ມວ້າຕວ້າເທີ້ ອາຈບໍ່ຖືກສົ່ງກັບ

ອະດີດ ນາຍທະຫານ ລາວເຜົ່າມົ້ງ ຖືກກັກໂຕ ຢູ່ ສູນກັກຂັງ ຄົນເຂົ້າເມືອງ ບາງກອກ ລໍຖ້າສົ່ງ ກັບຄືນໄປ ສປປ ລາວ.

ອະດີດ ນາຍທະຫານ ລາວເຜົ່າມົ້ງ ທີ່ເຄີຽຮັບໃຊ້ ໃນກອງທັບ ຂອງ ອະດີດ ຣາຊະອານາຈັກ ລາວ ພາຍໃຕ້ ກອງບັງຄັບ ບັນຊາ ຂອງ ມື້ລາງ ອະດີດ ທ່ານ ນາຍພົນ ວັງປາວ ຊື່ງເວລານີ້ ຖືກກັກໂຕ ຢູ່ສູນກັກຂັງ ຄົນເຂົ້າເມືອງ ບາງກອກ ຊຶ່ງທໍາອິດ ນັ້ນວ່າ ຢູ່ໃນຂັ້ນຕອນ ລໍຖ້າການ ສົ່ງໂຕກັບຄືນ ໄປປະເທດລາວ, ແຕ່ຂ່າວລ້າສຸດ ແຈ້ງວ່າ ອະດີດ ນາຍທະຫານ ລາວເຜົ່າມົ້ງ ຜູ້ນັ້ນ ຈະບໍ່ຖືກ ສົ່ງໂຕກັບ ໃນທັນທີ ຫລັງຈາກ ມີຫລາຍ ອົງກອນ ສົນໃຈໃຫ້ ການຊ່ວຍເຫລືອ, ຍ້ອນວ່າ ຫາກກັບໄປ ປະເທດລາວ ຊີວິດຂອງທ່ານ ອາຈບໍ່ມີ ຄວາມປອດພັຍ, ຕາມການຢືນຢັນ ຂອງ ເຈົ້າໜ້າທີ່ ຕໍາຣວດ ກວດຄົນ ເຂົ້າເມືອງ ຂອງໄທ ໃນວັນຈັນ ວັນທີ 25 ມີນານີ້.

ອະດີດ ນາຍທະຫານ ດັ່ງກ່າວ ຊື່ວ່າ ມວ້າ ຕວ້າ ເທີ້ ຫລື ຊື່ເປັນທາງການ ໃນເອກກະສານ ຂອງ ທາງການໄທ ວ່າ ຊົວຟູແຊ້ມ້າ ໄດ້ເຂົ້າມາ ເມືອງໄທ ໃນຣະຫ່ວາງ ເດືອນ ພຶສພາ ຫຼື ເດືອນ ມີຖຸນາ 2006 ຊຶ່ງເປັນລະຍະ ທີ່ທາງການ ສະຫະຣັຖ ອະເມຣິກາ ຮັບເອົາ ຊາວມົ້ງ ຈາກລາວ ທີ່ຄ້າງຢູ່ ໃນປະເທດໄທ ປະມານ 2 ໝື່ນ ຄົນ ໄປຕັ້ງ ຖິ່ນຖານ ຢູ່ ສະຫະຣັຖ.
ມວ້າຕວ້າເທີ້ ຫລື ຊົວຟູແຊ້ມ້າ ກາຍເປັນຄົນ ທີ່ວົງການ ໜັງສືພິມ ຕ່າງປະເທດ ໃຫ້ຄວາມສົນໃຈ ຫລາຍທີ່ສຸດ ຫລັງຈາກ ກັມມະການ ຊອກຫາ ຄວາມຈິງ Fact-Finding Commission ທີ່ມີ ສໍານັກງານ ຢູ່ ສະຫະຣັຖ ໄດ້ພິມເຜີຽແຜ່ ຮູບພາບ ແລະ ວີດີໂອ ຊາວເຜົjາມົ້ງ ໃນສະໄໝ ທີ່ ທາງການລາວ ຕາມລ້າ ກວາດລ້າງ ອັນເປັນ ສາເຫດນຶ່ງ ທີ່ເຮັດໃຫ້ ອົງກອນ ຕ່າງປະເທດ ເປັນຕົ້ນ ຫ້ອງການ ຂ້າຫລວງໃຫ່ຽ ສະຫະປະຊາຊາຕ ດ້ານອົພຍົບ unhcr, ຫ້ອງການ ປະສານງານ ສະຫະປະຊາຊາຕ ກ່ຽວກັບ ກິຈກັມ ສິດທິມະນຸດ united Nation office for coordination of Human Rights Affairs, ອົງການ ສິ້ງຊອມ ສິດທິມະນຸດ ທີ່ີມີ ສໍານັກງານ ຢູ່ ສະຫະຣັຖ ອະເມຣິກາ  Human Rights Watch ຮ່ວມທັງ ສື່ມວນຊົນ ໃນບາງກອກ ໃຫ້ຄວາມສໍາຄັນ ໃນການ ປົກປ້ອງ ສິດທິມະນຸດ.

ຕາມຄໍາຖແລງການ ຂອງ ກັມມະການ ຊອກຫາ ຄວາມຈິງ ນັ້ນວ່າ ໃນລະຍະທີ່ ທ່ານ ມວ້າຕວ້າເທີ້ ຢູ່ ພາຍໃຕ້ ກອງບັງຄັບ ບັນຊາ ຂອງ ທ່ານ ອະດີດ ນາຍພົນ ວັງປາວ ເມື່ອປະມານ 40 ປີ ກ່ອນນັ້ນ ທ່ານ ຖືກມອບໝາຍ ໃຫ້ໄປຮັກສາ ຖານທີ່ໝັ້ນ ພູຜາທີ ຫລືວ່າ ລີມາ 85 ເພື່ອປ້ອງກັນ ສະຖານທີ່ ຕັ້ງເຣດາ ຂອງ ສະຫະຣັຖ ທີ່ໃຊ້ຕິດຕໍ່ ກັບ ເຄື່ອງບິນລົບ ສະຫະຣັຖ ໃນການຖິ້ມ ລະເບີດ ໃສ່ວຽດນາມເໜືອ.

ຫລັງຈາກ ຖານທີ່ໝັ້ນ ພູຜາທີ ຖືກກໍາລັງ ຄອມມູຍນີສ ລາວ ແລະ ວຽດນາມ ຕີແຕກແລ້ວ ທ່ານ ມວ້າຕວ້າເທີ້ ກໍຖືກສົ່ງໄປ ປະຈໍາການ ຢູ່ ຖານທີ່ໝັ້ນ ບ່ວມຫລົງ ຫລື ລີມາ 32 ຢູ່ ທາງພາກເໜືອ ຂອງ ເມືອງໂພນສວັນ ແຂວງ ຊຽງຂວາງ.
ເມື່ອ ປະເທດລາວ ຕົກຢູ່ໃນກໍາມື ຂອງ ຝ່າຍ ຄອມມູຍນິສ ໃນປີ 1975 ແລ້ວ ຊາວມົ້ງ ແລະ ຄອບຄົວ ໄດ້ພາກັນ ປົບໜີ ເຂົ້າໄປລີ້ ຢູ່ ໃນປ່າເທິງພູ ແຫ່ງຕ່າງໆ ໃນ ເຂດພິເສດ ໄຊສົມບູນ ເພາະວ່າ ເວລານັ້ນ ທະຫານ ຝ່າຍ ປະເທດລາວ ແລະ ວຽດນາມ ຕາມລ້າ ກອງທະຫານ ເສດເຫລືອ ຂອງ ນາຍພົນ ວັງປາວ ຢູ່ບໍ່ຂາດ ແລະ ຕລອດມາ.