ລາວໂຮມລາວ ເພື່ອປະຊາທິປະໄຕ

Members Login

Post Info

TOPIC: ໂຄງການກໍ່ສ້າງເຂື່ອນໄຟຟ້າປາກແບ່ງ

Anonymous

Date: Aug 25, 2013

ໂຄງການກໍ່ສ້າງເຂື່ອນໄຟຟ້າປາກແບ່ງ	Permalink

ໂຄງການກໍ່ສ້າງເຂື່ອນໄຟຟ້າປາກແບ່ງ ມື້ວານນີ້, ກະຊວງພະລັງງານ ແລະ ບໍ່ແຮ່ໄດ້ລາຍງານຜົນການສຳຫລວດ ເບື້ອງຕົ້ນຂອງໂຄງການກໍ່ສ້າງເຂື່ອນໄຟຟ້າ ປາກ ແບ່ງທີ່ຈະສ້າງຂື້ນຢູ່ແມ່ນ້ຳຂອງເ ຂດເມືອງປາກແບ່ງ, ແຂວງອຸດົມໄຊ ໃນພາກເໜືອ ຂອງ ສປປ ລາວ ຕໍ່ກັບວິຊາການ ທີ່ກ່ຽວຂ້ອງ ແລະ ສື່ມວນຊົນວ່າ: ເຂື່ອນໄຟຟ້ານ້ຳຂອງປາກແບ່ງແຫ່ງນີ້ໄດ້ຖືກອອກ ແບບໃຫ້ເປັນເຂື່ອນນ້ຳໄຫລໃນລັກສະນະດຽວກັບເຂື່ອນໄຟຟ້ານ້ຳຂອງໄຊຍະບູລີ ເຊິ່ງມີກຳລັງການຕິດຕັ້ງທັງໝົດ 912 ເມກາວັດ ແລະ ສາມາດຜະລິດພະ ລັງງານ ໄຟຟ້າສະເລ່ຍ 4.846 ຈິກກາວັດໂມງຕໍ່ປີ ດ້ວຍການລົງທຶນທັງໝົດປະມານ 2,7 ຕື້ໂດລາສະຫະລັດ. ທ່ານ ດຣ. ດາວົງ ພອນ ແກ້ວ, ຫົວໜ້າກົມນະໂຍບາຍ ກະ ຊວງພະລັງງານ ແລະ ບໍ່ແຮ່ ເຊິ່ງ ເປັນປະທານກອງປະ ຊຸມ ໄດ້ກ່າວ ສະຫຼຸບຫຍໍ້ວ່າ: ການກໍ່ສ້າງເຂື່ອນດັ່ງກ່າວຈະປະກອບດ້ວຍການສ້າງຊ່ອງທາງເດີນຂອງເຮືອເຊິ່ງສາມາດເຮັດ ໃຫ້ເຮືອບັນທຸກສິນຄ້າທີ່ມີນ້ຳໜັກ ເຖິງ 500 ໂຕນແລ່ນຂື້ນ-ລົງໄດ້ ຢ່າງສະດວກ, ການສ້າງທາງ ຂື້ນ-ລົງສຳລັບປະຊາກອນ ຂອງປາ ແລະ ການເຄື່ອນຍ້າຍຂອງ ດິນ ຕະກອນນຳອີກ. ເຂື່ອນໄຟຟ້ານ້ຳຕົກແບບນ້ຳ ໄຫລຈະບໍ່ແມ່ນເຂື່ອນ ລະດັບສູງ ທີ່ກັກນ້ຳຈຳນວນນ້ຳມະຫາສານໃນລະດູຝົນເພື່ອປ່ອຍ ໃນລະດູແລ້ງ, ລະດັບນ້ຳທີ່ໄຫລເຂົ້າ ແລະ ອອກຂອງເຂື່ອນແມ່ນຢູ່ລະດັບສະ ໝ່ຳສະເໝີຕະຫລອດຮອບ ປີ. ມາຮອດປັດຈຸບັນເຂື່ອນໄຟຟ້ານ້ຳຕົກໄດ້ປະກອບສ່ວນເຂົ້າໃນການເປັນຊັບພະຍາກອນ ຮັ່ງມີຂອງປະເທດປະມານ 33 ສ່ວນຮ້ອຍ. ການພັດທະນາພະລັງງານໄຟຟ້ານ້ຳຕົກແມ່ນວິທີທາງ ຕົ້ນ ຕໍອັນໜຶ່ງທີ່ຈະນຳເອົາທຶນຮອນມາຊ່ວຍຮັບປະ ກັນເຮັດໃຫ້ປະເທດລາວອອກຈາກບັນຊີບັນດາຊາດທີ່ທຸກຍາກທີ່ສຸດໃນປີ 2020. ຜູ້ເຂົ້າຮ່ວມຮັບຟັງການລາຍ ງານຄັ້ງນີ້ແມ່ນມາຈາກ ຫ້ອງວ່າ ການລັດຖະບານ, ກະຊວງ ການຕ່າງປະເທດ, ກະຊວງ ແຜນການ ແລະ ການລົງທຶນ, ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ກະຊວງພະລັງງານ ແລະ ບໍ່ແຮ່, ກອງເລຂາຄະນະກຳມະການແມ່ນ້ຳຂອງແຫ່ງຊາດ ແລະ ສື່ມວນຊົນຈາກພາກສ່ວນຕ່າງໆ. __________________

Anonymous

Date: Aug 28, 2013

	Permalink
ລັດຖະບານລາວລົງທຶນເອງຫວາ? __________________

Page 1 of 1 sorted by

Create your own FREE Forum
Report Abuse