ເຄືອຂ່າຍປະຊາຊົນໄທເພື່ອການອະນຸລັກສິ່ງແວດລ້ອມທໍາ ມະຊາດ ແລະອົງການປະຊາຊົນໃນເຂດຈັງຫວັດນ່ານໃນ ພາກເໜືອຂອງໄທ ໄດ້ຖະແຫຼງການວ່າ ຈະດໍາເນີນການ ເຄຶ່ອນໄຫວຢ່າງເຖິງທີ່ສຸດ ເພື່ອຄັດຄ້ານການກໍ່ສ້າງແນວ ສາຍສົ່ງກະແສໄຟຟ້າແຮງສູງ ຈາກໂຮງໄຟຟ້າຫົງສາລິກ ໄນຕ໌ ທີ່ຢູ່ໃນແຂວງໄຊຍະບຸລີຂອງລາວ ເຂົ້າມາໂດຍຜ່ານ ເຂດຈັງຫວັດນ່ານນັ້ນ. ທັງນີ້ໂດຍເຄືອຂ່າຍປະຊາຊົນໄທໄດ້ໃຫ້ເຫດຜົນວ່າ ແຜນ ການກໍ່ສ້າງແນວສາຍສົ່ງກະແສໄຟຟ້າແຮງສູງດັ່ງກ່າວ ຍັງ ບໍ່ໄດ້ຜ່ານການລົງປະຊາມະຕິຂອງປະຊາຊົນ ໃນພື້ນທີ່ຈັງ ຫວັດນ່ານແຕ່ຢ່າງໃດ ກັບທັງຍັງເປັນໂຄງການທີ່ຈະສົ່ງຜົນກະທົບຕໍ່ສິ່ງແວດລ້ອມທໍາມະ ຊາດ ແລະສະພາບຊີວິດການເປັນຢູ່ຂອງປະຊາຊົນໄທໃນຈັງຫວັດນ່ານຢ່າງກວ້າງຂວາງ
ອີກດ້ວຍ ເນື່ອງຈາກວ່າແນວສາຍສົ່ງກະແສໄຟຟ້າຈະຕ້ອງຜ່ານເຂດປ່າສະຫງວນແຫ່ງ ຊາດ ແລະເຂດຊຸມຊົນນັບເປັນຮ້ອຍໆໝູ່ບ້ານນັ້ນເອງ. ທາງດ້ານເຈົ້າໜ້າທີ່ຂັ້ນສູງໃນກະຊວງພະລັງງານແລະບໍ່ແຮ່ກໍໄດ້ໃຫ້ການຢືນຢັນວ່າ ຄວາມ ເຄື່ອນໄຫວດັ່ງກ່າວຈະບໍ່ສົ່ງຜົນກະທົບກໍ່ການກໍ່ສ້າງໂຮງໄຟຟ້າຫົງສາລິກໄນ ເນື່ອງຈາກຖື ເປັນພາລະແລະຄວາມຮັບຜິດຊອບຂອງການໄຟຟ້າຝ່າຍຜະລິດແຫ່ງປະເທດໄທ (EGAT) ທີ່ຈະຕ້ອງເຈລະຈາຕໍ່ຮອງເພື່ອຕົກລົງກັບເຄືອຂ່າຍປະຊາຊົນໄທໃຫ້ໄດ້.
ສ່ວນການສ່ົ່ງກະແສໄຟຟ້າຈາກໂຮງໄຟຟ້າຫົງສາລິກໄນໄປໃຫ້ EGAT ໃນ ຖານະທີ່ເປັນຜູ້ຊື້ກະແສໄຟຟ້ານັ້ນ ກໍຍັງຄົງເປັນໄປ ຕາມສັນຍາເດີມຊຶ່ງກໍຄືການ ເລີ່ມສົ່ງພະລັງງານໄຟຟ້າ 1,473 ເມກາວັດ ໃຫ້ກັບ EGAT ຂອງໄທນັບແຕ່ທ້າຍປີ 2015 ເປັນ ເວລາ 25 ປີຕິດຕໍ່ກັນ ໂດຍການດໍາເນີນງານກໍ່ສ້າງທີ່ໄດ້ເລີ່ມລົງ ມືນັບແຕ່ປີ 2010 ເປັນຕົ້ນມາຈົນເຖິງປັດຈຸບັນ ກໍເປັນໄປຕາມ ແຜນການ ທີ່ວາງໄວ້ໃນທຸກດ້ານ ຊຶ່ງລວມເຖິງການຊ່ວຍເຫຼືອ ປະຊາຊົນທີ່ຖືກຍົກຍ້າຍອອກ ຈາກເຂດກໍ່ສ້າງດ້ວຍ ດັ່ງທີ່ເຈົ້າ ໜ້າທີ່ຂັ້ນສູງຂອງລາວໄດ້ໃຫ້ການຢືນຢັນວ່າ: “ທີ່ເພິ່ນໄດ້ສືບຕໍ່ຊ່ວຍພັດທະນານີ້ກະມີໂຮງຮຽນ ໂຮງຮຽນມັດທະຍົມສອງຫຼັງ ແລະປະຖົມສອງຫຼັງຢູ່ບ້ານຈັດສັນ ແລະກໍນອກນັ້ນກໍຍັງມີໂຮງຮຽນອະນຸບານ ອີກໜຶ່ງຫຼັງ ສ່ວນການພັດທະນາຕົວເມືອງ ທາງໂຄງການກະໄດ້ຟື້ນຟູເສັ້ນທາງ ໃນຕົວເມືອງໃຫ້ໝົດທຸກບ້ານ ໃນຈໍານວນຫ້າບ້ານ ແລ້ວກໍໄດ້ປັບປຸງໂຮງໝໍ ຂອງເມືອງ ແລ້ວກໍໄດ້ປະກອບອຸບປະກອນທີ່ທັນສະໄໝໃຫ້ແກ່ວຽກງານການ ແພດ ເປັນຕົ້ນແມ່ນເຄຶ່ອງ X-Ray ເຄື່ອງຜ່າຕັດ ແລະຫ້ອງສຸກເສີນຕ່າງໆ.” ໂຮງໄຟຟ້າຫົງສາລິກໄນ ເປັນການຮ່ວມທຶນລະຫວ່າງກຸ່ມບໍລິສັດບ້ານປູພາວເວີ ແລະ ກຸ່ມບໍລິສັດຜະລິດໄຟຟ້າລາດຊະບຸລີຂອງໄທ ກັບລັດວິສາຫະກິດຖືຮຸ້ນຂອງລັດຖະບານ ລາວ ໃນສັດສ່ວນ 40% ຕໍ່ 40% ຕໍ່ 20% ຕາມລໍາດັບ ໂດຍຈະໃຊ້ເງິນລົງທຶນລວມເຖິງ 3,700 ລ້ານໂດລ່າ ແລະພາຍຫຼັງຈາກກໍ່ສ້າງສໍາເລັດແລ້ວ ກໍຈະຜະລິດພະລັງງານໄຟ ຟ້າໄດ້ເຖິງ 1,878 ເມກະມັດ ຊຶ່ງຈະສ້າງລາຍຮັບໃຫ້ກັບກຸ່ມຜູ້ລົງທຶນແລະລັດຖະບານ ລາວໄດ້ ໃນມູນຄ່າສະເລ່ຍເຖິງ 800 ລ້ານຕໍ່ປີ ຫຼື 20,000 ລ້ານໂດລາໃນຕະຫຼອດໄລຍະ ສໍາປະທານ 25 ປີ. ທາງດ້ານທ່ານສຸລິວົງ ດາລາວົງ ລັດຖະມົນຕີວ່າການກະຊວງພະລັງງານແລະບໍ່ແຮ່ ກໍ ໄດ້ຖະແຫຼງຢືນຢັນວ່າ ຈົນເຖິງປັດຈຸບັນລັດຖະບານລາວໄດ້ເຊັນສັນຍາກ່ຽວກັບການລົງ ທຶນກໍ່ສ້າງແຫຼ່ງຜະລິດກະແສໄຟຟ້າຮ່ວມກັບທັງເອກກະຊົນລາວແລະຕ່າງຊາດໄປແລ້ວ ຈໍານວນທັງໝົດ 88 ໂຄງການ ຊຶ່ງ 37 ໂຄງການ ຢູ່ໃນຂັ້ນຕອນການສຶກສາຄວາມເປັນ ໄປໄດ້. 27 ໂຄງການຢູ່ໃນຂັ້ນຂອງການພັດທະນາ. 13 ໂຄງການກໍກໍາລັງກໍ່ສ້າງຢ່າງ ຕັ້ງໜ້າ. ທ່ານສຸລິວົງໄດ້ຢືນຢັນດ້ວຍວ່າ ໃນປັດຈຸບັນນີ້ຢູ່ໃນລາວມີເຂື່ອນທີ່ສ້າງສໍາເລັດແລະສົ່ງ ກະແສໄຟຟ້າແລ້ວ 18 ໂຄງການທີ່ຜະລິດພະລັງງານໄຟຟ້າໄດ້ ລວມກັນ 12,039.67 ລ້ານກິໂລວັດ/ໂມງຕໍ່ປີ ໂດຍໃນນີ້ ໄດ້ສົ່ງໄປຂາຍໃຫ້ການໄຟຟ້າຝ່າຍຜະລິດແຫ່ງປະ ເທດໄທ (EGAT) ຫຼາຍກວ່າ 11,178 ລ້ານກິໂລວັດ/ໂມງ ຫຼືຄິດເປັນມູນຄ່າເຖິງ 470 ລ້ານໂດລາ.
ຮູ້ສຶກວ່າ ເອນຈີໂອໄທນິຈະເວີ້ເກີນໄປ. ຢາກໃຫ້ເຄື່ອຂ່າຍດັ່ງກ່າວໄປສຶກສາລະບົບການສົ່ງໄຟຟ້າ ແລະ ສ້າງໂຮງໄຟຟ້າໃນທົ່ວໂລກ. ຫລາຍປະເທດເຂົາກໍ່ຜະລິດ ແລະ ສົ່ງຂາຍໃຫ້ກັນ. ປະເທດຝລັ່ງໃຊ້ພະລັງງານນິວເຄລຍຕັ້ງ 70 ເປີເຊັນ ຂອງພະລັງງານທັງຫມົດ ທັ່ງໆທີ່ເຂົາເປັນປະເທດປະຊາທິປະໄຕ. ເຄືອຂ່າຍປະຊາຊົນເຂົາບໍ່ໄດ້ຄັດຄ້ານມົວ.
ຢູ່ປະເທດໄທ ຈະສ້າງໂຮງງານນິວເຄລຍຈັກໂຮງກະບໍ່ໄດ້ ພາກັນຄັດຄ້ານຢ່າງໃຫຍ່ແບບຫລັບຫູຫລັບຕາບໍ່ເບິ່ງຊາວໂລກ . ຕ້ອງເຂົ້າໃຈວ່າປະເທດໄທ ບໍ່ແມ່ນປະເທດທີ່ອຸດົມດ້ວຍນ້ຳມັນ- ຖ່ານຫີນ . ຕ້ອງຊື່ພະລັງານຈາກເພື່ອນບ້ານ ແລະ ອາໄສພະລັງງານນິວເຄລຍ
ການຄັດຄ້ານເປັນສິ່ງທີ່ດີ ແຕ່ຢ່າຄັດຄ້ານຈົນຂາດຄວາມຮັບຜິດຊອບ - ຈັກຫນ່ອຍກະລົງນາລົກນຳກັນຫມົດ
