ອົງການນິລະໂທດກຳສາກົນ ຫລື Amnesty International ໄດ້ ອອກລາຍງານປະຈຳປີຂອງຕົນ ກ່ຽວກັບ ສະພາວະການເຄົາລົບ ນັບຖືສິດທິມະນຸດ ຢູ່ໃນປະເທດຕ່າງໆ ໃນປີ 2012. ກ່ຽວກັບ ສປປ ລາວນັ້ນອົງການນິລະໂທດກຳສາກົນເວົ້າວ່າລາວ ຍັງສືບຕໍ່ຈຳກັດຮັດແຄບກ່ຽວກັບອິດສະຫຼະພາບໃນການສະແດງ ອອກ ຊຶ່ງຄວາມຄິດຄວາມເຫັນ ການຄົບຄ້າສະມາຄົມ ແລະການ ໂຮມຊຸມນຸມ. ນັກໂທດຈິດສຳ ນຶກ 3 ຄົນແລະນັກໂທດການເມືອງ ເຜົ່າມົ້ງ 2 ຄົນ ຍັງຖືກຄຸມຂັງຢູ່ຕໍ່ມາ. ນອກນັ້ນ ຍັງມີລາຍງານວ່າ ມີການຮາວີລົບກວນຕໍ່ພວກທີ່ນັບຖືສາສະໜາຄຣິສຕ໌ຢູ່ໃນຫຼາຍໆ ແຂວງແລະຂະນະດຽວກັນກໍມີຄວາມວິຕົກກັງວົນເພີ້ມຂຶ້ນກ່ຽວກັບ ບັນຫາຂັດແຍ້ງເລື່ອງດິນເນື່ອງມາຈາກໂຄງການພັດທະນາຕ່າງໆ ທີ່ສ້າງຜົນກະທົບຕໍ່ຊີວິດການເປັນຢູ່ຂອງປະຊາຊົນ. ລາຍງານຂອງອົງການນິລະໂທດກຳສາກົນ ທີ່ນຳອອກເຜີຍແຜ່ໃນວັນພະຫັດວານນີ້ແຈ້ງວ່າ ສິດເສລີພາບໃນການສະແດງຄວາມຄິດຄວາມເຫັນຍັງສືບຕໍ່ມີການຄວບຄຸມຢ່າງເຄັ່ງໂດຍທີ່ ຄັດ ໂດຍທີ່ສື່ມວນຊົນ ແລະພວກນັກຂ່າວ ຕ້ອງໄດ້ປະຕິບັດຕາມ ນະໂຍບາຍຂອງລັດ ແລະ ການກວດກາຕົນເອງ. ໃນເດືອນມັງກອນປີກາຍນີ້ ກະຊວງຖະແຫຼງຂ່າວ ວັດທະນະທຳແລະ ທ່ອງທ່ຽວໄດ້ ມີຄຳສັ່ງໃຫ້ຢຸດເຊົາລາຍການໂທລະສັບເຂົ້າໄປໂອ້ລົມກ່ຽວກັບຂ່າວຕ່າງໆທາງ ວິທະຍຸ ຊຶ່ງລາຍການທີ່ວ່ານີ້ໄດ້ຮັບຄວາມນິຍົມຈາກປະຊາຊົນຫລາຍຍ້ອນພວກທີ່ໂທເຂົ້າໄປ ແມ່ນພາກັນຈົ່ມທຸກກ່ຽວກັບການຍາດແຍ່ງເອົາດິນ ແລະການສໍ້ລາດບັງຫຼວງ. ລາຍງານ ເວົ້າວ່າ ນັກໂທດຈິດສຳນຶກ ທອງປະເສີດ ເກື້ອກູນ ບົວວັນ ຈັນມະນີວົງ ແລະແສງ ອາລຸນ ແພງພັນຍັງຖືກຄຸມຂັງຢູ່ຕໍ່ມາ ທັງໆທີ່ເຈົ້າໜ້າທີ່ໄດ້ກ່າວອ້າງໃນເດືອນກັນຍາປີ 2011 ວ່າ 2 ຄົນ ໃນຈຳນວນນີ້ ອາດຈະຖືກປ່ອຍ ໃຫ້ເປັນອິດສະຫຼະ. ພວກເຂົາເຈົ້າໄດ້ຖືກຈັບ ໃນ ເດືອນຕຸລາປີ 1999 ຍ້ອນພະຍາຍາມຈັດການໂຮມຊຸມນຸມປະທ້ວງຢ່າງສັນຕິ. ສ່ວນທ້າວ Moua ແລະ ທ້າວ Pa Fue Khang ຊຶ່ງເປັນນັກໂທດການເມືອງເຜົ່າມົ້ງ ໄດ້ຖືກ ຫຼຸດຜ່ອນໂທດໃຫ້ 9 ເດືອນຈາກໂທດຈຳຄຸກ 12 ແລະ 15 ປີຕາມລຳດັບ. ພວກເຂົາເຈົ້າຖືກ ຈັບ ໃນປີ 2003 ຍ້ອນໄດ້ຊ່ອຍພວກນັກຂ່າວຕ່າງປະເທດ ເກັບກຳຂ່າວກ່ຽວກັບຊາວມົ້ງ ທີ່ ຫຼົບລີ້ຢູ່ໃນປ່າດົງ ທາງພາກເໜືອຂອງລາວ. ລາຍງານຂອງອົງການນິລະໂທດກຳສາກົນ ເວົ້າວ່າ ທ່າມກາງຄວາມວິຕົກກັງວົນກ່ຽວກັບບັນ ຫາຂັດແຍ້ງເລື່ອງດິນທີ່ມີເພີ້ມຂຶ້ນນັ້ນໃນເດືອນມິຖຸນາປີກາຍເຈົ້າໜ້າທີ່ລາວໄດ້ປະກາດໂຈະ ການໃຫ້ສຳປະທານໃໝ່ ກ່ຽວກັບການລົງທຶນໃນດ້ານບໍ່ແຮ່ແລະເຮັດສວນຢາງ ຍ້ອນຜົນກະ ທົບຕໍ່ສິ່ງແວດລ້ອມແລະຄວາມເປັນຫ່ວງດ້ານສັງຄົມ. ໃນເດືອນມິຖຸນາມີຊາວບ້ານ 8 ຄົນຖືກ ຈັບ ຍ້ອນພາກັນຍື່ນໜັງສືຮ້ອງຮຽນຕໍ່ເຈົ້າໜ້າທີ່ ເນື່ອງຈາກມີບັນຫາຂັດແຍ້ງ ກັບບໍລິສັດເຮັດ ສວນຢາງຫວຽດນາມທີ່ແຂວງເຊກອງ. ພວກເຂົາເຈົ້າຖືກປ່ອຍໂຕໄປຫລັງຈາກຖືກກັກໂຕໄວ້ ສາມສີ່ມື້. ອີກໂຕຢ່າງນຶ່ງ ຂອງການຈໍາກັດຮັດແຄບ ສິດເສລີພາບໃນການປາກເວົ້ານັ້ນ ອົງການນິລະ ໂທດກຳສາກົນ ໄດ້ກ່າວເຖິງການຫາຍໂຕໄປ ຂອງທ່ານສົມບັດ ສົມພອນ ນັກສັງຄົມພົນລະ ເຮືອນທີ່ມີຊື່ສຽງ ຍ້ອນວຽກງານສົ່ງເສີມການສຶກສາ ແລະ ການພັດທະນາແບບຍືນຍົງ ທີ່ໄດ້ ຖືກນຳໂຕໄປຈາກລົດຈິບຂອງທ່ານໂດຍກຸ່ມຄົນທີ່ບໍ່ຮູ້ວ່າເປັນຝ່າຍໃດ ຫຼັງຈາກຖືກຕຳຫຼວດ ຢຸດລົດຢູ່ນະຄອນຫລວງວຽງຈັນ. ທ່ານເປັນຜູ້ຊ່ອຍໃນການຈັດກອງປະຊຸມລະຫວ່າງປະຊາ ຊົນຕໍ່ປະຊາຊົນຂອງເອເຊຍ-ຢູໂຣບ ທີ່ນະຄອນວຽງຈັນ ໃນເດືອນຕຸລາ ປີກາຍນີ້.
ແມ່ນໆເວົ້າຖືກຕ້ອງເລີຍລະ ແລະ ສິດຊິສຳພາດຜູ້ນຳພັກລັດຍັງບໍເຄີຍເຫັນ ນັກຂ່າວໄປຢຶນສຳພາດສົດໆນາຍົກປະທານປະເທດ ເຄີຍເຫັນແຕ່ສະໄຫມເລືອກຕັ້ງ ທ່ານຈູມຊິໄດ້ຂຶ້ນເລື່ອນຕຳແຫນ່ງ ແລະບໍເຄີຍລັດຖະມົນຕິ ຕອບຄຳຖາມແບບຈັງໆເລິຍ
ຢາກໃຫ້ມີການສຳພາດຄືໄທຍີ່ປຸ່ນ ແລະປະເທດອື່ນໆລອງເບິ່ງບໍມີຄົນຂຽນຄຳເວົ້າໃຫ້ຄືປາໃສໃນທີ່ປະຊຸ່ມແລະບ່ອນຕ່າງໆເພີ່ນຊິເອີອາເວົ້າໄດ້ດີສຳໃດ
