ເຈົ້າຫນ້າທີ່ ຣັຖວິສາຫະກິດ ນໍ້າປະປາ ນະຄອນຫລວງ ວຽງຈັນ ເວົ້າວ່າ ປັດຈຸບັນ ມີປະຊາຊົນ ເຂົ້າມາແຈ້ງ ເຣື້ອງ ນໍ້າປະປາ ບໍ່ພຽງພໍ ໃນຫລາຍ ເຂດຍ້ອນວ່າ ສະພາບ ອາກາດ ຮ້ອນ ອົບເອົ້າ, ແຫລ່ງນໍ້າ ຫລາຍສາຍ ກໍບົກແຫ້ງ ບໍ່ພຽງພໍ ສຳລັບ ການຜລິດ ນໍ້າປະປາ ແລະ ຄວາມຕ້ອງການ ໃຊ້ນໍ້າ ຂອງ ປະຊາຊົນ ກໍສູງ ໃນເວລານີ້. ດ່ັງທ່່ານເວົ້າວ່າ:
"ນໍ້າບໍ່ພໍ ເຣື້ອງແຈ້ງການ ນໍ້າບໍ່ພໍຫັ້ນ ແຈ້ງການມາແລ້ວ ແລ້ວມີແຕ່ວ່າ ໂທລະສັບ ພັນ 1169 ເລກ".
ຍານາງ ເວົ້າຕໍ່ໄປວ່າ ຖ້າຫາກ ປະຊາຊົນ ຢາກແຈ້ງການ ເຣື້ອງ ນໍ້າປະປາ ບໍ່ພໍ ຫລື ທໍ່ນ້ຳແຕກ ກໍໃຫ້ ໂທລະສັບ ຫມາຍເລກ 1169 ທາງສູນກາງ ຈະໃຫ້ ເຈົ້າຫນ້າທີ່ ລົງໄປ ກວດກາ ແກ້ໄຂ ຊຶ່ງ ໃນປັດຈຸບັນ ຍອມຮັບວ່າ ມີປະຊາຊົນໂທມາແຈ້ງ ເປັນ ຈຳນວນ ຫລວງຫລາຍ ໃນແຕ່ລະມື້ ຍານາງ ເວົ້າເພີ້ມວ່າ:
"ມີໃບຄໍາຮ້ອງ ບໍ່ມີນໍ້າ ກໍມີຫລາຍຄົນ ຢູ່ເນາະ ກໍມີພົວພັນ ຢູ່ຫ້ອງການ ນີ້ເດ ປະມານ 2-3 ມື້ ພະນັກງານ ຊີ່ອອກໄປ ກວດກາ".
ຈາກຂໍ້ມູນ ພົບວ່າ ໃນ ປັດຈຸບັນ ຣັຖວິສາຫະກິດ ນໍ້າປະປາ ນະຄອນຫລວງ ວຽງຈັນ ສາມາດ ຜລິດນໍ້າປະປາ ໄດ້ທັງຫມົດ ປະມານ 180 ແມັດກອ້ນ ໃນແຕ່ລະວັນ ຈາກ ໂຮງງານຜລິດ 4 ແຫ່ງ ໃນຂະນະທີ່ ຄວາມຕ້ອງການ ໃຊ້ນໍ້າ ຂອງ ປະຊາຊົນ ແຕ່ລະມື້ ປະມານ 300 ແມັດກອ້ນ ເຮັດໃຫ້ ການຜລິດ ນໍ້າປະປາ ໃນຣະຍະ ສອງອາທິດ ທີ່ຜ່ານມາ ບໍ່ພຽງພໍ ຍ້ອນສະພາບ ອາກາດຮ້ອນ ແຫລ່ງນໍ້າ ຫລາຍສາຍ ກໍບົກແຫ້ງ.
ແມ່ນຫຍັງເນາະ ຄືມາໄດ້ຂໍ້ມູນຂີ້ຮ້າຍແທ້ມາຂ່າວ ວ່າທົ່ວວຽງຈັນຜະລິດນ້ຳປະປາໄດ້ວັນລະ 180 ແມັດກ້ອນ, ແຕ່ໂຮງງານນ້ອນສຸດຢູ່ດົງບັງກໍ່ຜະລິດວັນລະ 20,000 ແມັດກ້ອນແລ້ວ ບັກນັກຈົ່ມເອີຍ ບໍ່ຮ້ອງນັກຂ່າວດອກ
