ຫຼາຍທ່ານຄົງເຫັນດີ ຫຼື ນຶກພາບອອກ ວ່າ ການຂາຍສັດ ຫຼື ຊີ້ນປາອາຫານ ຢູ່ຕາມສະຖານທີ່ທ່ອງທ່ຽວ ບໍ່ໜ້າຈະໄດ້ຮັບອະນຸຍາດ
ແຕ່ວ່າພັດມີການຂາຍສັດທີ່ຍັງເປັນໆຢູ່
ແນ່ນອນບໍ່ມີແຕ່ປະເທດລາວທີ່ເປັນແບບນີ້
ແຕ່ວ່າແທນທີ່ຊິເປັນການສ້າງພາບລັກທີ່ດີໃຫ້ແກ່ການທ່ອງທ່ຽວ ກັນວ່າມັນເປັນການສ້າງພາບລົບຫຼາຍກວ່າ
ເລື່ອງກະຄືວ່າ ນັກທ່ອງທ່ຽວນັ້ນສ່ວນຫຼາຍເປັນຄົນມີການສຶກສາ ເປັນຄົນມີລະດັບໃນສັງຄົມນັ້ນໆ ລວມທັງມີຖານະດີພໍສົມຄວນ ຫາ ດີຫຼາຍຈົນຮອດເສດຖີ ກໍ່ມີ
ການມາທ່ຽວແມ່ນການມາພັກຜ່ອນຢ່ອນອາຣົມ ບໍ່ແມ່ນມາເພື່ອເຮັດການກຸສົນ
ສະນັ້ນ ກັນຄິດວ່ານັກທ່ອງທ່ຽວສ່ວນໃຫຍ່ຄືຊິບໍ່ມັກທີ່ເຫັນຄົນເອົາສັດ (ນົກ) ໂຕນ້ອຍໆມາຂັງໃສ່ຕູ້ມນ້ອຍໆ ແລ້ວກະເລາະຂາຍ ຍ່າງໄປຫາຜູ້ນັ້ນຜູ້ນີ້ ບາງຄົນເຂົາຢ້ານ ພະຍາດ ຫຼື ເຊື້ອໂຣກ ຈົນໄດ້ຖອຍໜີແບບຢ້ານກົວ
ບາງວັນນົກບໍ່ໄດ້ຂາຍເຈົ້າຂອງກໍ່ຍ່າງເລາະໄປເລາະມາໝົດມື້ ອາກາດກໍ່ຮ້ອນ ຈັກນ້ຳ ຈັກອາຫານບໍ່ຮູ້ວ່ານົກຊິໄດ້ກິນຕາມມາດຕະຖານ ທຳມະຊາດຂອງມັນຫຼືບໍ່
ນົກບາງໂຕກໍ່ຕາຍຄາຕູ້ມ ບາງໂຕປ່ອຍແລ້ວກະບໍ່ບິນ ໄປບໍ່ເປັນ ເພາະມັນເມື່ອຍ ລ່າ ........................
ການຂາຍສັດນັ້ນບໍ່ຜິດກົດໝາຍແນ່ນອນ ເພາະນົກກະຈອກ ນົກຈິບນັ້ນ ບໍ່ຜິດກົດໝາຍບ້ານເມືອງແຕ່ປະການໃດ
ແຕ່ວ່າ ສະຖານທີ່ທ່ອງທ່ຽວໃດ໋ ເດີ ໂດຍຄວາມຖືກຕ້ອງແລ້ວຖືວ່າ ບໍ່ຖືກກົດລະບຽບທີ່ຈະຂາຍສັດຕາຍຫຼືສັດເປັນຢູ່ໃນສະຖານທີ່ດັ່ງກ່າວ
ອານີ້ຄົນລາວບາງກູ່ມ ຫຼື ບາງຈຳພວກສວາຍໂອກາດນຳໃຊ້ສາສະໜາ ມາເປັນເຄື່ອງມືຫາກິນ ໂດຍບໍ່ຄຳນຶງເຖິງຄວາມຖືກຕ້ອງ ແລະເໝາະສົມ
ບາງທີເຈົ້າໜ້າທີ່ກະອາດມີສ່ວນໄດ-ເສຍນຳຂະບວນການ ທາຣູນລະກຳນີ້
ຄົນທີ່ເຮັດກັບສັດໄດ້ ຖ້າມີໂອກາດເຂົາກໍ່ອາດເຮັດກັບຄົນໄດ້ຄືກັນ
ມັນສາມາດເວົ້າໄດ້ວ່າເປັນການສົ່ງເສີມປູກຝັງຈິດສຳນຶກຂອງການຄ້າຂາຍມະນຸດ ກໍ່ສາມາດເວົ້າໄດ້
ທີ່ຂຽນມານີ້ກະບໍ່ໝາຍຄວາມວ່າເຮົາບໍ່ຂ້າສັດເພື່ອກິນເປັນອາຫານດອກ ກະເຄີຍຄືກັນ
ເຄີບຈັບກົບຈັບປາໄປຂາຍຕະຫຼາດກະເຄີຍ
ແຕ່ວ່າ ການທໍລະມານສັດນີ້ ເທ່າທີ່ຈື່ໄດ້ເຮົາບໍ່ເຄີຍ
ທີ່ຢາກເວົ້າຫຼັກໆ ກະແມ່ນວ່າມັນບໍ່ຄວນຂາຍຢູ່ໃນວັດ ຫຼື ສະຖານທີ່ທ່ອງທ່ຽວຕ່າງນີ້ເອງ
ອານີ້ກະເປັນວຽກຂອງລັດໂດຍກົງ ໃຫ້ເຈົ້າໜ້າທີ່ສັງຫ້າມເຂົາແລ້ວກະແລ້ວ ແຕ່ສາມາດຂາຍຢູ່ນອກສະຖານທີ່ໄດ້
ຂຽນມາດ້ວຍຄວາມຫວັງດີ
