ຂໍ້ມູນໃຫມ່ເຣື້ອງ ທ.ສົມບັດ

ຣົດກະບະ ສີຂາວ ທີ່ ນໍາເອົາໂຕ ທ່ານ ສົມບັດ ສົມພອນ ໄປຈາກ ປ້ອມຍາມ ຕໍາຫຼວດ, ຫລັກຖານໃໝ່ ທີ່ ທາງອົງການ ສາກົນ ຄົ້ນພົບ ຈາກກ້ອງ ວົງຈອນປິດ

ແມ່ນມີການ ຍິງປືນຂຶ້ນຟ້າ ຊື່ງຫວັງວ່າ ອາຈໄດ້ອອກ ສູ່ສາຍຕາ ຂອງຊາວໂລກ

ມີຂໍ້ມູນ ໃຫມ່ ທີ່ຄົ້ນພົບ ໃນຊ່ວງ ທີ່ ທ່ານສົມບັດ ສົມພອນ ຖືກຈັບ. ຫນ່ວຍງານ ຄົ້ນຄວ້າ ແລະພິສູດ ຫລັກຖານ ຈາກອົງການ ນິຣະໂທດກັມ ສາກົນ ໃຫ້ການວ່່າ: ອິງຕາມ ການສັນຣະສູດ ຈາກ ກ້ອງວົນຈອນປິດ ທີ່ ພັລຍາ ຂອງທ່ານ ສົມບັດ ໄດ້ copy ສົ່ງໃຫ້ ແລະ ພົບວ່າ ມີມືປືນ ໃນເວລາ ທີ່ ທ່ານສົມບັດ ຖືກຈັບ ແລະ ມີການຍິງປືນ ຂຶ້ນຟ້າ ໃນເວລານັ້ນ, ເຫດການ ດັ່ງກ່າວ ເປັນ ສິ່ງສຳຄັນ ເພາະ ເຈົ້າຫນ້າທີ່ ຕຳຣວດລາວ ໃນປ້ອມ ຕຳຣວດ ແຫ່ງນັ້ນ ບອກວ່າ ສະຖານນະການ ໃນ ຄຶນນັ້ນ ປົກກະຕິດີ . ທາງ ອົງການ ສາກົນ ເວົ້າວ່າ ຈະເປັນ ປົກກະຕິ ໄດ້ຢ່າງໃດ ເພາະມີ ເຫດການ ເກີດຂຶ້ນ ໃນຄືນນັ້ນ.

ອົງການ ນິຣະໂທດກັມ  ສາກົນ ບອກວ່າ ການສືບສວນ ຂອງ ຕຳຣວດລາວ ຍັງຂາດ ມາຕຖານ ແລະ ຂາດຄວາມ ໂປ່ງໄສ ຫລາຍ, ການສລຸບຜົລ ແບບ ແປກ ປະຫລາດ ແລະ ຜິດ ປົກກະຕິ ທີ່ວ່າ ບໍ່ມີຫຍັງ ເກີດຂຶ້ນ ໃນຄືນ ເກີດເຫດ ທັ້ງໆທີ່ ເຈົ້າຫນ້າທີ່ ເປັນຜູ້ ຢຸດຣົຖ ທ່ານ ສົມບັດ ແລະ ໃຫ້ມືປືນນຳ ເອົາທ່ານ ຂຶ້ນຣົຖໄປ.

ນອກຈາກນັ້ນ ທາງການລາວ ຍັງ ປະຕິເສດ ການຊ່ອຍເຫຼືອ ໃນການ ສືບສວນ ດັ່ງກ່າວ ຈາກ ຕ່າງປະເທດ ຕົວຢ່າງ: ອົງການ ສາກົນ ຕ້ອງການ ວິຈັຍ ຮູບພາບ ໃນກ້ອງ ວົງຈອນປິດ ຢ່າງຣະອຽດ ດ້ວຍການໃຊ້ ເທັກໂນໂລຈີ ທີ່ ທັນສມັຍ ເພື່ອຢາກຮູ້ ປ້າຍຣົຖ ຂອງ ຄັນທີ່ເອົາ ທ່ານສົມບັດ ໄປຈາກ ປ້ອມຕໍາຫຼວດ ແລະ ຢາກຮູ້ຫນ້າຕາ ຂອງບຸກຄົນ ທີ່ເອົາທ່ານໄປ. ແຕ່ ທາງການລາວ ກໍ ປະຕິເສດ ທີ່ຈະໃຫ້ ຄວາມຮ່ວມມື.

ອົງການ ນິຣະໂທດກັມ ສາກົນ ໄດ້ພຍາຍາມ ຂໍເຂົ້າໄປ ສປປ ລາວ ແລະ ຢາກໂອ້ລົມ ກັບ ເຈົ້າຫນ້າທີ່ ລາວ ກ່ຽວກັບ ເຣື້ອງນີ້ ບໍ່ວ່າໃນລາວ ຫລື ຢູ່ ຕ່າງປະເທດ ແຕ່ ຄຳຮ້ອງຂໍນັ້ນ ກໍຖືກ ປະຕິເສດ ຈາກ ທາງການລາວ ມາຕຣອດ.