ສະຫະລັດ ກໍາລັງຊອກຫາ ບັນຊີທະນາຄານລັບ ຂອງຄອບຄົວ Kim Jong Un

ເຈົ້າ​ໜ້າທີ່​ຂັ້ນ​ສູງ​ຂອງສະຫະລັດຄົນ​ນຶ່ງ ກ່າວ​ວ່າ ວໍ​ຊິງ​ຕັນ ກໍາ
ລັງ​ພະຍາຍາມ​ຂັດຂວາງ ​ຜູ້​ນໍາເກົາຫລີ​ເໜືອ ທ່ານ Kim Jong
Un ບໍ່​ໃຫ້​ເຂົ້າ​ເຖິງເງິນ​ຢູ່​ໃນ ບັນຊີ​ທະນາຄານ​ລັບ ທີ່ຝາກ​ໄວ້​ຢູ່
ໃນ​ທະນາຄານນອກ​ປະ​ເທດ ​ໃນ​ຂະນະ​ທີ່​ກົດ​ດັນ​ໃຫ້ຜູ້ກ່ຽວຢຸດ
ເຊົາ​ພັດທະນາ ອາວຸດ​ນິວ​ເຄລຍນັ້ນ.

​ໃນ​ການ​ໃຫ້​ສໍາພາດ​ກັບ ວີ​ໂອ​ເອ ພະ​ແນ​ກພາສາ​ເກົາຫລີ ​ໃນ​
ວັນ​ສຸກ​ຜ່ານ​ມາ ຮອງລັດຖະມົນ​ຕີການ​ເງິນ​ຂອງ​ສະຫະລັດ​ ຮັບ
ຜິດຊອບ​ຝ່າຍການ​ກໍ່​ການ​ຮ້າຍ ​ແລະ​ຂ່າວ​ລັບ​ດ້ານການ​ເງິນ
ທ່ານ David Cohen ກ່າວ​ວ່່າ ກະ​ຊວງ​ຂອງ ທ່ານ ກໍາລັງ​
ຊອກ​ຫາ “​ເງິນ​ຈໍານວນກ້ອນ​ໃຫຍ່” ຂອງ ທ່ານ Kim.

ຫລັງ​ຈາກ​ພໍ່​ຂອງ​ທ່ານ Kim ​ແລະ​ຜູ້​ນໍາຄົນ​ກ່ອນ ຄື​ທ່ານ Kim
Jong II ​ໄດ້​ເສຍ​ຊີວິດໄປໃນ​ເດືອນ​ທັນວາ ປີ 2011 ສື່​ມວນ​
ຊົນ​ຕ່າງປະ​ເທດຈໍານວນ​ນຶ່ງ ລາຍ​ງານ​ວ່າ ມື້​ລາງ ທ່ານ Kim
ອາດໄດ້​ຝາກ​ເງິນໄວ້ຢ່າງ​ໜ້ອຍ 4 ພັນ​ລ້ານ​ໂດ​ລາ ຢູ່​ໃນ​ທະນາ
ຄານຫລາຍ​ແຫ່ງ​ໃນ​ຢູ​ໂຣບ ​ໂຮມທັງຢູ່​ທະນາຄານ​ໃນສະ​ວິດ​
ເຊີ​ແລນນໍາ.

ທ່ານ Cohen ກ່າວ​ວ່າ ​ບັນດາ​ເຈົ້າ​ໜ້າ​ທີ່ສະຫະລັດ ກໍາລັງ​ແນ່​ເປົ້າ​ໝາ​ຍ​ໃສ່​ເງິນກ້ອນ​ນັ້ນ ຊຶ່ງ​ຈະເປັນ​ພາກສ່ວນ​ຂອງ​ຄວາມ​ພະ​ຍາ​ຍາມ ​ເພື່ອ​ຈໍາ​ກັນ​ຮັດ​ແຄບ​ຄວາມ​ສາມາດ​ຂອງເກົາຫລີ​ເໜືອ ​ໃນ​ການນໍາ​ໃຊ້​ເງິນ​ໃນໂຄງການສ້າງ​ອາ​ວຸດນິວ​ເຄລຍ ​ແລະລູກ​ສອນ​ໄຟ​ຂີ​ປະ​ນາ​ວຸດ
ຊຶ່ງ​ບັນດາ​ປະ​ເທດ​ມະຫາ​ອໍານາດ​ເຫັນ​ວ່າ ​ເປັນ​ການ​ຂົ່ມຂູ່​ຕໍ່ສະຖຽນ​ລະ​ພາບ​ຢູ່​ໃນ​ຂົງເຂດ.