ສະເໜີບັນດາທ່ານພິຈາລະນາ
ຕາມຫາງສຽງຂອງສັງຄົມກ່ຽວກັນບັນຫາການສໍ້ລາດບັງຫຼວງນີ້ມັນໄດ້ກາຍເປັນສັນຍາລັກຂອງຄົນລັດໄປແລ້ວ ປະຊາຊົນບໍ່ມີຄວາມໄວ້ເນື້ອເຊື່ອໃຈ ແລະພວກບໍລິສັດທັ້ງໝາຍກະມັກຄວາມງ່າຍມັນກະເລີຍກາຍເປັນຊ່ອງວ່າງການການສໍ້ລາດບັງຫຼວງ. ຕົວຢ່າງບໍລິສັດກໍ່ສ້າງທັ້ງຫຼາຍແມ່ນຈ່າຍໄຕ້ໂຕະໝົດ ແຕ່ຖ້າຫາດລັດສາມາດເກັບພາສີກັບບັນດາບໍລິສັດເຫຼົານີ້ໄດ້ຢ່າງຖືກຕ້ອງເຊື່ອແນ່ວ່າມີເງນຈໍານວນມາຫາສານເຂົ້າຄັ້ງເງິນແຫ່ງຊາດແນ່ນອນ. ແຕ່ປະຈຸບັນນີ້ຢ່າງຮູ້ຮູ້ກັນເງິນແມ່ເຂົ້າຖົງພະນັກງານອາກອນຜູ້ລົງໄປກວດກາ ກວດສອບແລະຄິດໄລ່ຕ່າງໆໝົດ. ຄົນຈໍາພວກນີ້ມີເງິນຫຼາຍກວ່ານາຍຍົກອີກຂ້ອຍວ່າ ເພາະໂຄງການໜຶ່ງໆ ມັນບໍ່ໄດ້ເຮັດຫຍັງເອົາເງິນໄປແລ້ວ 4-5 ລ້ານກີບ ໂດຍທີ່ບໍ່ໄດ້ເຮັດຫຍັງສິບໍ່ໃຫ້ມັນຮັ່ງໄດ້ຈັ່ງໃດ. ປັນຫາກໍ່ຄື: ອັນທີໜຶ່ງ: ພວກບໍລິສັດຕ່າງໆເຫຼົ່ານີ້ສ່ວນໜຶ່ງແມ່ນບໍ່ຮູ້ຂັ້ນຕອນຂອງກົດໝານກະເລີຍຍອມເສຍແບບງ່າຍເພາະບໍ່ຢາກວົນວາຍ, ອາດມີບາງກຸ່ມຮູ້ແຕ່ພະຍາຍາມຫຼີກລ້ຽງ. ຕໍ່ບັນຫາອັນທີ່ໜຶ່ງນີ້ ທາງກະຊວງການເງິນຕ້ອງໄດ້ຈັດຕັ້ງໜວຍງານລົງໄປເຜີຍແຜ່ລະບຽບກົດໝາຍພາສີ ອາກອນ ໃຫ້ທົ່ງເຖິງ ໂດຍເນັ້ນໃສ່ໃຫ້ບໍລິສັດເຂົ້າໃຈຂັ້ນຕອນຕ່າງໆ ແລະຄ່າອັດຕາຕ່າງໆ ພ້ອມທັງສະເໜີໃຫ້ຮູ້ແບບຝອມຕ່າງໆຟ້ອມ. ກະຊວງການເງິນຄວນຈັດກອງປະຊຸ່ມເຜີຍກົດໝາຍໂດຍເຊີນບໍລິສັດທີ່ກຽວຂ້ອງມາຮັບຊາບແລະເນັ້ນເຖິງຄວາມສໍາຄັນ. ບັນຫາທີສອງ ລະບົບການເກັບພາສີ ອາກອນ ຄວນຍົກລະດັບໃຫ້ເປັນລະບົບ internet ໃນຂອບເຂດທົ່ວປະເທດ ນໍາໃຊ້ລະບົບ e-banking ໂດຍໃຫ້ບໍລິສັດທີ່ເລກທີ່ເສຍພາສີ ອາກອນຂອງຕົນ ເປັນທະບຽນເຂົ້າສູ່ລະບົບ ແລະສາມາດກວດສອລແລະກວດກາໄດ້. ຈັດລະບົບການກວດສອບຕາມການເສຍ ແລະມີລະບົບຍ້ອງຍໍແລະລົງໂທດ ເຮັດຈັງໃດ? ຕົວຢ່າງບໍລິສັດໜຶ່ງເສຍພັນທະຄົບຕາມຈໍານວນ ຕົງເວລາພາຍໃນສາມປີ ລັດມີນະໂຍບາຍລົດພາສີຫຼືອາກອນໃຫ້ເປັນຂັ້ນບັນໄດໃນແຕ່ລະປີ ຈາກ 30-20 ເປີເຊັ່ນ ແລະຖ້າບໍລິສັດໃດບໍ່ປະຕິບັດຕາມກົດໝາຍຢ່າງເຄັ່ງຄັດ ຄວາມມີການປັບໃໝ່ແລະປັບຂຶ້ນແບບຂັ້ນບັນໃດເຊັ່ນກັນ ຈາກ 30-40 ເປີເຊັນ. ແລະຖ້າເຮັດຖືກຕ້ອງກໍ່ຫຼຸດລົງມາຕາມຂັ້ນບັນໃດຄືເກົ່າ. ການປະຕິບັດແນວນີ້ຈະຊ່ວຍໃຫ້ຜູ້ເສຍພາສີມີແຮງບັນດາໃຈຢາກເຮັດໃຫ້ຖືກຕ້ອງ ແລະປະກອບສ່ວນໃນການສ້າງສາປະເທດຊາດ. ການປະຕິບັດນີ້ຕ້ອງມີການກວດສອບຢ່າງຄັກແນ່ແລະມີຫຼັກຖານເພື່ອຫຼີກຫລ້ຽງການໃສ່ຮ້າຍປ້າຍສີ ແລະການສໍ້ສົນອື່ນໆ ບັນຫາອັນທີ່ສາມ: ການປະຕິຫຼືການອອກເຮັດວຽກຂອງສ່ວຍສາອາກອນຕ້ອງມີບຸກຄົນທີ່ສາມໄປນໍາ ເຊິ່ງບຸກຄົນທີ່ສາມນີ້ເປັນຄົນຂອງກະຊວງອື່ນທີ່ບໍ່ມີຜົນໄດ້ເສຍກັບກຸ່ມຄົນເຫຼົ່ານີ້ ບຸກຄົນທີ່ສາມອາດມາຈາກກະຊວງຍຸດຕິທໍາ ຫຼືສໍານັກງານນາຍຍົກ?? ບຸກຄົນນີ້ຕ້ອງເປັນຜູ້ມີໜ້າທີ່ສູງສົມຄວນແລະໄດ້ຮັບການຄັດເລື່ອກມາຢ່າງດີເພື່ອເຮັດໜ້າທີ່ໃນການຕິດຕາມການປະພຶດຂອງພວກພະນັກງານ ປາຣາສິດ ພະນັກງານແມ່ທ້ອງ ພະນັກງານຂີ້ກະຕືກ. ຖ້າຈະເວົ້າຍິ່ງຍາວ ເລື່ອງວິທີການປາບການສໍ້ໂກງ ແຕ່ສໍາຄັນວ່າພັກລັດມີຄວາມຈິງໃຈສໍາໃດ ແລະຮັບຮູ້ບັນຫາຂອງບ້ານເມືອງສໍາໃດ ໂຕນີ້ເປັນຕົວຕັດສິ້ນ ແຕ່ຖ້າຍັງເຮັດຫູກິນຟານຢູ່ ບ້ານເມືອງກະເປັນແນວນີ້ແຫຼະ ຖ້າຢາກໃຫ້ປະເທດເປັນຄືປະເທດເພິ່ນກະຕ້ອງກ້າທີ່ຈະແກ້ໄຂ ຄິດໃໝ່ເຮັດໃໝ່. ຢາກເວົ້າຍາວຢູ່ແຕ່ກະສິເສຍນໍາລາຍລ້າໆ ຄວາມຫວັງດີຂອງເຮົາມັນຄືສິບໍ່ໄປກິນໃຈໃຜດອກ ເພາະແຕ່ລະຄົນກະພະຍາຍາມເອົາຕົວລອດແທນທີ່ສິເອົາປະເທດຊາດໄປລອດກ່ອນ. ຂໍໂທດເດີທີ່ເວົ້່າຍາວ ຖ້າສົນໃຈສິສະເໜີຕື່ມ ຂອບໃຈທີ່ມີບ່ອນໃຫ້ລະບາຍ
