ລາວໂຮມລາວ ເພື່ອປະຊາທິປະໄຕ

Anonymous wrote:

---

 ເຄີຍໄດ້ຍິນຄົນລາວຫຼາຍຄົນ ໂດຍສະເພາະພະນັກງານບຳນານ

ເມື່ອເວົ້າເລື້ອງການສ້າງສາພັດທະນາ ແລ້ວ

ມັກຈະໄດ້ຍິນເຂົາເວົ້າໃນທຳນອງທີ່ວ່າ

ບໍ່ມີຍຸກໃດສະໃໝໃດ ຈະເລີນຮຸ່ງເຮືອງເທົ່າສະໃໝນີ້

 

ໃນທັດສະນະຄະຕິຂອງເຮົາ ຜູ້ຕັ້ງກະທູ້ນີ້ ຄິດວ່າ

ເປັນຄວາມຄິຄຂອງຄົນທີ່ໜ້າສົງສານ ບໍ່ມີທາງອອກແລ້ວ 

ເຮົາຮູ້ສຶກຜິດຫວັງທີ່ໄດ້ຍິນນາຍົກເວົ້າຄວາມນີ້

 ທ່ານ ນາຍົກເອງກະເວົ້າ ຢູ່ກອງປະຊຸມສະພາ ວ່າງ 3-4 ມື້ມານີ້

ເຮົາບໍ່ໄດ້ຕິດຕາມເບິ່ງຫຼາຍດອກ ເພາະມັນບໍ່ເປັນຕາສົນໃຈຫຍັງ ຄືໂຕເດຊັນ ຫຼິ້ນ ລຳເລື່ອງ

ເວົ້າເລື້ອງເກົ່າ ຈົ່ມທຸກຈົ່ມຍາກ ມະຫຼ້ຳມະກ໋ອຍຍ ກະຕົບມືພືຜ້າ 

ເປືອງເງິນເປືອງໄຟ,.................

ຂໍເຊີນວິເຄາະຊ່ວຍກັນ

ຂອບໃຈ

---

ບໍ່ມີຍຸກໃດສະໃໝໃດ ໂກງກິນບ້ານກິນເມືອງເທົ້າສະໄໝນີ້

ເຖິງລັດຖະມູນຕີກະຊວງການເງິນ: ການປັບປຸງ ກົງຈັກການຈັດຕັ້ງພາສີເຂດ IV ທ່ານຢ່າດ່ວນປັບປຸງ.ລໍຖ້າປະເທດຊາດບ້ານເມືອງຫຼົ້ມຈົມກ່ອນຈຶ່ງຄ່ອຍປັບປຸງແກ້ໄຂ.ພິຈາລະນາໄປ
ກ່ອນ ເພາະພະນັກງານພາສີແຕ່ລະທ່ານ,ນັບແຕ່ຫົວໜ້າເຂດ,ຄະນະເຂດ,ຫົວໜ້າດ່ານ,ຄະນະດ່ານ ແລະ ພະນັກງານວິຊາການທັງຫຼາຍຊີວິດການເປັນຢູ່ຍັງຝຶດເຄືອງຢູ່.ທີ່ພັກພາອາ
ໄສກໍ່ມີເຮືອນແຕ່ຜູ້ລະ 2-3 ຫຼັງ.ສ່ວນພາຫະນະຮັບໄຊ້ຄອບຄົວກໍ່ຍັງຂີ່ແຕ່ລົດກະບະຢູ່ ບໍ່ທັນມີລົດຄັນຫຼູໆງາມໆຂີ່ ແບບພະນັກງານພາສີເຂດ III ແລະ ເຂດ V.

ປະຈຸບັນບັນດາທ່ານຜູ້ກະທຳຜິດຕໍ່ລະບຽບວິໄນການເງິນເຊັ່ນ: ສໍ້ໂກງເອົາເງິນລັດໂດຍຫຼາຍວິທີ ແຕ່ລະປີມີຜູ້ກະທຳຜິດ ແລະ ຈະຕ້ອງຖືກວິໄນຈຳນວນຫຼາຍໂດຍສະເພາະໃນຂົງເຂດສ່ວຍສາອາກອນ ເພາະວ່າເງິນຈຳນວນຫຼວງຫຼາຍແມ່ນເງິນຂອງປະຊາຊົນທີ່ກຳລັງປະກອບສ່ວນໃຫ້ລັດ, ຄະນະກຳມະການກວດກາໄດ້ກວດກາເຫັນຢ່າງຈະແຈ້ງແລ້ວ ແຕ່ລາຍງານຂັ້ນເທິງໄປເພິ່ນພັດມີວິທີ່ແກ້ໄຂທີ່ເໝາະສົມຄື ຍ້າຍໄປພັກເຢັນຊົ່ວຄາວຂະແໜງການອ່ືນ ໂດຍບໍ່ປະຕິບັດວິໄນການເງິນທີ່ລະບຽບກົດໝາຍກຳນົດໄວ້ເປັນສາຍເຫດໃຫ້ມີຜູ້ກະທຳຜິດຊ້ຳອີກ ແລະ ເພີ່ມຂຶ້ນເລື້ອຍໆ, ພວກດັ່ງກ່າວບໍ່ມີທ່າທີຢ້ານກົວຫຍັງເລີຍ ເຂົາວ່າເງິນມີຫຼາຍແລ້ວບໍ່ເປັນໂທດ, ບໍ່ເຂົ້າຄຸກ ແລະ ສະບາຍໆ ສ່ວນພະນັກງານທີ່ໄປກວດສອບພວກເພິ່ນພັດວ່າກວດກາບໍ່ເປັນທຳ, ຮັບສິນບົນ ກາຍເປັນແພະຮັບບາບໃນສາຍຕາຂອງສັງຄົມ. ສະນັ້ນຂໍໃຫ້ລັດຖະມົນຕີກະຊວງການເງິນຄົ້ນຄ້ວາຊອກຫາວິທີ່ການແກ້ໄຂດ່ວນ ກ່ອນ ທ່ານ ຈະເຫັນປະເທດຊາດລົ້ມຈົມ.