ລາວໂຮມລາວ ເພື່ອປະຊາທິປະໄຕ

Anonymous wrote:

---

ຄວາມໂງ່ຂອງພັກຜູ້ສລາດສ່ອງໃສ ເສັຍດິນແດນໃກ້ແກວຮວມທັງໝົດເກືອບຈະຮອດ 30 ກິໂລແມັດມົນທົນ

ຕາມແນວຊາຍແດນທີ່ແກວຫຍັບເຂົ້າມາກວມເອົາ, ເບິ່ງຝ່າຍເຈົ້າໜ້າທີ່ລາວພາກັນຫຍິ່ງແຂ້ວແຫ້ງແນມເບິ່ງ

ໜ້າກັນຢູ່ ເມື່ອແກວມັນວ່າເຂດນີ້ຮອດບ່ອນຫັ້ນ ເຂດນັ້ນຮອດບ່ອນນີ້. ບັກສລາດສ່ອງໃສບໍ່ມີບັກໃດກ້າອ້າປາກ

ອອກຕໍ່ວ່າເລີຍ ທັງໆທີ່ຮູ້ວ່າພວກແກວໂກງເອົາເນື້ອທີ່ຕາດິນທີ່ເປັນຂອງຕົນເອງຕັ້ງແຕ່ສມັຍຝຣັ່ງຂີດໝາຍໃຫ້

ແລະເສັ້ນຊາຍແດນອັນເກົ່ານັ້ນທັງສອງປະເທດກໍມີຄວາມພໍໃຈມາເປັນເວລານານກ່ວາຮ້ອຍປີແລະກໍບໍ່ເຄີຍມີບັນ

ຫາກັນ. ສົມແກວເຂົາເວົ້າໃຫ້ວ່າລາວຕາຂາວຂີ້ຢ້ານແກວຈົນຫຍ່ຽວເຫັ່ຍ. ອີກບໍ່ດົນພູແດນແກວກໍຈະບໍ່ມີເພາະ

ແກວມັນຈະບໍ່ຢຸດແຕ່ທໍ່ນີ້ ມັນຈະຫຍັບເຂົ້າມາຫຍັບເຂົ້າມາຈົນລ່ວງກວມຂ້າມເອົາພູແດນແກວໄປເປັນຂອງມັນ.

ຄືບໍ່ເຫັນກ້າດ່າແກວວ່າມັນມາປຸ້ນສະດົມເອົາຜືນແຜ່ນດິນລາວແບບທີ່ພາກັນປະກາດກ່າວປະນາມວ່າຈັກກະພັດ

ອາເມຣິກາມາປຸ້ນເອົາຜືນແຜ່ນດິນອັນແສນຮັກແພງໄປໝົດ. ມີບໍ່ວ່າຈັກກະພັດອາເມຣິກາພາກັນໄປປັກຫຼັກ

ໝາຍໄວ້ວ່າເປັນດິນຂອງມັນ?

ອີກບໍ່ດົນກໍຈະແມ່ນຈີນຈະມາປັນໝາຍຊາຍແດນຢູ່ພາກເໜືອຂອງລາວອີກ. ໃຫ້ພວກສູພາກັນສລາດສ່ອງໃສໄປ

ໂລດ ອັນທີ່ວ່າສລາດສ່ອງໃສແບບເສັຍດິນເສັຍດອນໃຫ້ເຈັກກັບແກວຫັ້ນ, ດີບໍ່ດີ ປະເທດໄທກໍຈະນຳກົ້ນແກວກັບ

ເຈັກ ຫາປັກຫຼັກຊາຍແດນບ່ອນດິນຕໍ່ແຜ່ນອີກ. ໃຫ້ພວກສູຍ້ອງພວກສູເອງວ່າສລາດສ່ອງໃສໄປໂລດ ບາດສິຮູ້ສຶກ

ໂຕກໍຈະແມ່ນບາດບໍ່ມີແຜ່ນດິນເປັນຂອງຕົນເອງພຸ້ນລະ.

---

 ບໍ່ແມ່ນຫຍີ່ງແຂ້ວແຫ້ງ ເພີ່ນຍີ້ມແຍ້ມແຈ່ມໃສດ້ວຍຄວາມເບີກບານມ່ວນຊື່ນ

ເບີ່ງຮູບຄັກໆແດ່, ໄປເບີ່ງຫລັກ ຊາຍແດນແລ້ວ ວຽດນາມກໍ່ພາໄປລ້ຽງສລອງ

ມ່ວນຊື່ນອີກຊັ້ນຕວາ ມີແຕ່ແນວມ່ວນຊື່ນກັນທັງນັ້ນເດີ່ ບໍ່ມີດອກຫຍີ່ງແຂ້ວແຫ້ງ

Anonymous wrote:

---

ຕາມປະຫວັດສາດ ແມ່ນເສັ້ນຊາຍແດນຢູ່ລະຫວ່າງ ແດນແກວໄມ້ລົົ້ມແບ່ງ ຄືບ່ອນສັນພູ ຍອດສຸດຂອງພູູລະຫວ່າງນ້ຳຕົກໄປຄົນລະຝາກ ຖ້າຫຍັບເຂົ້າມາໃນດິນລາວ ແມ່ນເສັຍ ປຽບສຸດໆ 

---

 ກາຍໄມ້ລົ້ມແບ່ງຍັບເຫຼິກເຂົ້າມາກາຍເສັ້ນຊາຍແດນເກົ່າເຂົ້າມາດິນລາວ ປະມານ 5km, ແລະຊາຍແດນແຕ່ເໜືອເຖິງໃຕ້

ຍາວ 2067km----> ( 2067km x 5km = 10,335 km2 ) ນ້ຳເບີໂຕເລກສີແດງນັ້ນແມ່ນເນື້ອທີ່ຫຼືແຜ່ນດິນລາວທີ່

ຖືກແກວຫຍ້ຳໄປແລ້ວໃນການປັກຫຼັກຊາຍແດນໃໝ່ນີ້. ຣັຖະບານລາວບໍ່ມີທ່າທີທີ່ຈະຕໍ່ວ່າແກວແຕ່ປະການໃດ ທັ່ງໆທີ່ຮູ້ວ່າ

ແກວຍັບເສັ້ນຊາຍແດນເຂົ້າມາກາຍຊາຍແດນເກົ່າເຫຼິກເຖິງ 5ກລມ. ປະຊາຊົນລາວທີ່ອາໄສຢູ່ໃນເຂດນັ້ນຈຳຕ້ອງໄດ້ອົພະຍົບ

ໜີອອກຈາກດິນດອນຕ່ອນຫຍ້າທີ່ເຄີຍສ້າງທຳມາຫາກິນມາຫລາຍເຊັ່ນຄົນແລ້ວ. ແກວມັນບໍ່ຍອມຮັບເອົາຄົນລາວທີ່ອາໄສຢູ່

ດິນແດນແຫ່ງນັ້ນ ມັນສັ່ງໃຫ້ຍົກຍ້າຍໜີແລະໃຫ້ເວລາຈຳກັດອິກດ້ວຍ.

ປະຊາຊົນບໍ່ກ້າມີສຽງຫຍັງໝົດ ເພາະເກງກົວຕໍ່ຄວາມບໍ່ປອດພັຍຂອງຄອບຄົວ, ຕ່າງກໍບໍ່ພໍໃຈແຕ່ກໍເຮັດຫຍັງບໍ່ໄດ້. ການປັກຫຼັກ

ເສັ້ນຊາຍແດນ ລາວ-ແກວຄັ້ງນີ້ອາດມີການຊື້ຂາຍແຜ່ນດິນລະຫວ່າງຜຸ້ນຳລາວແລະແກວກໍອາດເປັນໄປໄດ້ ເພາະຣັຖະບານລາວ

ບໍ່ມີການຕໍ່ວ່າແກວແຕ່ປະການໃດເລີຍ ແລະຣັຖະບານລາວກໍໄດ້ປົກປິດເປັນຄວາມລັບທີ່ແກວສັ່ງໃຫ້ປະຊາຊົນລາວທີ່ອາສັຍຢູ່ບົນຜືນ

ແຜ່ນດິນເຫຼົ່ານັ້ນມາກ່ອນຍົກຍ້າຍອອກໜີພາຍໃນ 6 ເດືອນ.

ບັດນີ້ເຫັນແລ້ວບໍ່ແມ່ນໃຜຂາຍຊາດຂາຍແຜ່ນດິນກັນແທ້? ຢ່າສູ່ພາກັນຍ້ອງຫລາຍວ່າພັກລັດສລາດສ່ອງໃສນັ້ນ, ສລາດສ່ອງໃສ

ຂາຍຊາດຂາຍແຜ່ນດິນໃຫ້ແກວແລະກິນຫົວປະຊາຊົນນັ້ນຂໍຍົກໂປ້ແຖມກ້ອຍໃຫ້ພ້ອມ. ພາກັນຍ້ອງເອົາໂລດເດີ້ພັກລັດຊາຍຂາຍ

ແຜ່ນດິນກິນນັ້ນ.

ອ່ານຂ່າວໃຫມ່ຕື່ມອີກ

<http://www.pasaxon.org.la/conten/5-7-13/12.htm>

ອ່ານຕໍ່

​ໂຄງການ​ດັ່ງກ່າວ​ນີ້​ໄດ້ເລີ່​ມຕົ້ນປະຕິບັດ​ມາ​ແຕ່​ປີ 2008, ຫລັກ​ຫມາຍ​ຫລັກ​ທຳອິດ ​(​ເລກທີ 605) ​ໄດ້​ປັກ​ຢູ່ເທິງ​ເສັ້ນຊາຍ​ແດນ​ລາວ​-ຫວຽດນາມບໍລິ​ເວນ​ດ່ານ​ສາກົນ
​ແດນສະຫວັນ (ສະຫວັນ​ນະ​ເຂດ)-ລາວ​ບາ​ວ (ກວາງ​ຈິ​), ຊຶ່ງສະຫາຍ ດຣ. ທອງ​ລຸນ ສີ​ສຸ​ລິດ ຮອງ​ນາຍົກລັດຖະມົນຕີ,  ລັດຖະມົນຕີ​ວ່າການ​ກະຊວງ​ການຕ່າງປະ​ເທດ
ສປປ ລາວ ​ແລະ ສະຫາຍ ຟາ​ມ ຢາ ຄຽມ ຮອງນາຍົກ​ລັດຖະມົນຕີ, ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ​ ສ.ສ ຫວຽດນາມ ​ໄດ້​ພ້ອມ​ກັນ​ເຂົ້າ​ຮ່ວມ​ເປັນ​ສັກຂີ
​ພິຍານ​ໃນ​ພິທີ​ເປີດ​ຫລັກ​ໝາຍຫລັກ​ປະຖົມມະ​ເລີກ​ດັ່ງກ່າວ​ທີ່​ມີ​ຄວາມ​ສະຫງ່າ​ຜ່າ​ເຜີຍ, ບັນຍາກາດ​ເບີກບານ​ມ່ວນ​ຊື່ນ ​ແລະ  ມີ​ຄວາມໝາຍ​ສຳຄັນຍິ່ງ​ໃນ​ປະຫວັດສາດ​ຂອງ
​ການພົວພັນ​ສອງ​ຊາດ​ລາວ-ຫວຽດນາມ.

ທ່ານ​ນາຍົກລັດຖະມົນຕີລາວ ​ແລະຫວຽດນາມ​ຈະ​ເຂົ້າຮ່ວມ​ພິທີ​ສະ​ເຫລີ​ມສະຫລອງຜົນ​ສຳ​ເລັດ​ຂອງ​ວຽກ​ງານ​ການປັກ​ຫລັກ​ຫມາຍ​ຊາຍ​ແດນ​ຢູ່ພາກ​ສະຫນາມ​ໃນ​ວັນ​ທີ
9 ກໍລະ​ກົດ 2013. ການ​ເຂົ້າຮ່ວມຂອງ​ສອງ​ນາຍົກລັດຖະມົນຕີ ​ໃນ​ພິທີ​ສະຫລອງ​ດັ່ງກ່າວ​ເປັນການ​ປຸກລະດົມ​ກຳລັງ​ໃຈ​ອັນໃຫຍ່​ຫລວງ​ໃຫ້​ທົ່ວ​ພັກ, ທົ່ວກອງທັບ​ແລະປວງ
​ຊົນ​ທັງສອງ​ປະ​ເທດ​ໃນ​ການ​ເພີ່ມ​ທະວີ​ສາຍ​ພົວພັນ​ມິດຕະພາບ​ອັນຍິ່ງ​ໃຫຍ່, ຄວາມ​ສາມັກຄີ​ແບບພິ​ເສດ ​ແລະ  ການ​ຮ່ວມ​ມື​ຮອບດ້ານ​ລາວ-ຫວຽດນາມ​ທີ່​ປະທານ ​ໄກສອນ
ພົມວິຫານ ​ແລະ ປະທານ ​​ໂຮ່ຈິ​ມິນໄດ້ເພີ່ມ​ພູນ​ຄູນ​ສ້າງ​ໄວ້​ໃຫ້​ນັບ​ມື້ນັບ​ສືບຕໍ່ຂະຫຍາຍຕົວ ​ແລະ ​ເກີດ​ດອກອອກ​ຜົນ​ຢ່າງ​ບໍ່​ຢຸດ​ຢັ້ງ.

ຂ້າພະ​ເຈົ້າ​ຂໍ​ຖື​ໂອກາດນີ້, ສະ​ແດງ​ຄວາມ​ຊົມ​ເຊີ​ຍມາ​ຍັງຄະນະ​ກຳມະການ​ຊາຍ​ແດນຂອງ​ສອງ​ປະ​ເທດ, ບັນດາ​ຂະ​ແໜງ​ການທີ່​ກ່ຽວຂ້ອງ, ອຳນາດ​ການ​ປົກຄອງ​ທ້ອງ​
ຖິ່ນ ​ແລະ ຫນ່ວຍ​ປະສົມ​ປັກ​ຫລັກຫມາຍ​ທັງ 10 ຄູ່​ແຂວງ​ທີ່​ມີຊາຍ​​ແດນ​ຕິດ​ຈອດ​ກັນ​ທີ່​ໄດ້ເສຍສະລະ​ເຫື່ອ​ແຮງ ​ແລະ  ສະຕິ​ປັນຍາຜ່ານ​ຜ່າ​ຄວາມ​ຫຍຸ້ງຍາກ​ນາໆ​ປະການ​ທີ່​

ອ່ານຕໍ່

ຕອບ: ລັດຖະບານ​ທັງສອງ​ປະ​ເທດ​ໄດ້​ມີ​ນະ​ໂຍບາຍສົ່ງ​ເສີມ​ການ​ພົວພັນ​ຮ່ວມ​ມື, ການ​ຄ້າ,  ການ​ລົງທຶນ​ລະຫວ່າງສອງ​ຝ່າຍ ແລະ ການ​ເຊື່ອມໂຍງ​ໃນ​ລະດັບ​ພາກພື້ນ​
ເພື່ອຍົກ​ລະດັບ​ຊີວິດ​ການ​ເປັນ​ຢູ່ຂອງ​ປະຊາຊົນ​ໃຫ້​ນັບ​ມື້ນັບ​ດີຂຶ້ນ, ປະກອບສ່ວນ​ສຳຄັນ​ເຂົ້າໃນ​ການ​ລົບ​ລ້າງ​ຄວາມທຸກ​ຍາກ​ຂອງ​ປະຊາຊົນບັນດາ​ເຜົ່າຢູ່​ຕາມ​ບໍລິ​ເວນ​ຊາຍ​ແດນ.

ອີງ​ໃສ່​ຄວາມ​ຮຽກຮ້ອງຕ້ອງການ​ຕົວ​ຈິງລັດຖະບານໄດ້​ອະນຸຍາດ​ໃຫ້​ເປີດ​ດ່ານ ​ແລະ ຍົກ​ລະດັບດ່ານ​ຊາຍແດນ​ຮ່ວມ​ກັນ, ຊຶ່ງມາ​ເຖິງ​ປະຈຸ​ບັນ​ດ່ານ​ຊາຍ​ແດນ​ປະ​ເທດລາວ
-ຫວຽດນາມ​ໄດ້​ຮັບ​ການຍົກ​ລະດັບ​ຂຶ້ນ​ເປັນ​ດ່ານ​ສາກົນລວມມີ​ຈຳນວນ 7 ດ່ານ, ດ່ານແຫ່ງ​ຊາດ 17 ດ່ານ  ​ແລະ ດ່ານປະ​ເພນີ​ຈຳນວນ 23 ດ່ານ. ນອກຈາກນັ້ນຍັງ​ມີ​ແຜນ
ການຈະ​ຍົກ​ລະດັບ​ດ່ານ​ລາ​ໄລ (ສາລະ​ວັນ)-​ລາ​ໄລ (ກວາງ​ຈິ) ຂຶ້ນເປັນ​ດ່ານ​ສາກົນ, ຍົກ​ລະດັບດ່ານ​ນ້ຳ​ອອນ  (ບໍລິ​ຄຳ​ໄຊ)-​ແຖງ​ຖຸ້ຍ (​ເຫ​ງະອານ)  ຂຶ້ນ​ເປັນດ່ານ​​ແຫ່ງ​ຊາດ.
ທັງ​ສອງ​ດ່ານດັ່ງກ່າວ ຊຶ່ງປະຈຸ​ບັນ​ຝ່າຍ​ລາວຍັງ​ກະກຽມ​ຄວາມ​ພ້ອມ​ດ້ານພື້ນຖານ​ໂຄງລ່າງ​ຕື່ມ​ອີກ, ຖ້າມີ​ຄວາມ​ຈຳ​ເປັນ​ກໍ່​ຈະ​ຍົກ​ລະດັບ​ດ່ານ​ເຂົ້າ - ອອກ​ຕື່ມ​ເພື່ອສືບຕໍ່​ອຳນວຍ
​ຄວາ​ມສະດວກໃຫ້​ແກ່​ການ​ເຊື່ອມ​ໂຍງອະນຸພາກພື້ນກໍ່​ຄື​ກາ​ນຊຸ​ກຍູ້​ສົ່ງ​ເສີມການ​ພົວພັນ ​ແລະ ຮ່ວມ​ມື​ສອງຝ່າຍ.

​ຂໍ​ອະນຸຍາດ​ນຳ​ທ່ານລັດຖະມົນຕີ​ຊ່ວຍ​ວ່າການຖາມ​ອີກ​ຫນຶ່ງ​ຄຳ​ຖາມ: ສະພາບການ​ຫຍໍ້​ທໍ້​ທີ່​ເກີດ​ຂຶ້ນຕາມ​ບໍລິ​ເວນ​ຊາຍ​​ແດນ​​ໄດ້​ຮັບ​ການ​ແກ້​ໄຂ​ແນວ​ໃດ?.

​ຕອບ: ສອງ​ປະ​ເທດ​ລາວ-ຫວຽດນາມ​ມີ​ມູນ​ເຊື້ອສາຍພົວພັນ​ແບບ​ພິ​ເສດ, ຖານ​ສະຫາຍ​ອ້າຍ​ນ້ອງ, ທັງ​ສູນ​ກາງ ​ແລະ ທ້ອງ​ຖິ່ນ​ແມ່ນ​ໄດ້​ມີ​ການຊ່ວຍ​ເຫລືອ​ຊຶ່ງ​ກັນແລະກັນ,
ສອງ​ອົງການ​ຊາຍ​ແດນ​ໄດ້ມີການ​ປະສານ​ສົມທົບ​ກັນ​ຢ່າງ​ແຫນ້ນ​ແຟ້ນ, ມີ​ການ​ແລກປ່ຽນຂໍ້​ມູນ​ຂ່າວສານ​ກັນ​ເປັນ​ປະຈຳ ​ແລະ ​ແກ້​ໄຂ​ບັນຫາ​ຫຍໍ້​ທໍ້​ທີ່ເກີດ​ຂຶ້ນ​ໄດ້​ດີ​ພໍ​ສົມຄວນ. ສຳ
ລັບບັນຫາ​ການ​ຍົກ​ຍ້າຍຕັ້ງພູມລຳ​ເນົາ​ຕາມ​ລຳພັງ​ໃຈ ​ແລະ ​  ແຕ່ງງານ​ບໍ່​ຖືກ​ລະບຽບຂອງ​ປະຊາຊົນ​ບັນດາ​ເຜົ່າ​ຢູ່ຕາມ​ບໍລິ​ເວນ​ຊາຍ​ແດນ, ສອງຝ່າຍ​ກໍ່​ໄດ້​ເອົາ​ໃຈ​ໃສ່​ໃຫ້​ຄວາມ
ສຳຄັນ ​ໃນ​ການ​ແກ້​ໄຂ ຊຶ່ງ​ໃນ​ໂອກາດ​ເຂົ້າ​ຮ່ວມ​ພິທີ​ສະ​ເຫລີ​ມສະຫລອງ​ຫລັກ​ຫມາຍ​ຄັ້ງນີ້ ກໍ່​ຈະ​ໄດ້​ລົງ​ນາມ​ໃນ​ຂໍ້​ຕົກລົງ​ວ່າ​ດ້ວຍການ​ແກ້​ໄຂ​ບັນຫາດັ່ງກ່າວ.

ສ່ວນ​ບັນຫາ​ອື່ນໆ​ກໍ່​ມີ​ເຊັ່ນ:  ການ​ລັກລອບຕັ​​ດ​ໄມ້, ຂຸດ​ຄົ້ນ​ເຄື່ອງ​ປ່າ​ຂອງ​ດົງ,  ລ່າສັດ, ລັກ​ຂຸດ​ຄົ້ນ​ແຮ່​ທາດ, ການຄ້າຂາຍ​ເຖື່ອນ ​ແລະ ການ​ຄ້າຢາ​ເສບ​ຕິດສອງ​ຝ່າຍ​ໄດ້​ມອບ
ຫມາຍ​ໃຫ້​ອຳນາດ​ການ​ປົກຄອງ​ແຂວງ​ຊາຍ​​ແດນ ​ແລະ ​ເຈົ້າ​ຫນ້າ​ທີ່​ກ່ຽວຂ້ອງ​ຂອງ​ສອງຝ່າຍ​ປະສານ​ສົມທົບ​ກັນ​ແກ້​ໄຂ​ບັນຫາ​ດັ່ງກ່າວ.