ການລັກຂຸດຄົ້ນ ແຮ່ຄໍາ ຍັງມີຫລາຍ ຢູ່ແຂວງ ຊຽງຂວາງ ໂດຍກຸ່ມ ທີ່ມີອິດທິພົນ ທັງໃນລາວ ແລະ ຈາກວຽດນາມ ຢູ່ເບື້ອງຫລັງ.
ການລັກຂຸດຄົ້ນແຮ່ຄໍາ ຍັງເກີດຂຶ້ນ ຢ່າງຫລວງຫລາຍ ໃນເຂດ 3 ເມືອງ ຂອງ ແຂວງຊຽງຂວາງ ຄືເມືຶອງພູກູດ, ເມືອງຄູນແລະເມືອງ ແປກ. ເຖິງແມ່ນວ່າ ທ່ານ ສົມກົດ ມັງໜໍ່ເມກ ເລຂາພັກ ແລະທັງ ເປັນເຈົ້າ ແຂວງຊຽງຂວາງ ຈະໄດ້ອອກ ປະກາດແຈ້ງການ ເຕືອນ ພາກສ່ວນຕ່າງໆ ທີ່ກ່ຽວຂ້ອງ ໃຫ້ດໍາເນີນມາຕການກວດກາ ຢ່າງ ເຂັ້ມງວດ ແລະ ຈັບຜູ້ກະທໍາ ຄວາມຜິດ ໂດຍບໍ່ມີຂໍ້ ຍົກເວັ້ນແລ້ວ ກໍຕາມ ແຕ່ກໍຍັງ ບໍ່ມີແນວໂນ້ມວ່າ ການລັກຂຸດແຮ່ຄໍານັ້ນ ຈະຫລຸດ ໜ້ອຍລົງ ແຕ່ຢ່າງໃດ. ຕາມການເປີດເຜີຍ ຂອງເຈົ້າໜ້າທີ່ ຂັ້ນສູງ ແຂວງຊຽງຂວາງ ຜູ້ຂໍສະຫງວນ ຊື່ທ່ານນຶ່ງ ຕໍ່ຜູ້ສື່ຂ່າວ ເອເຊັຍເສຣີ ເມື່ອທ້າຍອາທິດ ຜ່ານມາ.
ການຂຸດຄົ້ນແຮ່ຄໍາ ທີ່ຜິດກົດໝາຽ ປາກົດວ່າຂຍາຽ ເພີ່ມຂຶ້ນຫຼາຽ ກວ່າເກົ່າ ແລະ ເຮັດເປັນຂະບວນໃຫຍ່ຂຶ້ນນໍາອີກດ້ວຍຍ້ອນມີຜູ້ມີ ອິດທິພົນ ຫລື ເສັ້ນສາຍທາງການເມືອງທັງຢູ່ລາວແລະວຽດນາມ ຢູ່ເບື້ອງຫຼັງ. ດັ່ງນັ້ນ ຈຶ່ງເຮັດໃຫ້ ເຈົ້າໜ້າທີ່ ທ້ອງຖິ່ນ ບໍ່ສາມາດຈັບ ຜູ້ກະທໍາຄວາມຜິດ ນັ້ນໄດ້ ຕາມຣະບຽບ ກົດໝາຍ.
ເຂດທີ່ມີ ການລັກຂຸດຄົ້ນແຮ່ຄໍາ ຫລາຍກວ່າໝູ່ ໃນຂະນະນີ້ ແມ່ນເຂດພູຍອນ, ພູແຮ່ ແລະພູຖ່ານ ແລະ ມີບ້ານໂຈ້ຍ, ບ້ານໝີ່, ບ້ານປວງ ແລະບ້ານຄັງໂຮງ ເປັນສູນຮວມ ໃນການຊື້ຂາຍແຮ່ຄໍາ ທັງເປັນສູນຈໍາໜ່າຍສານເຄມີ ແລະ ຜລິຕພັນຕ່າງໆທີ່ຈໍາເປັນໃນການຂຸດຄົ້ນແຮ່ຄໍາ.
ຣາຍງານວ່າ ມີຄົນເສັຍຊີວິດ ຍ້ອນດິນຖະລົ່ມ ແລ້ວ 20 ກວ່າຄົນ ແຕ່ບໍ່ມີການ ແຈ້ງໃຫ້ ເຈົ້າໜ້າທີ່ ບ້ານເມືອງ ຮູ້ນໍາ.
ຂະນາດຜູ້ນຳຍັງມີບາງພວກໂກງບ້ານກິນເມືອງ ສ້າງຮັ່ງຄູນມີໃຫ້ຕົນເອງແລະພັກພວກ ສັງຄົມໄດກະມີທັງຄົນດີ ຄົນບໍດີປະປົນກັນໄປ ບາງເທືອເຂົາອາດຮຽນແບບພະນັກງານພັກລັດ ຫ້ານລະ ການສໍ້ໂກງ ມີທຸກລະດັບໃນລາວ ຫ້ານນະ ທີ່ພວກເຂົ້າກະທໍຍໍຕົວເອງ ສລາດສ່ອງໃສ ເຮັດເພື່ອປະເທດຊາດ ຟາດງົບປະມານ ຜ່ານຊັບສິນຂອງປະເທດຊາດຜູກຂາດ ສິດຂອງປະຊາຊົນ
