຖາມເຈາະຈີ້ມ ຫາຄວາມຈິງເຊັ່ນ:- ຕໍ່ຜູ້ຊາຍທີ່ ຂີ່ຣົດຈັກມາຈອດຕິດກັບຣົດທ່ານ ສົມບັດ ສົມພອນ, ແລ່ນເຂົ້າໄປໃນປົດຕໍາຣວຈ ແລ້ວຂ້ຽວອອກມາ ແລະຂັບຣົດທ່ານ ສົມບັດ ອອກໄປທັນທີ. ທ່ານ ນາຍພັນເອກ ບໍໄດ້ເວົ້າເຖິງວ່າ, ເປັນຫຍັງ ຜູ້ຊາຍຄົນນັ້ນ ຈຶ່ງມາຈອດຣົດຈັກ ໃນເວລາທີ່ຕໍາຣວຈ ຢຸດຣົດທ່ານ ສົມບັດ ສົມພອນ ນັ້ນບໍ່ດົນແລ້ວ ຂ້ຽວແລ່ນເຂົ້າໄປໃນປົດ ຕໍາຣວຈ, ທັນໃດນັ້ນກໍອອກມາ ແລ້ວຂຶ້ນຣົດທ່ານ ສົມບັດ ແລະຂັບອອກໄປ. ຖ້າບໍ່ມີການສົມຮູ້ຮ່ວມຄິດກັບເຈົ້າໜ້າທີ່ຕໍາຣວຈ, ຜູ້ຊາຍຄັນນັ້ນ ຈະເອົາກະແຈຣົດທ່ານ ສົມບັດ ສົມພອນ ມາຈາກໃສ? ທ່ານ ພັນເອກ ຄິດວ່າ ບໍຣິສັດ ຄໄຣສເລີ (Chrysler) ຂອງອະເມຣິກັນເຮັດກະແຈຣົດຈິບ ຖືກກັບ ກະແຈຣົດຈັກ ຂອງຊາຍຄົນນັນບໍ? ແລະອີກສິ່ງນຶ່ງທີ່ ເປັນພິຣຸດຫລາຍກ່ວາກໍຄື ທ່ານ ພັນເອກ ເວົ້າວ່າເມຶ່ອເຈົ້າໜ້າທີ່ຕໍາຣວຈ ທີ່ກວດຣົດ ຈະອອກໄປກິນເຂົ້າ ເຫັນົຣດຈັກຄັນນັ້ນຈອດຄຸງຢູ່ກາງທາງຍ່າງ ຈຶ່ງມາຫາມອອກ, ສະແດງວ່າ ທ່ານນາຍພັນ ຮູ້ດີເຖິງພວກຕໍາຣວຈກວດຣົດນັ້ນ, ເປັນຫຍັງຈິ່ງບໍ່ຍອມເປີດເຜີຍຊື່ໃຫ້ ຄອບຄົວທ່ານສົມບັດ ຖາມແລະຊອກຫາສາຍເຫດ ມັນຢູ່ນໍາພວກຕໍາຣວຈ ທີ່ກວດຣົດນັ້ນ.- ຕໍ່ຣົດກະບະສີຂາວ ທີ່ເປີດໄຟສັນຍານ ມາເອົາທ່ານ ສົມບັດ ສົມພອນໄປນັ້ນ, ທ່ານພັນເອກວ່າບໍ່ສາມາດເຫັນປ້າຍໄດ້ເພາະມີ ໝອກກຸ້ມບັງ. ນີ້ແມ່ນຄໍາຕອບ ທີ່ບໍ່ສົມເຫດ ສົມຜົນເຊັ່ນກັນ. ທ່ານ ພັນເອກ ຮູ້ບໍ່ວ່າ ຊາດໃດ ເຮັດກ້ອງວົງຈອນປິດນີ້ກ່ອນໝູ່ໃນໂລກ ແລະ ຈີນ ທີ່ມາຕິດຕັ້ງໃຫ້້ ລາວ ນັ້ນລອກແບບມາຈາກໃສ. ວິທຍາສາດຂອງ ປະເທດທີ່ສີວິໄລ ສາມາດຊອກເຫັນສິ່ງທີ່ເລິກລັບ ໄປກ່ວາປ້າຍຣົດກະບະສີຂາວ ຊຶ່ງເປັນຣົດ ຂອງຕໍາຣວຈກໍາແພງ ນະຄອນວຽງຈັນ ຂອງລາວ ນີ້ອີກ.- ທ່ານພັນເອກບອກວ່າ ນີ້ແມ່ນເຣື້ອງພາຍໃນຂອງລາວ, ບໍ່ຈໍາເປັນຕ້ອງຫາປະເທດອຶ່ນມາສອບສວນ. ແຕ່ທາງການ ລາວ ຢ່າລືມວ່າທ່ານ ສມົບັດ ສົມພອນ ບໍ່ພຽງແຕ່ເປັນພົລເມືອງ ລາວ ມາແຕ່ກໍາເນີດເທົ່ານັ້ນ, ແຕ່ທ່ນເປັນຄົນສາກົລ ແລະມີຖານະ ບົດບາດຣະດັບໂລກແລ້ວ.- ການທີ່ພວກທ່ານ ຈັບຄົນດີ ມີກຽຕຊື່ສຽງກ້ອງໂລກ ໄປຂ້າແບບບໍ່ກະດຽມມືນັ້ນ້ ,ປະຊາຊົນລາວ ຜູ້ຮັກຫອມຄວາມເປັນທັມ ແລະປະຊາຊົນຊາວໂລກ ທີ່ນັບຖືສິດທິມະນຸສຈະບໍ່ຍອມອະໄພໃຫ້ພວກທ່ານເດັດຂາດ.- ຢ່າລືມວ່າ ພາບຈາກກ້ອງວົງຈອນປິດ ໄດ້ເຫັນທົ່ວໂລກ, ຖືກບັນທຶກໄວ້ ແລະຖືກພິສູດເຫັນຄວາມຈິງຂອງ ເຫດການທຸກຢ່າງແລ້ວ.- ພວກທ່ານຄວນຍອມຮັບສາຣະພາບ ຕໍ່ການກະທໍາຜິດອັນໂຫດຫ້ຽມ ແລະໂດຍເຈຕນານັ້ນ ກ່ອນທີ່ຈະສວາຍເກີນໄປ . ການກະທໍາອັນ ໄຮ້ມະນຸສທັມຂອງພວກທ່ານຈະສົ່ງຜົນກະທົບ ກະເທຶອນຕໍ່ຊາຕາກັມຂອງຊາດ ແລະຂອງ ປະຊາຊົນ ລາວທັງມວນ.
