ລາວໂຮມລາວ ເພື່ອປະຊາທິປະໄຕ

ຂໍຕໍ່

ຖ່ານໄມ້ຕີ້ວທີ່ຊື້ຢູ່ລາວ ລາຄາ 4-5 ລ້ານກີບຕໍ່ 1 ໂຕນ ເທົ່າກັບ 4-5 ພັນກີບ ຕໍ່ 1 ກິໂລ

ແຕ່ຖ້າຂາຍໃຫ້ຄົນລາວພາຍໃນປະເທດຈະໄດ້ພຽງ 2-3 ພັນກີບເທົ່ານັ້ນຕໍ່ 1 ກິໂລ

ສະນັ້ນຖ້າທ່ານໄປຖາມຊື້ຖ່ານໄມ້ຕີ້ວຈະຫາຍາກແລ້ວ ເຂົາບໍ່ເອົາມາຂາຍທົ່ວໄປແລ້ວ ວ່າຊັ້ນສາ!

ມີແຕ່ຖ່ານໄມ້ເນື້ອອ່ອນອື່ນໆ ທີ່ລາຄາຖືກກວ່ານັ້ນ ແຕ່ກະບໍ່ເປັນຫຍັງດອກ ຄົນລາວເຮົາບໍ່ມັກຍາກ ຢູ່ແລ້ວ

ແຕ່ວ່າຄຳຖາມອາດຈະເກີດຂື້ນກັບບາງທ່ານວ່າ ເກົາຫຼີ ຍີ່ປຸ່ນ ເທັກໂນໂລຢີ ເຂົາສູງປານນັ້ນ ເຂົາບໍ່ສາມາດເຜົາຖ່ານສັງເຄາະອື່ນໆ ຫຼື ເຮັດຖ່ານຂີ້ເລື່ອຍ ກໍ່ໜ້າຈະໄດ້

ຂໍອອກຄວາມເຫັນວ່າ:​ສັງຄົມທີ່ຈະເລີນແລ້ວ ເຂົາແຮງມັກຂອງທີ່ມາຈາກທະມະຊາດ ຖ່ານທີ່ໄປແຕ່ລາວ ໄດ້ຍິນວ່າໄດ້ຮັບຄວາມນິຍົມເປັນອັນດັບໜຶ່ງ

ຈຸດທີ່ເຂົາເອົາໄປຂາຍແມ່ນຕາມພັດຕະຄານ ຫຼື ຮ້ານອາຫານທີ່ມີການແຂ່ງຂັນສູງ ຖ້າຮ້ານໃດນຳໃຊ້ຖ່ານຂີ້ເລື່ອຍ ຫຼື ຖ່ານສັງເຄາະອື່ນໆ ຮ້ານນັ້ນອາດເຈັ້ງໄວໆ ຫຼື ໄປບໍ່ລອດ

 ໝາຍຄວາມວ່າຖ່ານນັ້ນມີບົດບາດສຳຄັນຕໍ່ທຸລະກິດຂອງເຂົາລະດັບຕົວເອກເລີຍວ່າຊັ້ນສາ ຜູ້ບໍລິໂພກຕ້ອງການ ຟິລ ຫຼື ຄວາມເປັນທຳມະຊາດ ວ່າຊັ້ນສາ

     ທັງນີ້ ຢູ່ບ້ານເຮົາກໍ່ໄດ້ມີການຫວງຫ້າມຕັດໄມ້ຕີ້ວຕາມຮົ້ວສວນຂອງຕົນເອງຢ່າງຕັ້ງໃຈ ນອກນັ້ນຍັງມີການປູກໄປພ້ອມໆກັນ ໂດຍສະເພາະນາຍທຶນຈາກປະເທດດັ່ງກ່າວ

ໄມ້ຂະໜາດໃຫຍ່ທີ່ເຄີຍຕັດຖິ້ມ ແຕ່ກີ້ ດຽວນີ້ ແມ່ນຊອຍເຜົາຖ່ານໄດ໊ໝົດ ເກືອບວ່າບໍ່ມີສ່ວນຖິ້ມ

ແລະນາຍທຶນກໍ່ຍັງ ໄດ້ເຊົ່າທີ່ດິນນຳ ລຖບ ແລະໄດ້ກ້າເບ້ຍໄມ້ຕີ້ວ ແລະກະ ຈ້າງຄົນລາວເບິ່ງແຍງ ແລະ ບົວລະບັດຄັກແນ່ ເຊິ່ງວ່າໄມ້ຕີ້ວ ເປັນໄມ້ນານໃຫຍ່ ແຕ່ກ່ອນແຕ່ກີ້ ສ່ວນຫຼາຍແມ່ນຕັດຖິ້ມ

ໃຊ້ປຸກເຮືອນບໍ່ໄດ້ ເພາະຖືກນ້ຳແລ້ວເປື່ອຍ ຜຸ່ຍ ມອດກິນ ເປັນຝຸ່ນ ເປື້ອນເປິ,................ເຊິ່ງວ່າກວ່າຈະເຜົາຖ່ານໄດ້ຕ້ອງກິນເວລາປະມານ ສິບ ປີ ຈຶ່ງເຜົາຖ່ານໄດ້

ທຸລະກິດຈາກຍີ່ປຸ່ນ ແລະ ເກົາຫຼີ ສ່ວນໃຫຍ່ຈະບໍ່ຂົ່ມເຫງແຮງງານລາວ ຫຼື ສັງຄົມລາວ ສະນັ້ນ ລຖບ ຈຶ່ງຄວນສົ່ງເສີມ ເປັນຢ່າງຍິ່ງ

ທີ່ສຳຄັນຢ່າປ່ອຍໃຫ້ເຈົ້າໜ້າທີ່ທ້ອງຖິ່ນອົມເງິນພາສີ ຫຼື ເງິນສຳປະທານປ່າໄມ້ຕິ້ວນັ້ນ ໄວ້ໃຊ້ແຕ່ພວກຕົນເອງເທົ່ານັ້ນ

ໄມ້ທີ່ເຂົາຊື້ທີ່ບໍ່ທັນໄດ້ເຜົາແມ່ນ ແສນຊາວພັນກີບ ຕໍ່ ແມັດກ້ອນ

ສຸດແລ້ວ ຂອບໃຈ ທີ່ປະກອບຂໍ້ມູນຕື່ມ